ព្រឹត្តិការណ៍ - នយោបាយ ព្រឹត្តិការណ៍

10/02/2025 - 15:21

កាម៉ាវៈ កាត់បន្ថយគ្រួសារក្រីក្រចំនួន ២.០១០ ក្នុងឆ្នាំ២០២៤

យោងតាមគណៈកម្មាធិការប្រជាជនខេត្តកាម៉ាវ ការងារកាត់បន្ថយភាពក្រីក្រ ក្នុងឆ្នាំ ២០២៤ របស់ខេត្តសម្រេចបានលទ្ធផលជាវិជ្ជមាន។ ចុងឆ្នាំ ២០២៤ ទូទាំងខេត្តនៅមានគ្រួសារក្រីក្រចំនួន ២.៨៩០ ស្រូបអត្រា ០,៩៤% (កាត់បន្ថយ ២.០១០ គ្រួសារ ថយចុះ ០,៦៦% បើប្រៀបនឹងឆ្នាំ២០២៣); គ្រួសារប្រកៀកបន្ទាត់ក្រចំនួន ៣.៨៦៥ ស្រូបអត្រា ១,២៦% (កាត់បន្ថយ ៩២៣ គ្រួសារ ថយចុះ០,៣%)។ ពិសេស គណៈកម្មាធិការប្រជាជនខេត្ត បានដាក់ចេញគម្រោងលេខ ០៣/ĐA-UBND ចុះថ្ងៃទី ២៦/១១/២០២៤ និងផែនការលេខ ២៥៩/KH-UBND ចុះថ្ងៃទី ២៧/១១/២០២៤ ស្ដីពីការលុបបំបាត់ផ្ទះបណ្ដោះអាសន្ន ផ្ទះទ្រុឌទ្រោមលើភូមិសាស្រ្តខេត្ត រហូតដល់ឆ្នាំ២០២៥។ ផ្ទះដែលត្រូវជំនួយសាងសង់សរុប ៤.៤០០ ខ្នង (សាងសង់ថ្មី ៣.៤៦៣ ខ្នង; ជួសជុល ៩៣៧ ខ្នង) ថវិកាអនុវត្តសរុប ២៣៥,៨៩០ ពាន់លានដុង។ សន្និធិរហូតដល់ថ្ងៃទី ១៧/១/២០២៥ បានបើកគម្រោងសាងសង់ផ្ទះ ១.២៧០ ខ្នង និងសម្រេច ៥៨០ ខ្នង។

លោក ហ៊ឺវថាញ់យ៉ុង ជនជាតិខ្មែរនៅភូមិ៧ ឃុំតឹងឡុក ស្រុកថើយប៊ិញ ខេត្តកាម៉ាវ បានឆ្លងផុតពីស្ថានភាពលំបាក អាស្រ័យប្រភពទុនបុលនិងអនុវត្តវិទ្យាសាស្រ្តបច្ចេកទេសក្នុងផលិតកម្ម។

ទន្ទឹមនឹងនោះ ខេត្តកាម៉ាវក៏បានផ្សព្វផ្សាយអនុវត្តគ្រប់សព្វនិងទាន់ពេល រាល់គោលនយោបាយជំនួយសម្រាប់មុខសញ្ញាដែលចិញ្ចឹម និងថែទាំនៅមូលដ្ឋានគាំពារសង្គមនិងសហគមន៍ខាងក្រៅត្រូវតាមច្បាប់កំណត់។ ចំនួនអ្នកទទួលគាំពារសង្គមកំពុង បានទទួលរបបជាប្រចាំនៅក្នុងសហគមន៍សរុបជាង៥៩.៣០០នាក់ ដោយមានថវិកាសរុបប្រហែល២០០ពាន់លានដុង៕

តាមកាសែតកាម៉ាវ - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