ព្រឹត្តិការណ៍ - នយោបាយ ព្រឹត្តិការណ៍

14/04/2025 - 17:33

សកម្មភាពជាច្រើនអំណរបុណ្យចូលឆ្នាំថ្មីប្រពៃណី ឆ្នាំ២០២៥

ស្របក្នុងឱកាសបុណ្យចូលឆ្នាំថ្មី ឆ្នាំ២០២៥ ខេត្ត ក្រុងដែលមានជនរួមជាតិខ្មែររស់នៅកុះករនៅតំបន់វាលរាបទន្លេគឺវឡុង បានរៀបចំគណៈប្រតិភូទៅសួរសុខទុក្ខ ប្រគេននិងជូនទេយ្យវត្ថុ ប្រសិទ្ធពរឆ្នាំថ្មីដល់ព្រះសង្ឃ អាចារ្យ គ្រួសារគោលនយោបាយ អ្នកមានប្រជាប្រិយ កម្មាភិបាល យុទ្ធជន ជនរួមជាតិខ្មែរ ។ល។ និងរៀបចំយ៉ាងមហោឡារិកពិធីជួបជុំអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ជាមួយស្មារតីសាមគ្គី សប្បាយរីករាយ។

ថ្នាក់ដឹកនាំក្រុងកឹងធើ ថតរូបអនុស្សាវរីយ៍ជាមួយអ្នកតំណាងក្នុងពិធីជួបជុំអំណរបុណ្យចូលឆ្នាំថ្មី ឆ្នាំ ២០២៥។

សមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ និងសមាជិកក្រុមការងារថតរូបអនុស្សាវរីយ៍ជាមួយថ្នាក់ដឹកនាំកាសែតកឹងធើ និងកម្មាភិបាល បុគ្គលិកនៃកាសែតកឹងធើភាសាខ្មែរ។ រូបថត៖ ក្វឹកថាយ

មន្ទីរជនជាតិនិងសាសនាខេត្តបាកលីវ ជូនអំណោយដល់គ្រួសារខ្មែរក្រីក្រ គ្រួសារប្រ
កៀកបន្ទាត់ក្រីក្រលើភូមិសាស្ត្រខេត្ត។

តំណាងភូមិភាគនិងអ្នកធ្វើហិរញ្ញប្បទាន ប្រគល់ផ្ទះដល់គ្រួសារបងថាច់អាញ់។

នៅក្រុងកឹងធើ សមមិត្តផាមវ៉ាន់ហេវ អនុលេខាប្រចាំការនៃគណៈកម្មាធិការបក្ស ក្រុង ប្រធានក្រុមប្រឹក្សាប្រជាជនក្រុងកឹងធើ អញ្ជើញទៅសួរសុខទុក្ខនិងប្រសិទ្ធពរឆ្នាំថ្មីដល់កម្មាភិបាល បុគ្គលិកកាសែតកឹងធើភាសាខ្មែរ។ សមមិត្ត បានវាយតម្លៃខ្ពស់ ចំពោះការខិតខំប្រឹងប្រែងជម្នះលំបាករបស់កម្មាភិបាល បុគ្គលិកកាសែតកឹងធើ និយាយរួម និងកម្មាភិបាល បុគ្គលិកជាជនជាតិខ្មែរនិយាយដោយឡែក ដើម្បីកសាងកាសែតកឹងធើភាសាខ្មែរ ប្រកបដោយគុណភាព រួមចំណែកធ្វើឱ្យការងារផ្សព្វផ្សាយក្នុងតំបន់ជនរួមជាតិខ្មែរសម្រេចប្រសិទ្ធភាពខ្ពស់។

គណៈកម្មាធិការប្រជាជនក្រុងកឹងធើ ទើបរៀបចំពិធីជួបជុំព្រះសង្ឃ អាចារ្យ កម្មាភិបាល យុទ្ធជននិងជនរួមជាតិខ្មែរ។ល។ នៅក្នុងកិច្ចជំនួបតំណាងថ្នាក់ដឹកនាំក្រុង បានរបាយការណ៍សង្ខេបអំពីភាគកម្រិតទាំង ១៨ នៃការអភិវឌ្ឍសេដ្ឋកិច្ច-សង្គម អំពីវិស័យការងារជនជាតិដែលក្រុងដាក់ចេញ សុទ្ធតែអនុវត្តសម្រេចនិងសម្រេចលើសភាគកម្រិត ជីវភាពជនរួមជាតិភាគតិចត្រូវបានធានា។ បច្ចុប្បន្ន ក្រុងមានគ្រួសារជនជាតិភាគតិចក្រីក្រ២៩គ្រួសារ ស្រូបអត្រា ០,២៩% ក្នុងនោះ គ្រួសារជនរួមជាតិខ្មែរមាន២០គ្រួសារ គ្រួសារប្រកៀកបន្ទាត់ក្រីក្រថយចុះនៅ៣៤៦គ្រួសារ ស្រូបអត្រា៣,៤៤% នៃចំនួនគ្រួសារជនជាតិភាគតិច ក្នុងនោះ គ្រួសារជនជាតិខ្មែរមាន ៣៣២គ្រួសារ។ ស្របក្នុងឱកាសនេះដែរ ក្រុងបានរៀបចំទេយ្យវត្ថុជាច្រើនប្រគេននិងជូនដល់ព្រះសង្ឃ អាចារ្យ គ្រួសារគោលនយោបាយ អ្នកមានប្រជាប្រិយ កម្មាភិបាល យុទ្ធជនជាជនជាតិខ្មែរ។

នៅខេត្តបាកលីវ មន្ទីរជនជាតិនិងសាសនា ក៏បានរៀបចំអំណោយជូនគ្រួសារខ្មែរក្រីក្រ គ្រួសារប្រកៀកបន្ទាត់ក្រីក្រ គ្រួសារដែលមានស្ថានភាពលំបាកលើភូមិសាស្ត្រខេត្តចំនួន៧០០ចំណែក។ អំណោយទាំងនេះ គឺបង្ហាញពីការយកចិត្តទុកដាក់របស់ភូមិភាគ រួមចំណែកជួយដល់គ្រួសារដែលនៅជួបលំបាក បានទទួលអំណរបុណ្យចូលឆ្នាំថ្មីប្រកបដោយភាពកក់ក្តៅ។

ស្រុកត្រាអូង ខេត្តវិញឡុង ទើបសហការជាមួយដូនជី ធិតណឺឌឹកក្វាង អនុប្រធានប្រចាំការនៃគណៈអភិបាលពុទ្ធសាសនាវៀតណាមស្រុកត្រាអូង ជូនអំណោយ៣០០ ចំណែកដល់គ្រួសារក្រីក្រ គ្រួសារដែលមានស្ថានភាពលំបាកលើភូមិសាស្ត្រស្រុក ក្នុងឱកាសបុណ្យចូលឆ្នាំថ្មី ឆ្នាំ២០២៥ និងប្រគល់ផ្ទះមេត្តាធម៌ដល់គ្រួសារបងថាច់អាញ់ កើតឆ្នាំ១៩៧៩ ស្នាក់នៅភូមិថោងរូង ឃុំត្រាកូង៕

ក្រុមអ្នកយកព័ត៌មាន

ចែករំលែកអត្ថបទ

ពាក្យគន្លឹះ