ព្រឹត្តិការណ៍ - នយោបាយ ព្រឹត្តិការណ៍

06/08/2024 - 10:16

ធានាជីវភាពធូរធារ សម្បូរសប្បាយផ្អែកលើសក្ដានុភាពសមុទ្រ

បណ្ឌិត្យសភាវិទ្យាសាស្រ្តសង្គមវៀតណាម សហការជាមួយគណៈឃោសនា អប់រំនៃគណៈកម្មាធិការបក្សខេត្តកាម៉ាវ រៀបចំកិច្ចពិភាក្សាវិទ្យាសាស្រ្ត “សក្ដានុភាព ឧត្ដមភាពនិងបញ្ហាប្រឈមរបស់សមុទ្រវៀតណាម ក្នុងការអភិវឌ្ឍសេដ្ឋកិច្ច-សង្គម និងការពារមាតុភូមិតំបន់ឆ្នេរសមុទ្រណាមបូ”។

អ្នកតំណាងបានធ្វើបទអន្តរាគមន៍ ពិភាក្សា ជួយប្រធានគណៈកម្មការកម្មវិធីសមុទ្រ
មានមូលដ្ឋានវិទ្យាសាស្រ្តបន្ថែម ដើម្បីធ្វើសំណើជាក់ស្ដែង។

កិច្ចពិភាក្សាវិទ្យាសាស្រ្តលើកនេះ គឺស្ថិតក្នុងក្របខ័ណ្ឌកម្មវិធីសំខាន់ថ្នាក់ក្រសួង “វិទ្យាសាស្រ្តសង្គមនិងមនុស្សសាស្រ្តអំពីសមុទ្ររបស់វៀតណាម បម្រើទិសដៅការពារនិងអភិវឌ្ឍន៍ប្រទេសជាតិ” ដឹកនាំដោយបណ្ឌិត្យសភាវិទ្យាសាស្រ្តសង្គមវៀតណាម។

តំបន់ឆ្នេរសមុទ្រកាម៉ាវសម្បូរទៅដោយជីវចម្រុះនិងធនធានជីវសាស្រ្ត មានអំណោយផលសម្រាប់ការចិញ្ចឹម កែច្នៃនិងនីហរ័ណផលិតផលជលផល។ រយៈពេលកន្លង ជលផលជាផ្នែកសេដ្ឋកិច្ចមុខព្រួញរបស់ខេត្ត ឈានមុខក្នុងប្រទេស អំពីការចិញ្ចឹម កែច្នៃនីហរ័ណ ពិសេសគឺនីហរ័ណបង្កង។ ទន្ទឹមនឹងនោះ គឺសក្ដានុភាពខាងវិស័យអភិវឌ្ឍទេសចរណ៍ ទាញយកធនធានរ៉ែ ទាញយកថាមពលកកើតឡើងវិញ។ កាម៉ាវជាខេត្តមួយក្នុងចំណោមខេត្តទាំង៥ ដែលមានសក្ដានុភាពអភិវឌ្ឍថាមពលកកើតឡើងវិញនៅតំបន់វាលរាបទន្លេគឺវឡុង រួមជាមួយនឹងខេត្តសុកត្រាំង ត្រាវិញ បាកលីវនិងបេនត្រែ។ ការអភិវឌ្ឍខេត្តកាម៉ាវឱ្យក្លាយជាមជ្ឈមណ្ឌលសេដ្ឋកិច្ចសមុទ្រទូទាំងប្រទេស គឺជាភារកិច្ចសំខាន់ ហើយក៏ជាការទទួលខុសត្រូវដ៏ធំរបស់រដ្ឋអំណាចគ្រប់លំដាប់ថ្នាក់និងប្រជាជនខេត្តកាម៉ាវ។ ទោះបីមានសក្ដានុភាពនិងឱកាសច្រើនសម្រាប់អភិវឌ្ឍន៍ក៏ដោយ កាម៉ាវក៏កំពុងប្រឈមនឹងបញ្ហាសាកល្បងជាច្រើនក្នុងការអភិវឌ្ឍសេដ្ឋកិច្ចសមុទ្រនិងធានាសន្ដិសុខជាតិនៅសមុទ្រ។

ក្នុងកិច្ចពិភាក្សា អ្នកតំណាងបានធ្វើបទអន្តរាគមន៍ ពិភាក្សាធ្វើឱ្យច្បាស់ពីសក្ដានុភាព ឧត្តមភាពនិងបញ្ហាប្រឈមក្នុងការអភិវឌ្ឍសេដ្ឋកិច្ចសមុទ្រ ការពារសន្ដិសុខជាតិនៅសមុទ្រ និងធានាជីវភាពធូរធារ សម្បូរសប្បាយផ្អែកលើសក្ដានុភាពសមុទ្ររបស់ខេត្តកាម៉ាវនិយាយដោយឡែកតំបន់ណាមបូ និយាយរួម៕

យោងតាមកាសែតកាម៉ាវ -ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