មហាសាមគ្គីជនជាតិ ភូមិស្រុកផ្លាស់ថ្មី

13/01/2025 - 16:02

ជីវភាពកសិករខ្មែររីកចម្រើនអាស្រ័យដាំក្រូចឆ្មារឥតគ្រាប់

ទម្រង់ដាំក្រូចឆ្មារឥតគ្រាប់ បានជួយកសិករខ្មែរជាច្រើនលើកកម្ពស់ជីវភាព បង្កើនប្រាក់ចំណូល រួមចំណែកធ្វើឱ្យមុខមាត់តំបន់ជនបទមានជនរួមជាតិខ្មែររស់នៅកុះករកាន់តែស្រស់បំព្រង។

សមាគមកសិករគ្រប់លំដាប់ថ្នាក់ ចុះមកទស្សនាទម្រង់ដាំក្រូចឆ្មារឥតគ្រាប់របស់
គ្រួសារបងគឹមហ្វាយភឿង ឃុំហ្វៀងហោយ ស្រុកកាងឡុង។

ហ្វៀងហោយ ជាឃុំដែលមានជនរួមជាតិខ្មែររស់នៅច្រើនបំផុតរបស់ស្រុកកាងឡុង។ រយៈពេលកន្លង នៅទីនេះជីវភាពមានការរីកចម្រើន អាស្រ័យអនុវត្តទម្រង់ដាំក្រូចឆ្មារឥតគ្រាប់ ដែលបានសហករណ៍ក្រូចឆ្មារឥតគ្រាប់ ថាញ់ជី រួមនឹងរដ្ឋអំណាចភូមិភាគបំផុស។ គ្រួសារប្រជាជនជាច្រើនដែលចូលរួមទម្រង់បានសហករណ៍ផ្ដល់ការពិគ្រោះយោបល់ ហើយឧបត្ថម្ភតាំងពីបច្ចេកទេសម៉ាស៊ីន រហូតដល់ការដាក់ជី ដោយបានយកចិត្តទុកដាក់ពីសមាគមកសិករខេត្ត ឆ្លងតាមរយៈការឧបត្ថម្ភប្រភពទុនពីមូលនិធិ ឧបត្ថម្ភកសិករមជ្ឈិមទុនផ្តើមអាជីព ។ល។ ផ្តើមពីនោះ កសិករមិនរារែកក្នុងការបង្វែរពីការធ្វើស្រែ ងាកមកដាំក្រូចឆ្មារចងសម្ព័ន្ធជាមួយសហករណ៍ចុះកិច្ចសន្យាជាមួយក្រុមហ៊ុនប្រមូលទិញតម្លៃទាបបំផុតគឺ ១០.០០០ ដុង/គីឡូក្រាម បើតម្លៃលើទីផ្សារកើនឡើង ក្រុមហ៊ុនធានាទិញតម្លៃខ្ពស់ជាងទីផ្សារ ៣.០០០ ដុង/គីឡូក្រាម។ បច្ចុប្បន្ន ទូទាំងឃុំមានផ្ទៃដីដាំក្រូចឆ្មារចងសម្ព័ន្ធជាមួយសហករណ៍ដាំក្រូចឆ្មារឥតគ្រាប់ប្រមាណ ២០ ហិកតា។ តាមការវាយតម្លៃរបស់ផ្នែកជំនាញនិងកសិករដាំក្រូចឆ្មារឥតគ្រាប់ មធ្យមភាគក្នុងមួយហិកតា កសិកររកបានប្រាក់ចំណូលជាង ៤០០ លានដុង ខ្ពស់ជាងច្រើនដងបើប្រៀបធៀបនឹងការផលិតស្រូវលើផ្ទៃដីតែមួយ ដូច្នេះ កសិករមានភាពសប្បាយរីករាយ។

លោកគឹមហ្វាយភឿង នៅភូមិឥដ្ឋ ឃុំហ្វៀងហោយ ឱ្យដឹង៖ “ឃើញទម្រង់នេះទទួលបានផលល្អ ខ្ញុំក៏សុំចូលរួមជាសមាជិកសហករណ៍។ ចំពោះបច្ចេកទេសគឺក្រុមហ៊ុនគេចុះមកជួយណែនាំដោយធានាទិញផលិតផលខ្ពស់ជាងតម្លៃទីផ្សារ។ បច្ចុប្បន្ន ចម្ការក្រូចឆ្មារឥតគ្រាប់របស់គ្រួសារខ្ញុំកំពុងផ្តល់ផ្លែ ទិន្នផលសម្រេច ៤ តោន/ហិកតា ក្រោយពីផាត់ទាត់រួចនៅចំណេញប្រមាណ ៤០ លានដុង/កុង/ឆ្នាំ ខ្ពស់ជាងច្រើនដងបើប្រៀបធៀបនឹងធ្វើស្រែ”។

លោក ង្វៀងវ៉ាន់យុង ប្រធានសមាគមកសិករខេត្តត្រាវិញ ឱ្យដឹង៖ “ទម្រង់ដាំក្រូចឆ្មារឥតគ្រាប់ ដោយមានក្រុមហ៊ុនធានាប្រមូលទិញផលិតផលលើភូមិសាស្ត្រខេត្តមានប្រសិទ្ធភាព រកបានប្រាក់ចំណូលខ្ពស់ហើយលំនឹងទៀត។ សមាគមកសិករខេត្ត បន្តសហការជាមួយផ្នែកជំនាញ រៀបចំបើកវគ្គហ្វឹកហ្វឺនបច្ចេកទេសដាំក្រូចឆ្មារដល់កសិករ ជំរុញការឧបត្ថម្ភដើមទុនពីប្រភពទុនមូលនិធិ ឧបត្ថម្ភកសិករដល់គ្រួសារប្រជាជនដែលចូលរួមទម្រង់នេះ បង្កើនប្រាក់ចំណូល”៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