គោលនយោបាយ -ការរស់នៅ គោលនយោបាយ

10/10/2025 - 07:07

មាមីងខ្មែរមានក្តីរីករាយពេលមកធ្វើសំណុំបែបបទរដ្ឋបាលនៅឃុំថ្មី

នៅឃុំអាងនិញ ទីក្រុងកឹងធើចាប់ពីបានដំណើរការជាផ្លូវការទម្រង់រដ្ឋអំណាចភូមិភាគ២ថ្នាក់(ថ្នាក់ឃុំ/សង្កាត់/មណ្ឌលពិសេស-ថ្នាក់ខេត្ត/ទីក្រុងចំណុះមជ្ឈិម) ការអនុវត្តបណ្តាសំណុំបែបបទរដ្ឋបាលមានភាពងាយស្រួល ឆាប់រហ័ស បង្កក្តីរីករាយពេញចិត្តចំពោះមាមីង។

ប្រជាជនមកធ្វើសំណុំបែបបទរដ្ឋបាល។

ឃុំអាងនិញ ទីក្រុងកឹងធើបានបង្កើតលើមូលដ្ឋានរួមបញ្ចូលពីអង្គភាពរដ្ឋបាលទាំងពីរគឺឃុំអាងនិញនិងឃុំអាងហ៊ីប (ចំណុះស្រុកចូវថាញ់ ខេត្តសុកត្រាំងចាស់) ក្រោយពីរួមបញ្ជូលឃុំអាងនិញមានផ្ទៃដី៦៨,៨១គ.ម២ រួមមាន១៦ភូមិ ដោយមានប្រជាជនជាង ៤០.០០០នាក់។ ក្នុងនោះ ជនរួមជាតិខ្មែរស្រូបអត្រាជាង៦០% អនុវត្តកែទម្រង់រដ្ឋបាលតាមគោលការណ៍រួមមជ្ឈមណ្ឌលរដ្ឋបាលរដ្ឋឃុំអាងនិញបានចាត់តាំងតាមទម្រង់ទំនើប សកម្មភាពតាមយន្តការទ្វារមួយ។ នេះជាដើមទងចម្បងសម្រាប់ទទួលនិងដោះស្រាយបណ្តាសំណុំបែបបទរដ្ឋបាលជូនប្រជាជនលើភូមិដ្ឋាន រួមចំណែកលើកកម្ពស់គុណភាពបម្រើប្រជាជននៅភូមិភាគ។

សព្វថ្ងៃមជ្ឈមណ្ឌលទទួលការងារចំនួន៧វិស័យដូច បញ្ជាក់ក្រដាសស្នាម បែបបទរដ្ឋបាល-វប្បធម៌សង្គម យុត្តិធម៌-អត្រានុកូលដ្ឋាន វិទ្យាសាស្រ្ត-បច្ចេកវិជ្ជា ធនធាន-បរិស្ថាន ដីធ្លីនិងប្រៃសណីយ៍-ធានារ៉ាប់រងសង្គម។ បណ្តាសំណុំឯកសាររបស់ប្រជាជន តែងបានទទួលដោះស្រាយនិងសងលទ្ធផលវិញនៅឃុំ មិនចាំបាច់ឡើងថ្នាក់ស្រុកដូចពីមុនទៀតឡើយ។

ប្រជាជនមកធ្វើសំណុំបែបបទរដ្ឋបាលនៅឃុំអាងនិញ ទីក្រុងកឹងធើ។

បងឡឹមថាញ់ទុង បុគ្គលិករដ្ឋផ្នែកទទួលសំណុំឯកសារយុត្តិធម៌-អត្រានុកូលដ្ឋានបាន ឱ្យដឹង៖ មធ្យមក្នុងមួយថ្ងៃខ្ញុំទទួលសំណុំឯកសារបានចំនួន១០។ ដំបូងនៅជួបការលំបាក ប្រព័ន្ធនៅមិនបានរលូន ប៉ុន្តែមកដល់ពេលនេះរៀបចំបានស្រួលហើយ។ អាស្រ័យខ្ញុំជាជនជាតិខ្មែរ ម៉្លោះហើយការជួយមាមីងខ្មែរធ្វើសំណុំបែបបទក៏មានភាពងាយស្រួល។

កត់សម្គាល់នៅមជ្ឈមណ្ឌលរដ្ឋបាលរដ្ឋឃុំអាងនិញក្នុងដើមសប្តាហ៍ បរិយាកាសធ្វើការគឺមានភាពយ៉ាងរលូន។ ប្រជាជនមកធ្វើបណ្តាសំណុំឯកសារតែងបានកម្មាភិបាលទទួល ណែនាំដោយអស់ពីចិត្តចាប់ពីយកលេខរៀង បញ្ចូលព័ត៌មាន ពិនិត្យសំណុំឯកសាររហូតដល់សងលទ្ធផលវិញ។ រៀបចំកៅអីសម្រាប់ប្រជាជនរង់ចាំដល់វេនធ្វើសំណុំឯកសារ។

