មហាសាមគ្គីជនជាតិ ភូមិស្រុកផ្លាស់ថ្មី

26/08/2025 - 10:10

ភាពរីកចម្រើននៃតំបន់ជនរួមជាតិខ្មែរឃុំឡាយហ្វា

ឃុំឡាយហ្វា ទីក្រុងកឹងធើ កន្លែងដែលមានជនរួមជាតិខ្មែររស់នៅជាង ៧០% ជាមួយនឹងការវិនិយោគព្រមៗគ្នា ធ្វើឱ្យទិដ្ឋភាពតំបន់ជនបទកាន់តែស្រស់បំព្រងនិងរីកចម្រើន ជីវភាពប្រជាជនបានលើកកម្ពស់។

បងថាច់សាវី (ឈរកណ្តាល) នៅភូមិព្រៃជាប់ ឃុំឡាយហ្វា ទីក្រុងកឹងធើ
រំភើបចិត្តជាមួយផ្ទះថ្មី។

កំណត់ច្បាស់ការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច គឺជាភារកិច្ចនយោបាយដ៏សំខាន់ រដ្ឋអំណាចឃុំឡាយហ្វា បានផ្សព្វផ្សាយគម្រោងនិងគោលនយោបាយ ឧបត្ថម្ភជាច្រើន នាំមកប្រសិទ្ធភាពជាក់ស្តែង។

ក្នុងការអភិវឌ្ឍសេដ្ឋកិច្ចនៅតំបន់ជនបទ មានទម្រង់ផលិតជាច្រើនមានប្រសិទ្ធភាព ដូចជា៖ ទម្រង់ដាំស្ពៃជ្រក់ ស្ពៃខាតណា ខ្ទឹមក្រហម ឆៃថាវ បានពង្រីកយ៉ាងទូលំទូលាយ នាំមកប្រាក់ចំណូលលំនឹងដល់ប្រជាជនជាច្រើនគ្រួសារ។ ទន្ទឹមនឹងនោះ ស្ថានភាពចិញ្ចឹមជលផលមានការវិវឌ្ឍជាវិជ្ជមាន តម្លៃលំនឹង ផ្ទៃដីចិញ្ចឹមបានពង្រីកដល់ជាង១.៨០០ហិកតា កើនជិត៧០០ហិកតា បើប្រៀបធៀបនឹងរយៈពេលដូចគ្នានៃឆ្នាំមុន។

ការពង្រឹងនិងលើកកម្ពស់គុណភាពលក្ខឋានជនបទថ្មី ក៏ជាភារកិច្ចមួយដ៏សំខាន់របស់ឃុំ គឺចលនាស្ម័គ្រចិត្តកសាងទេសភាព “ភ្លឺ-បៃតង-ជ្រះ-ស្អាត-សុវត្ថិភាព” បានផ្សព្វផ្សាយអនុវត្តយ៉ាងទូលំទូលាយ ទាក់ទាញកម្មាភិបាល សមាគម អង្គការមហាជននានានិងប្រជាជនចូលរួមច្រើនកុះករ។

ទម្រង់ដាំស្ពៃជ្រក់របស់ប្រជាជននៅភូមិព្រៃជាប់ B ឃុំឡាយហ្វា ទីក្រុងកឹងធើ។

ចំណុចលេចធ្លោបំផុតក្នុងកិច្ចការផ្លាស់ថ្មីនៅឃុំឡាយហ្វា គឺកម្មវិធីលុបបំបាត់ផ្ទះបណ្តោះអាសន្ន ផ្ទះទ្រុឌទ្រោម។ ដោយការប្តេជ្ញាចិត្តខ្ពស់របស់រដ្ឋអំណាចភូមិភាគ លើកទី១របស់កម្មវិធី បានអនុវត្តសម្រេច១០០%នៃផែនការឧបត្ថម្ភសាងសង់ផ្ទះថ្មី៣៣៧ខ្នង សរុបថវិកាជាង២០ពាន់លានដុង។ ផ្តើមពីនោះ ផ្ទះទ្រុឌទ្រោម បានជំនួសដោយផ្ទះឥដ្ឋរឹងមាំមានភាពសមរម្យ នាំមកក្តីរីករាយ សុភមង្គល ជូនគ្រួសារប្រជាជនជាច្រើនលើភូមិសាស្ត្រ។

បងថាច់សាវី ប្រជាជននៅភូមិព្រៃជាប់ ឱ្យដឹងដោយរីករាយ៖ “ពីមុន គ្រួសារខ្ញុំរស់នៅក្នុងផ្ទះទ្រុឌទ្រោម ពេលភ្លៀងម្តងៗទឹកស្រក់មិនអាចកេងបាន។ ដើមឆ្នាំ២០២៥ ដោយបានការឧបត្ថម្ភរបស់រដ្ឋអំណាច គ្រួសារខ្ញុំមានផ្ទះថ្មី ស្អាតបាតរឹងមាំ។ មានផ្ទះថ្មី ខ្ញុំហាក់ដូចជាមានកម្លាំងចិត្តក្នុងការពលកម្ម សង្ឃឹមថា សេដ្ឋកិច្ចគ្រួសារនឹងមានភាពល្អប្រសើរ”។

តាមប្រសាសន៍ លោកត្រឹងទ្រីវឹង ប្រធានគណៈកម្មាធិការប្រជាជនឃុំឡាយហ្វា លទ្ធផលសម្រេចបានក្នុងរយៈពេលកន្លង គឺអាស្រ័យការឯកភាពនិងប្តេជ្ញាចិត្តខ្ពស់ក្នុងទូទាំងប្រព័ន្ធនយោបាយនិងការស្របចិត្តពីសំណាក់ប្រជាជន។ ស្ថានភាពសេដ្ឋកិច្ច-សង្គមរបស់ឃុំ បន្តអភិវឌ្ឍលំនឹង ផ្ទៃដីដាំដំណាំបានពង្រីក ហេដ្ឋារចនាសម្ព័ន្ធបានពង្រឹង គោលនយោបាយសុខុមាលភាពបានអនុវត្តគ្រប់សព្វទាន់ពេល។ ជាពិសេស ការងារសន្តិសុខការពារប្រទេសតែងបានឃុំយកចិត្តទុកដាក់ ធានាសន្តិសុខសណ្តាប់ធ្នាប់លើភូមិសាស្ត្រនិងតំបន់ព្រំដែនសមុទ្រ៕

អត្ថបទនិងរូបថត៖ ហុងទើ-មុនី

ចែករំលែកអត្ថបទ

ពាក្យគន្លឹះ