សុខភាព - អប់រំ សុខភាព

03/10/2025 - 08:02

វេជ្ជបណ្ឌិតខ្មែរអស់ពីចិត្តដើម្បីថែទាំសុខភាពប្រជាជន

ជាង២៣ឆ្នាំផ្សារភ្ជាប់ជាមួយផ្នែកវេជ្ជសាស្ត្រ វេជ្ជបណ្ឌិតជំនាញទោទេស យឿងធីហ្វាងអៀងប្រធានផ្នែកពិនិត្យជំងឺ ប្រធានសហជីពនៃមន្ទីរពេទ្យជំនាញផ្នែកសម្ភពនិងកុមារសុកត្រាំង ទីក្រុងកឹងធើតែងធ្វើល្អភារកិច្ចជាគ្រូពេទ្យថែទាំសុខភាពប្រជាជនបានល្អ។

វេជ្ជបណ្ឌិតជំនាញទោទេស យឿងធីហ្វាងអៀងប្រធានផ្នែកពិនិត្យជំងឺ ប្រធានសហជីពនៃមន្ទីរពេទ្យជំនាញផ្នែកសម្ភពនិងកុមារសុកត្រាំង។

វេជ្ជបណ្ឌិតហ្វាងអៀង កើតនិងធំដឹងក្តីនៅឃុំដាយតឹម ស្រុកមីស្វៀង ខេត្តសុកត្រាំង (ចាស់) សព្វថ្ងៃជាសង្កាត់មីស្វៀង ទីក្រុងកឹងធើ ជាឃុំមានជនរួមជាតិខ្មែររស់នៅច្រើន។ តាំងពីតូច បងស្រីមានក្តីប្រាថ្នាក្លាយជាវេជ្ជបណ្ឌិតដើម្បីព្យាបាលជំងឺជូនមាមីងជនរួមជាតិខ្មែរ។ ឆ្នាំ២០០៣ បន្ទាប់ពីប្រឡងបញ្ចប់ផ្នែកវេជ្ជសាស្ត្រ បងស្រីដាក់ពាក្យសុំចូលបំពេញការងារនៅមន្ទីរពេទ្យពហុព្យាបាលខេត្តសុកត្រាំង (ចាស់) បំពេញការងារពិនិត្យព្យាបាលជំងឺបណ្តើរ ចូលរួមការងារបង្ការប្រឆាំងជំងឺអាសន្នបណ្តើរ។ ឆ្នាំ២០១៧ វេជ្ជបណ្ឌិតអៀងបានបញ្ជូនមកបំពេញការងារនៅមន្ទីរពេទ្យជំនាញផ្នែកសម្ភពនិងកុមារសុកត្រាំង ទីក្រុងកឹងធើរហូតមកដល់បច្ចុប្បន្ន។

វេជ្ជបណ្ឌិតអៀងឱ្យដឹងថា៖ ព្រោះខ្ញុំជាជនជាតិខ្មែរ ដូច្នេះងាយស្រួលក្នុងការនិយាយ និងពិគ្រោះជំងឺជូនប្រជាជនខ្មែរ។ ព្រោះហេតុនោះ ប្រជាជនខ្មែរងាយយល់នឹងមានការយល់ដឹងខ្ពស់ពីវិធីណែនាំរបៀបរស់នៅ និងបង្ការជំងឺដើម្បីការពារសុខភាពរបស់ខ្លួនទាក់ទិននឹងជំងឺសម្ភព”។

ក្នុងការងារ វេជ្ជបណ្ឌិតហ្វាងអៀងមានគំនិតយល់ដឹងនូវភារកិច្ចនយោបាយ សំខាន់របស់អង្គភាពគឺអនុវត្តការងារបង្ការជំងឺ ពិនិត្យព្យាបាលជំងឺនិងការពារ លើកកម្ពស់សុខភាពជូនប្រជាជន។ ដើម្បីឆ្លើយតបបានតម្រូវការមួយថ្ងៃកាន់តែខ្ពស់របស់ប្រជាជនដំណាក់កាលសព្វថ្ងៃ សមូហភាពមន្ទីរពេទ្យជំនាញផ្នែកសម្ភពនិងកុមារនិយាយរួម សមូហភាពផ្នែកពិនិត្យជំងឺនិយាយដោយឡែកបានខិតខំអនុវត្តព្រមៗ គ្នារាល់ដំណោះស្រាយសំដៅលើកកម្ពស់គុណភាពពិនិត្យព្យាបាលជំងឺដោយគោលដៅបំពេញចិត្តរបស់អ្នកជំងឺ។

