សន្តិសុខ - ការពារប្រទេស ការពារប្រទេស

11/11/2024 - 16:47

ជំរុញការងារបង្ការ ទប់ស្កាត់គ្រឿងញៀន

នគរបាលខេត្តសុកត្រាំង បានកំណត់ការងារបង្ការទប់ស្កាត់ និងត្រួតពិនិត្យគ្រឿងញៀន ជាភារកិច្ចដ៏សំខាន់ បន្ទាន់ បន្តបន្ទាប់និងយូរអង្វែង។ ឆ្លងតាមរយៈនោះ មានដំណោះស្រាយគ្រប់ជ្រុងជ្រោយព្រមៗគ្នា ជាជំហានៗដើម្បីទប់ស្កាត់ និងច្រានថយសកម្មភាពរបស់ឧក្រិដ្ឋជន និងបាបគ្រោះគ្រឿងញៀន រួមចំណែករក្សាភាពសុខសាន្តជូនប្រជាជន។

ប្រធានគណៈកម្មាធិការប្រជាជនខេត្តសុកត្រាំង ត្រឹងវ៉ាន់ឡូវ ជូនរង្វាន់សរសើរជាបន្ទាន់ដល់បុគ្គល និងអង្គភាពសម្រេចស្នាដៃឆ្នើមក្នុងការប្រយុទ្ធប្រឆាំង និងទប់ស្កាត់គ្រឿងញៀន។

យោងតាមនគរបាលខេត្តសុកត្រាំង ក្នុងរយៈពេល៥ឆ្នាំកន្លង ស្ថាប័នសមត្ថកិច្ចបានចាប់ និងដោះស្រាយបានចំនួន ៧១៣ករណី ដោយមានមុខសញ្ញា ១.៦០២នាក់ ដែលស្តុកទុក ដឹកជញ្ជូន លក់ដូរនិងប្រើប្រាស់គ្រឿងញៀនខុសច្បាប់។ រឹបអូសគ្រឿងញៀនគ្រប់ប្រភេទជាង ៨,៤៦៣ក្រាម; ធ្វើបណ្ដឹងសើុបអង្កេត៦៣៣/៩៦៤ករណីជនជាប់ចោទ; អប់រំមុខសញ្ញានៅក្នុងឃុំ សង្កាត់ និងទីប្រជុំជនចំនួន១.៤៧៧នាក់ បញ្ជូនទៅទីតាំងផ្តាច់ញៀន ចាប់បង្ខំ១.២១៤នាក់ និងពិន័យរដ្ឋបាលមុខសញ្ញាចំនួន២.៥៧៣នាក់ ។ល។ អាស្រ័យហេតុនេះ ស្ថានភាពឧក្រិដ្ឋជនប្រព្រឹត្តបទល្មើសគ្រឿងញៀន និងបាបគ្រោះគ្រឿងញៀនលើភូមិសាស្រ្តខេត្តជាសារវន្តត្រូវបានគ្រប់គ្រង។ ស្ថាប័នសមត្ថកិច្ចបានធ្វើការសើុបអង្កេតនិងបំបែកករណីធ្ងន់ធ្ងរនិងធ្ងន់ធ្ងរខ្លាំងជាច្រើន ដោយរឹបអូសបានគ្រឿងញៀនជាច្រើនបើប្រៀបនឹងពីមុននេះ។

