ព្រឹត្តិការណ៍ - នយោបាយ ព្រឹត្តិការណ៍

27/10/2025 - 09:36

រដ្ឋសភាពិភាក្សាជាក្រុមស្តីពីលទ្ធផលនៃការអនុវត្តផែនការអភិវឌ្ឍន៍សេដ្ឋកិច្ច-សង្គម ឆ្នាំ ២០២៥

តាមកម្មវិធីសម័យប្រជុំលើកទី ១០ រដ្ឋសភា នីតិកាលទី ១៥ នាថ្ងៃទី ២១ ខែតុលា រដ្ឋសភាបានចំណាយពេលពេញមួយថ្ងៃពិភាក្សាជាក្រុម ស្តីពីលទ្ធផលនៃការអនុវត្តផែនការអភិវឌ្ឍន៍សេដ្ឋកិច្ច-សង្គម ឆ្នាំ ២០២៥; គម្រោងផែនការអភិវឌ្ឍន៍សេដ្ឋកិច្ច-សង្គម ឆ្នាំ ២០២៦; របាយការណ៍ បណ្តាការងារអាណត្តិកាល ២០២១ - ២០២៦ របស់ប្រធានរដ្ឋនិងរដ្ឋាភិបាល។

លោកប្រធានរដ្ឋ លឿងកឿង ធ្វើរបាយការណ៍បូកសរុបការងារអាណត្តិកាល ២០២១ - ២០២៦។ រូបថត៖ ផាមកៀង ទីភ្នាក់ងារសារព័ត៌មានវៀតណាម

ក្នុងសម័យប្រជុំពេលព្រឹក រដ្ឋសភាបានពិភាក្សា និងវាយតម្លៃលើលទ្ធផលនៃការអនុវត្តផែនការអភិវឌ្ឍន៍សេដ្ឋកិច្ច-សង្គម ឆ្នាំ ២០២៥; គម្រោងផែនការអភិវឌ្ឍន៍សេដ្ឋកិច្ច-សង្គម ឆ្នាំ ២០២៦។ ស្ថានភាពនៃការអនុវត្តថវិការដ្ឋ ឆ្នាំ ២០២៥ គម្រោងថវិការដ្ឋ ផែនការបែងចែកថវិកាមជ្ឈិម ឆ្នាំ ២០២៦ (ក្នុងនោះមានផែនការហិរញ្ញវត្ថុ ថវិការដ្ឋ រយៈពេល ៣ ឆ្នាំ ២០២៦ - ២០២៨; ស្ថានភាពនៃការអនុវត្តផែនការវិនិយោគរដ្ឋដោយទុនថវិការដ្ឋ ឆ្នាំ ២០២៥ គម្រោងផែនការវិនិយោគរដ្ឋដោយទុនថវិការដ្ឋ ឆ្នាំ ២០២៦; ស្ថានភាពនៃការអនុវត្តផែនការហិរញ្ញវត្ថុ ឆ្នាំ ២០២៥ គម្រោងផែនការហិរញ្ញវត្ថុ ឆ្នាំ ២០២៦ នៃបណ្ដាមូលនិធិហិរញ្ញវត្ថុរដ្ឋក្រៅថវិកាដែលគ្រប់គ្រងដោយមជ្ឈិម)។

បន្ទាប់មក រដ្ឋសភាបានពិភាក្សាអំពីលទ្ធផលនៃការអនុវត្តសេចក្តីសម្រេចចិត្តនានារបស់រដ្ឋសភា ស្តីពីផែនការ ៥ ឆ្នាំ ដំណាក់កាល ២០២១ - ២០២៥៖ អភិវឌ្ឍសេដ្ឋកិច្ច-សង្គម; រចនាសម្ព័ន្ធ ខឿនសេដ្ឋកិច្ចឡើងវិញ; វិនិយោគរដ្ឋរយៈពេលមធ្យម; ហិរញ្ញវត្ថុជាតិ និងការបុលសងបំណុលរដ្ឋ; រៀបគម្រោងផែនការនានា៖ ហិរញ្ញវត្ថុជាតិ ៥ ឆ្នាំ ដំណាក់កាល២០២៦ - ២០៣០; វិនិយោគ រដ្ឋរយៈពេលមធ្យម ដំណាក់កាល២០២៦ - ២០៣០។

របាយការណ៍របស់រដ្ឋាភិបាល តុលាការប្រជាជនកំពូល អយ្យការប្រជាជនកំពូល ស្តីពីស្ថានភាពនៃការអនុវត្តរដ្ឋធម្មនុញ្ញច្បាប់ សេចក្តីសម្រេចចិត្តរបស់រដ្ឋសភា បទប្បញ្ញត្តិ សេចក្តីសម្រេចចិត្តរបស់គណៈកម្មាធិការអចិន្ត្រៃយ៍នៃរដ្ឋសភា ឆ្នាំ ២០២៥។

ក្នុងសម័យប្រជុំពេលរសៀល រដ្ឋសភាបន្តពិភាក្សាលើរបាយការណ៍ការងារអាណត្តិកាល ២០២១-២០២៦ របស់ប្រធានរដ្ឋ រដ្ឋាភិបាល; សេចក្តីព្រាងរបាយការណ៍ការងារអាណត្តិកាល នីតិកាលទី ១៥ របស់រដ្ឋសភា; បណ្តារបាយការណ៍ការងារអាណត្តិកាល នីតិកាលទី ១៥ របស់គណៈកម្មាធិការអចិន្ត្រៃយ៍នៃរដ្ឋសភា ក្រុមប្រឹក្សាជនជាតិ បណ្ដាគណៈកម្មាធិការរបស់រដ្ឋ សភា កម្មាភិបាលសវនកម្មរដ្ឋ; របាយការណ៍ ការងារអាណត្តិកាល ២០២១ - ២០២៦ របស់តុលាការប្រជាជនកំពូល អយ្យការប្រជាជនកំពូល៕

V.T/កាសែតព័ត៌មាននិងជនជាតិ - សុផន

ចែករំលែកអត្ថបទ

ពាក្យគន្លឹះ