ជាមួយនាទីជាប្រធានផ្នែកពិនិត្យជំងឺ និងប្រធានសហជីព វេជ្ជបណ្ឌិតហ្វាងអៀង តែងជាគំរូ សកម្មក្នុងការងារគ្រប់គ្រង ដឹកនាំនិងប្រតិបត្តិការប្រកបដោយប្រសិទ្ធភាព រាល់សកម្មភាពជំនាញរបស់អង្គភាព សំខាន់គឺការងារពិនិត្យ ព្យាបាលជំងឺ វះកាត់របស់សម្ភព។ តាំងពីនោះ គុណភាពពិនិត្យ ព្យាបាលជំងឺបានលើកកម្ពស់ជាបន្តបន្ទាប់។ ក្រៅពីអនុវត្តល្អការទទួលខុសត្រូវរបស់ខ្លួន វេជ្ជបណ្ឌិតហ្វាងអៀងក៏បានលើកទឹកចិត្តយ៉ាងសកម្មដល់វេជ្ជបណ្ឌិតនិងបុគ្គលិកពេទ្យរបស់ផ្នែក លើកកម្ពស់ស្មារតីអាកប្បកិរិយាបម្រើអ្នកជំងឺ លទ្ធភាពទំនាក់ទំនង អនុវត្តល្អសេចក្តីកំណត់ចំនួន១២ស្តីពីក្រមសីលធម៌ គ្រូពេទ្យ បង្កើនការងារផ្តល់យោបល់ពន្យល់ជូនអ្នកជំងឺ។ មិនតែប៉ុណ្ណោះ វេជ្ជបណ្ឌិតហ្វាងអៀងរួមនឹងវេជ្ជបណ្ឌិតក្នុងផ្នែកពិនិត្យជំងឺនៅទាំងសកម្មជំរុញការសិក្សាធ្វើតាមសតិអារម្មណ៍ សីលធម៌ ឥរិយាបថហូជីមិញផ្សារភ្ជាប់ជាមួយអនុវត្តភារកិច្ចថែទាំ លើកកម្ពស់គុណភាពពិនិត្យ ព្យាបាលជំងឺជូនប្រជាជន បង្កភាពសាយភាយក្នុងសហគមន៍យ៉ាងជ្រាលជ្រៅដោយស្មារតីដើម្បីបម្រើប្រជាជន។

ចំពោះមិត្តរួមអាជីព វេជ្ជបណ្ឌិតហ្វាងអៀងតែងអស់ពីចិត្តក្នុងការជំនួយបង្កលក្ខណៈល្អបំផុតដើម្បីសមូហភាពសិក្សាលើកកម្ពស់វិជ្ជាជំនាញ។ វេជ្ជបណ្ឌិតត្រឹងង៉ុកឡាម ផ្នែកពិនិត្យនិយាយថា៖“វេជ្ជបណ្ឌិតយឿងធីហ្វាងអៀងជាអ្នកមានជំនាញ វិជ្ជាជីវៈរឹងមាំ មានភាពស្វាហាប់ក្នុងការងាររស់នៅស្រុះស្រួល និងត្រៀមខ្លួនជួយមិត្តរួមអាជីព។ ចំពោះអ្នកជំងឺគឺអស់ពីចិត្ត ស្និទ្ធស្នាលសួរសុខទុក្ខពីសុខភាព លើកទឹកចិត្តអ្នកជំងឺដើម្បីពួកគេមានទំនុកចិត្តឆ្លងកាត់ការពិនិត្យជំងឺ ពិសេសគឺបានអ្នកជំងឺជឿជាក់ ចំនួនអ្នកជំងឺមកពិនិត្យ ព្យាបាលជំងឺនៅមន្ទីរពេទ្យ ក៏កើនឡើងប្រៀបនឹងពីមុន”។

ដោយការខិតខំរបស់ខ្លួននិងការគប់វាល់ក្នុងបុព្វហេតុថែទាំការពារសុខភាពប្រជាជន វេជ្ជបណ្ឌិតយឿងធីហ្វាងអៀង ទទួលបានប័ណ្ណសរសើរជាច្រើនរបស់ប្រធានគណៈកម្មាធិការប្រជាជនខេត្តសុកត្រាំង ក្រសួងសុខាភិបាលនិងពិសេសឆ្នាំ២០២៤ ទទួលបានប័ណ្ណសរសើររបស់នាយករដ្ឋមន្ត្រីនៃរដ្ឋាភិបាលមានស្នាដៃពី “អនាម័យ សុវត្ថិភាពគ្រឿងបរិភោគ”៕

ទ្រឿងផល-អាញ់យ្វី

ចែករំលែកអត្ថបទ

ពាក្យគន្លឹះ