មហាសាមគ្គីជនជាតិ គំរូក្នុងសហគមន៍

03/10/2025 - 13:37

ពង្រីកតួនាទីអ្នកមានប្រិយភាពក្នុងតំបន់ជនជាតិភាគតិច

ជាមួយលក្ខណៈពិសេសក៏ជាភូមិភាគដែលមានជនរួមជាតិខ្មែររស់នៅកុះករ ប៉ុន្មានឆ្នាំកន្លង គណៈកម្មាធិការបក្ស រដ្ឋ អំណាចឃុំលីវទូ ទីក្រុងកឹងធើបានកសាងកងជួរអ្នកមានប្រិយភាពក្នុងសហគមន៍។ ទន្ទឹមនោះពង្រីកបានតួនាទីរបស់អ្នកមានប្រិយភាពក្នុងការអនុវត្តភារកិច្ចនយោបាយ សេដ្ឋកិច្ចសង្គមនៅភូមិភាគ។ អ្នកមានប្រិយភាពនៅទាំងជាកម្លាំងស្នូលក្នុងការប្រឆាំងទស្សនៈខុសឆ្គងពីគោលនយោបាយជនជាតិ ការពាររឹងមាំសតិអារម្មណ៍របស់បក្សរួមចំណែកធ្វើឱ្យភូមិ ស្រុកពីមួយថ្ងៃកាន់តែអរិយធម៌ ល្អប្រសើរ។

ពូត្រឹងលីវ (ខាងស្តាំ) អ្នកមានប្រិយភាពនៅភូមិបឹងទ្រៀក ឃុំលីវទូ ទីក្រុងកឹងធើ។

ប៉ុន្មានឆ្នាំមុន ជីវភាពជនរួមជាតិខ្មែរ នៅឃុំលីវទូនៅជួបការលំបាក។ ប្រព័ន្ធអគ្គិសនី ផ្លូវគមនាគមន៍ សាលារៀន មិនទាន់វិនិយោគ ផលិតកសិកម្មមិនសម្រេចប្រសិទ្ធភាព ប្រាក់ចំណូលនៅទាប អត្រាគ្រួសារក្រនៅខ្ពស់ នៅមានទម្លាប់អន់ថយ។ ប៉ុន្តែប៉ុន្មានឆ្នាំជិតៗនេះ ទិដ្ឋភាពភូមិស្រុក មានការផ្លាស់ថ្មី ជីវភាពរបស់ជនរួមជាតិខ្មែរបានកើនឡើង។ សម្រេចបានលទ្ធផលខាងលើគឺអាស្រ័យការយកចិត្តទុកដាក់ ចង្អុលការរបស់រដ្ឋអំណាចភូមិភាគនិងការគប់វាល់របស់អ្នកមានប្រិយភាពក្នុងសហគមន៍។ គំរូដូចពូត្រឹងលីវ អ្នកមានប្រិយភាព នៅភូមិបឹងទ្រៀក ឃុំលីវទូ ទោះបីអាយុកាន់តែចាស់ប៉ុន្តែពូនៅតែព្យាយាម ខិតខំធ្វើការងារសង្គម បំផុតគឺការចលនាកសាងជនបទថ្មី។ សំណេះសំណាលជាមួយយើងខ្ញុំ ពូលីវបានឱ្យដឹង៖ ក្រោយពីចូលនិវត្តន៍កាលឆ្នាំ១៩៩០ ខ្ញុំឃើញជីវភាពរបស់មាមីងនៅជួបការលំបាក សំណង់ជាច្រើនមានភាពទ្រុឌទ្រោមឥទ្ធិពលដល់ការធ្វើដំណើរទៅមក និងការអភិវឌ្ឍសេដ្ឋកិច្ចរបស់ភូមិភាគ។ ព្រោះហេតុដូច្នេះទើបខ្ញុំសកម្មចូលរួមការចលនា “ទូទាំងប្រជាជន សាមគ្គីកសាងជនបទថ្មី” ចលនាគប់វាល់ទឹកប្រាក់និងកម្លាំងពលកម្មដើម្បីជួសជុល និងកសាងថ្មីនូវសំណង់ជាច្រើនក្នុងភូមិភាគ”។ ពិសេស ដោយប្រិយភាពរបស់ខ្លួន ពូត្រឹងលីវបានចលនាជាមួយថវិកាជាង៥ពាន់លានដុង កសាងបានស្ពានចំនួន ១៥ កសាងដងផ្លូវជនបទដោយប្រវែង ១.៩០០ម។ ស្របពេល ពូនៅទាំងចលនាមាមីងជំនួយទន្ទឹមនឹងនោះចែករំលែកបទពិសោធន៍ក្នុងការពលកម្មផលិតដើម្បីរួមគ្នាអភិវឌ្ឍសេដ្ឋកិច្ចឈានឡើងក្នុងជីវភាព។ ទន្ទឹមនោះតែងផ្សព្វផ្សាយបណ្តាគោលនយោបាយរបស់បក្ស ក្រឹត្យច្បាប់របស់រដ្ឋដល់មាមីងជួយឱ្យមាមីងយល់ដឹងនិងប្រតិបត្តិការល្អតាមច្បាប់។

