គោលនយោបាយ -ការរស់នៅ ការរស់នៅ

02/12/2025 - 12:57

មានផ្ទះសម្បែងរឹងមាំជួយគ្រួសារក្រីក្រ "លំនឹងជីវភាព"

ផ្ដើមពីប្រភពទុនកម្មវិធីទិសដៅជាតិអភិវឌ្ឍន៍សេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០២៥ (ហៅកាត់ថា កម្មវិធី) ទីក្រុងកឹងធើ បានខ្នះខ្នែងផ្សព្វផ្សាយ គម្រោងជាក់ស្តែងជាច្រើន ក្នុងនោះ មានការឧបត្ថម្ភសង់លំនៅឋានជូនគ្រួសារក្រីក្រ ជួយពួកគាត់ មាន “ផ្ទះសម្បែងសមរម្យ” ឈានឡើងលំនឹងជីវភាព។

បងថាច់សេន នៅឃុំធ្វឹងហ្វា មានក្ដីសោមនស្សរីករាយដោយការយកចិត្តទុកដាក់ឧបត្ថម្ភសង់ផ្ទះថ្មីរបស់បក្សនិរដ្ឋ។

តាមកម្មវិធី កំណត់ទិសដៅដល់ឆ្នាំ ២០៣០ បានធ្វើឱ្យជាក់ច្បាស់ដោយសមាសភាពគម្រោងចំនួន ១០ រួមមានអនុគម្រោងជាច្រើន។ ក្នុងនោះ គម្រោងទី ១ ដោះស្រាយស្ថានភាពខ្វះដីសង់ផ្ទះ ផ្ទះនៅ ដីផលិត ទឹកស្អាតប្រើប្រាស់ ផ្លាស់ប្តូរមុខរបរជាដើម។ តាមប្រសាសន៍ សមមិត្ត ត្រឹងង៉ុកថាញផុង ប្រធានគណៈកម្មាធិការប្រជាជនឃុំធ្វឹងហ្វា ដើម្បីផ្សព្វផ្សាយគម្រោង ចំណុះកម្មវិធីប្រកបដោយប្រសិទ្ធភាព រយៈពេលកន្លង រដ្ឋអំណាចភូមិភាគបានខ្នះខ្នែងពិនិត្យតាមដាន; សហការជាមួយគណៈ ផ្នែក និងអង្គការមហាជន ពិនិត្យវាយតម្លៃបញ្ជីគ្រួសារដែលបានទទួលផល និងធ្វើការពិនិត្យជាក់ស្តែងដើម្បីធានាគ្រួសារក្រីក្របានឧបត្ថម្ភទាន់ពេល និងត្រូវចំមុខសញ្ញាទទួលផល ជួយប្រជាជនឆាប់មានផ្ទះសម្បែងស្រួលបួលនិងស្ងប់អារម្មណ៍ប្រកបការងាររកស៊ី។

សំណេះសំណាលជាមួយយើងខ្ញុំនៅក្នុងផ្ទះថ្មី បងថាច់សេន នៅភូមិភឿកគ្វើយ ឃុំធ្វឹងហ្វា មិនអាចលាក់បាំងនូវក្តីសប្បាយរីករាយ ព្រោះចាប់ពីពេលនេះទៅ គ្រួសារគាត់លែងរស់នៅក្នុងផ្ទះស្លឹកទ្រុឌទ្រោមទៀត។ ជាគ្រួសារឋិតក្នុងក្របខ័ណ្ឌគ្រួសារក្រីក្ររបស់ភូមិភាគ សេដ្ឋកិច្ចគ្រួសារនៅជួបលំបាកច្រើន ដូច្នេះហើយ គាត់មិនហ៊ាន គិតដល់ការសង់ផ្ទះទេ។ ក្នុងឆ្នាំ ២០២៣ ដោយបានបក្ស រដ្ឋយកចិត្តទុកដាក់ឧបត្ថម្ភសង់ផ្ទះថ្មី គ្រួសារគាត់រីករាយខ្លាំងណាស់។ បងថាច់សេន រ៉ាយរ៉ាប់៖ “អរគុណចំពោះបក្ស រដ្ឋ និងរដ្ឋអំណាចភូមិភាគបានយកចិត្តទុកដាក់ឧបត្ថម្ភសង់ផ្ទះដល់គ្រួសារខ្ញុំ មានផ្ទះសម្បែងរឹងមាំជួយដល់គ្រួសារ ខ្ញុំស្ងប់អារម្មណ៍ពលកម្មផលិត ឈានឡើងចាកផុតពីភាពក្រីក្រ”។

ចំណែកពូទ្រីវស៊ីណេ នៅភូមិសុកបឹង ឃុំញូយ៉ា ចែករំលែក៖ “តាំងពីកាលណាមក ខ្ញុំមិនដែលហ៊ានគិតថានឹងមានផ្ទះរឹងមាំបែបនេះទេ ពីមុនរស់នៅក្នុងផ្ទះស្លឹកចាស់ទ្រុឌទ្រោម ការប្រកបជីវភាពលំបាក។ ឥឡូវនេះ បានបក្ស រដ្ឋយកចិត្តទុកដាក់ឧបត្ថម្ភសង់ផ្ទះថ្មី ខ្ញុំអរគុណបក្ស រដ្ឋច្រើនណាស់”។ ជាមួយនឹងការឧបត្ថម្ភទាន់ពេលនេះ នឹងជួយគ្រួសារគាត់ស្ងប់អារម្មណ៍ពលកម្មផលិត និងឈានឡើងលំនឹងជីវភាព។

សមមិត្តត្រឹងក្វឹកហុឹង ប្រធានគណៈកម្មាធិការប្រជាជនឃុំញូយ៉ា ផ្ដល់ព័ត៌មាន៖ “ឆ្លងតាមរយៈការផ្សព្វផ្សាយកម្មវិធី បានជួយគ្រួសារក្រីក្រ ជនរួមជាតិខ្មែរជាច្រើនឈានឡើងក្នុងជីវភាព ទិដ្ឋភាពជនបទតំបន់ជនជាតិភាគតិចរស់នៅមានការរីកចម្រើនច្រើន”។

ជាមួយនឹងការផ្សព្វផ្សាយអនុវត្តប្រកបដោយប្រសិទ្ធភាពនូវកម្មវិធីគោលនយោបាយជនជាតិ របស់បក្ស រដ្ឋ សម្រាប់ជនរួមជាតិខ្មែរ ជាពិសេស គឺគោលនយោបាយឧបត្ថម្ភផ្ទះនៅបានជួយគ្រួសារក្រីក្រមានកន្លែងរស់នៅស្រួលបួល ស្ងប់អារម្មណ៍ពលកម្មផលិត ឈានឡើងចាកផុតពីភាពក្រីក្រដោយចីរភាព៕

ថាញវ៉ាង - ថាច់ធី

ចែករំលែកអត្ថបទ

ពាក្យគន្លឹះ