បងស្រីឡឹមធីសង នៅភូមិភូនិញអា រីករាយឱ្យដឹង៖ ខ្ញុំឃើញការធ្វើក្រដាសស្នាម ឥឡូវងាយស្រួលណាស់។ ពីមុនត្រូវតែឡើងដល់ស្រុកចុះឡើងបង់ខាតណស់។ សព្វថ្ងៃ ធ្វើនៅឃុំបានកម្មាភិបាលណែនាំដោយអស់ពីចិត្ត។ អ្នកណាមិនចេះអក្សរតែងបានកម្មាភិបាលជួយសរសេរធ្វើសំណុំបែបបទខ្ញុំមានក្តីរីករាយណាស់។

បងស្រីចូវង៉ុកហុង-នាយកមជ្ឈមណ្ឌលរដ្ឋបាលរដ្ឋឃុំអាងនិញបានឱ្យដឹង៖ អស់រយៈកាលជាង២ខែដែលដំណើរការរាល់ថ្ងៃមជ្ឈមណ្ឌលបានទទួលនិងដោះស្រាយសំណុំឯកសារបានចំនួន៩០។ បណ្តាសំណុំឯកសារដូច ផ្តល់លិខិតបញ្ជាក់កំណើត លិខិតរៀបអាពាហ៍ពិពាហ៍ បញ្ជាក់ស្ថានភាពរៀបមង្គលការ បញ្ជាក់សំណុំឯកសារ។ល។ បានដោះស្រាយក្នុងថ្ងៃ បន្ថយបានពេលវេលាដែលរង់ចាំ។

តាមបងហុងដើម្បីធានាមានប្រសិទ្ធភាព មជ្ឈមណ្ឌលបានវិនិយោគជួសជុលពីមូលដ្ឋានសម្ភារៈ បំពាក់ឧបករណ៍សម្រាប់ទទួលសំណុំឯកសារពីប្រជាជន។ កងជួរកម្មាភិបាលធ្វើការនៅមជ្ឈមណ្ឌលបានជម្រើសដោយម៉ត់ចត់ អាទិភាពចំពោះអ្នកដែលមានបទពិសោធន៍ ប៉ិនប្រសប់ក្នុងការទំនាក់ទំនងជាមួយមាមីងខ្មែរ បង្កភាពជិតស្និទ្ធ។ អាស្រ័យហេតុនោះ រដ្ឋអំណាចឃុំអាងនិញបានក្លាយជាអាសយដ្ឋានគួរឱ្យទុកចិត្តដើម្បីជនរួមជាតិខ្មែរនិយាយដោយឡែកនិងប្រជាជននៅភូមិភាគនិយាយរួម ស្ងប់ចិត្តធ្វើសំណុំបែបបទរដ្ឋបាល។

ទន្ទឹមនោះការងារផ្សព្វផ្សាយពីសេវារដ្ឋ ភ្ជាប់បណ្តាញក៏បានឃុំអាងនិញយកចិត្តទុកដាក់។ ប្រជាជនក៏បានណែនាំដាក់បញ្ចូលប្រើប្រាស់សេវារដ្ឋភ្ជាប់បណ្តាញ ប៉ុន្តែអត្រាប្រើប្រាស់នៅទាបដោយមានលក្ខណៈពិសេសជាតំបន់ជនជាតិ។ ដើម្បីជម្នះការងារទាំងនេះ មជ្ឈមណ្ឌលកំពុងសហការជាមួយបណ្តាអង្គការមហាជនណែនាំជំនួយប្រជាជនពេលធ្វើសំណុំបែបបទ។ ទន្ទឹមនោះ ផ្សព្វផ្សាយចំណេះដឹងនិងផលប្រយោជន៍ពីសេវារដ្ឋភ្ជាប់បណ្តាញជូនមាមីង។

អាចនិយាយបានថា មជ្ឈមណ្ឌលរដ្ឋ បាលរដ្ឋឃុំអាងនិញជាសក្ខីភាពប្រកបដោយភាពរស់រវើកសម្រាប់ការកសាងរដ្ឋអំណាចមូលដ្ឋានទំនើប ស្និទ្ធស្នាល បម្រើប្រជាជន។ ជាមួយការស្របមតិរបស់ជនរួមជាតិខ្មែរ ទម្រង់រដ្ឋអំណាច២ថ្នាក់នៅឃុំអាងនិញ សង្ឃឹមថានឹងពង្រីកមានប្រសិទ្ធភាព បង្កជាជំហានថ្មីក្នុងការគ្រប់គ្រងរដ្ឋបាលនៅភូមិភាគរួមចំណែកលើកកម្ពស់ជីវភាពប្រជាជននៅទីនេះ៕

ហុងទើ-ដាលីន

ចែករំលែកអត្ថបទ

ពាក្យគន្លឹះ