ចំណែកពូគឹមរ៉ុង អ្នកប្រិយភាពនៅភូមិតាអុង ឃុំលីវទូ ដោយការប៉ិនប្រសប់ក្នុងការទំនាក់ទំនង ពេលកន្លង ពូបានចលនា គ្រួសារនិងប្រជាជនអនុវត្តល្អតាមគោលនយោបាយរបស់បក្សនិងក្រឹត្យច្បាប់របស់រដ្ឋ ចលនាមាមីងចូលរួមក្នុងការកសាងជនបទថ្មី។ ជាក់ស្តែងឆ្នាំ២០២៤ ពូសហការជាមួយបណ្តាអង្គការមហាជនភូមិចលនាប្រជាជនកសាងស្ពានជនបទចំនួន៦ ដងផ្លូវដានចំនួន២ កសាងបង្គោលអគ្គិសនីអុជបំភ្លឺចំនួន៦២ដើមនិងស្តារប្រឡាយធារាសាស្រ្តវាលស្រែចំនួន២ កាប់ឆ្ការស្មៅនិងដាំផ្កាតាមដងផ្លូវជនបទដោយមានប្រវែង ១.២០០ម ជាមួយថវិកាជិត១ពាន់លានដុង។ ក្រៅពីនោះ នៅទាំងចលនាបានអង្ករជាង៦តោននិងអំណោយចំនួន៦.០០០ចំណែក សម្រាប់ជូនមាមីងក្រ គ្រួសារគោលនយោបាយនៅភូមិភាគ។ល។ បងថាច់គឿង ប្រជាជននៅភូមិភាគបានឱ្យដឹង៖ មាមីងនៅទីនេះនរណាក៏គោរពស្រឡាញ់ពូរុ៉ងទាំងអស់ ពីព្រោះពូរុ៉ងស្លូតបូតចេះជួយមាមីង បំផុត គឺមាមីងដែលមានជីវភាពជួបការលំបាក ខ្វះមុខខ្វះក្រោយ។

ពូគឹមរុ៉ង(ខាងស្តាំ) អ្នកមានប្រិយភាពនៅភូមិតាអុង ឃុំលីវទូ ទីក្រុងកឹងធើ។

សមមិត្តយីបថាញ់វិញ ប្រធានគណៈកម្មាធិការប្រជាជនឃុំលីវទូបានឱ្យដឹង៖ ពេលកន្លង អ្នកមានប្រិយភាពតែងពង្រីកល្អតួនាទីជាគំរូក្នុងការប្រតិបត្តិការល្អគោលនយោបាយរបស់បក្ស ក្រឹត្យច្បាប់របស់រដ្ឋ។ សកម្មចូលរួមដោះស្រាយការលំបាក ដែលកើតឡើងនៅភូមិភាគ។ ពិសេសក្នុងការចលនា “ទូទាំងប្រជាជនសាមគ្គីកសាងជនបទថ្មី ក្រុងអរិយធម៌”។ ជាក់ស្តែងចលនាប្រជាជនធ្វើផ្លូវគមនាគមន៍ កសាងនិងជួសជុលស្ពាន ដាំផ្កា បង្កទិដ្ឋភាពឱ្យបានស្អាតបៃតង។

ដោយប្រិយភាពនិងភារៈរបស់ខ្លួន អ្នកមានប្រិយភាពក្នុងជនជាតិភាគតិចបានរួមដំណើរជាមួយគណៈកម្មាធិការបក្ស រដ្ឋអំណាចភូមិភាគក្នុងដំណើរការអភិវឌ្ឍរបស់ភូមិស្រុក។ ពួកគាត់ជាស្ពានតភ្ជាប់រវាងបក្ស និងប្រជាជនជាខ្សែតភ្ជាប់យ៉ាងស្អិតល្មួតនៃផែនមហាសាមគ្គីជនជាតិជាបងប្អូន រួមចំណែកការពារយ៉ាងរឹងមាំសតិអារម្មណ៍របស់បក្ស។ ដើម្បីពង្រីកតួនាទីអ្នកមានប្រិយភាពតំបន់ជនជាតិភាគតិចពេលខាងមុខ រដ្ឋអំណាចភូមិភាគគប្បីក្តាប់ស្ថានភាពរបស់អ្នកមានប្រិយភាព ចាត់តាំងផ្សព្វផ្សាយបណ្តាគោលនយោបាយរបស់បក្ស និងក្រឹត្យច្បាប់របស់រដ្ឋទាក់ទងដល់ជនជាតិ សាសនា បណ្តាគណៈផ្នែកអង្គការមហាជនភូមិភាគគប្បីមានវិធានការជំនួយនិងបង្កលក្ខណៈដើម្បីអ្នកមានប្រិយភាពពង្រីកតួនាទី មានឥទ្ធិពលក្នុងសហគមន៍រួមចំណែកកសាងសង្គមពីមួយថ្ងៃកាន់តែអភិវឌ្ឍ៕

ថាញ់វ៉ាង-ដាលីន

ចែករំលែកអត្ថបទ

ពាក្យគន្លឹះ