វត្ថុតាងគ្រឿងញៀនត្រូវបានរឹបអូសនៅផ្ទះហ្វាច់ថាញសើុងនិងង្វៀងធីហ្វិញហុង។

កន្លងហើយ នគរបាលក្រុងសុកត្រាំង បានចាប់ខ្លួនមុខសញ្ញា ២ នាក់ រួមមាន៖ ដងភឿងឡឹម (អាយុ ៣៧ ឆ្នាំ) រស់នៅសង្កាត់១០ ខ័ណ្ឌ១០ ក្រុងហូជីមិញ និងទីវហ្វីម៉ាយភឿង (អាយុ ៤៤ឆ្នាំ) នៅអនុសង្កាត់ ២ សង្កាត់ ២ ក្រុងសុកត្រាំង ពីបទរក្សាទុក ជួញដូរនិងប្រើប្រាស់គ្រឿងញៀនខុសច្បាប់។ ពេលឃើញមុខសញ្ញាឡឹម ធ្វើដំណើរចុះឡើងនៅម្តុំចំណតឡានគួរឱ្យសង្ស័យ ម្ល៉ោះហើយ កម្លាំងសមត្ថកិច្ចបានធ្វើការឆែកឆេរ ក៏ប្រទះឃើញនិងរឹបអូសបានថង់មួយដោយមានគ្រឿងញៀនប្រភេទ Methamphetamine ទម្ងន់ ២០០,០៤៨១ក្រាម។ បន្ទាប់ពីធ្វើការសួរចម្លើយ ឡឹមក៏បានសារភាពថាខ្លួនទិញថ្នាំញៀននាំមកឱ្យភឿង។ ធ្វើការឆែកឆេរជាបន្ទាន់កន្លែងភឿងស្នាក់នៅ កម្លាំងសមត្ថកិច្ចក៏រឹបអូសបាន៨កញ្ចប់ nilon ខាងក្នុងមានសារធាតុរឹងពណ៌ស និងបំពង់កែវចំនួន២ ដែលខាងក្នុងមានសារធាតុពណ៌លឿងជាគ្រឿងញៀនប្រភេទMethamphetamine មានទម្ងន់ ៨.៤១៣២ ក្រាម កាំភ្លើងខ្លី៣ដើម កាំបិត ៧ ដើម និងទឹកប្រាក់៩០លានដុង រួមជាមួយនឹងវត្ថុតាងពាក់ព័ន្ធមួយចំនួន។

បន្ទាប់មក នគរបាលក្រុងសុកត្រាំង ក៏បានចាប់ខ្លួនមុខសញ្ញា ២ នាក់ទៀត ឈ្មោះ ហ្វាច់ថាញសើុង (អាយុ ៤៨ ឆ្នាំ) និងង្វៀងធីហ្វិញហុង (អាយុ ៣៣ ឆ្នាំ) រស់នៅអនុសង្កាត់ ២ សង្កាត់ ១ ក្រុងសុកត្រាំង ធ្វើសកម្មភាពជួញដូរនិងប្រើប្រាស់គ្រឿងញៀនដោយខុសច្បាប់។ ក្រោយពីធ្វើការឆែកឆេរ នគរបាលរឹបអូសបាន២០កញ្ចប់ nilon ខាង ក្នុងមានសារធាតុរឹងពណ៌សនិងបំពង់កែវចំនួន២ រក្សាទុកគ្រឿងញៀនប្រភេទ Methamphetamine មានទម្ងន់ ៤.១៩៩៥ ក្រាម រួមនឹងវត្ថុតាងពាក់ព័ន្ធមួយចំនួនទៀត។

តាមប្រសាសន៍លោកវរសេនីយ៍ឯក ផាងវ៉ាន់អឹង នាយករងនគរបាលខេត្តសុកត្រាំង ឱ្យដឹង ដើម្បីអនុវត្តមានប្រសិទ្ធភាពការងារបង្ការ ទប់ស្កាត់និងត្រួតពិនិត្យគ្រឿងញៀន ត្រូវមានការចូលរួមយ៉ាងសកម្មនៃប្រព័ន្ធនយោបាយ ក្នុងនោះ នគរបាលដើរតួនាទីស្នូល និងមានការគាំទ្ររបស់ប្រជាជន។ ទន្ទឹមនឹងនោះ នគរបាលមូលដ្ឋានជំរុញការងារច្បាមភូមិសាស្រ្ត និងតាមដានមុខសញ្ញា; ធ្វើការបោសសម្អាតចំណុចកំពូល បង្ក្រាបឧក្រិដ្ឋកម្មគ្រឿងញៀនគ្រប់ប្រភេទ ធ្វើការបោសសម្អាត ទីតាំងស្មុគស្មាញដែលទាក់ទងនឹងគ្រឿងញៀន។ ចលនាកៀរគរនូវប្រភពកម្លាំងប្រយុទ្ធប្រឆាំងបទល្មើសគ្រឿងញៀនកាន់តែមានប្រសិទ្ធភាព រួមចំណែកធានាសន្តិសុខសណ្តាប់ធ្នាប់ សុវត្ថិភាពសង្គម និងការពារភាពសុខសាន្តជូនប្រជាជន៕

យ្វីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