ព្រឹត្តិការណ៍ - នយោបាយ ព្រឹត្តិការណ៍

27/05/2024 - 16:23

ថ្នាក់ដឹកនាំខេត្តគៀងយ៉ាង អញ្ជើញទៅសួរសុខទុក្ខ លើកទឹកចិត្តកង K៩២ ដែលបំពេញភារកិច្ចនៅព្រះរាជាណាចក្រកម្ពុជា

គណៈប្រតិភូកម្មាភិបាលនៃគណៈជំនាញការខេត្តគៀងយ៉ាង ដែលដឹកនាំដោយលោក ង្វៀងលឺវទ្រុង អនុប្រធានគណៈកម្មាធិការប្រជាជនខេត្តគៀងយ៉ាង ទើបមានដំណើរទស្សនកិច្ចនិងសួរសុខទុក្ខកម្មាភិបាល យុទ្ធជនកង K៩២ បញ្ជាការដ្ឋានយោធាខេត្តគៀងយ៉ាង ដែលកំពុងបំពេញភារកិច្ចស្វែងរុករក ប្រមូលនិងធ្វើមាតុភូមិនិវត្តន៍អដ្ឋិធាតុយុទ្ធជនពលីនៃកងទ័ពស្ម័គ្រចិត្តនិងអ្នកជំនាញការវៀតណាម បានពលីជីវិតក្នុងសម័យសង្គ្រាមនៅលើទឹកដីកម្ពុជា។

លោកង្វៀងលឺវទ្រុង អនុប្រធានគណៈកម្មាធិការប្រជាជនខេត្តគៀងយ៉ាង សួរសុខទុក្ខនិងលើកទឹកចិត្តកម្មាភិបាល យុទ្ធជនកង K៩២ ដែលកំពុងបំពេញភារកិច្ចនៅប្រទេសកម្ពុជា។

គណៈប្រតិភូខេត្តគៀងយ៉ាង បានអញ្ជើញមកសួរសុខទុក្ខក្រុមការងារកង K៩២ ដែលកំពុងឈរជើងបំពេញភារកិច្ចនៅស្រុកកំពង់ត្រាច ខេត្តកំពត និងកងវរសេនាតូចលេខ៣ អនុតំបន់យោធាខេត្តកោះកុង។ នៅទីតាំងដែលអញ្ជើញទៅសុខទុក្ខ លោកង្វៀងលឺវទ្រុង អនុប្រធានគណៈកម្មាធិការប្រជាជនខេត្តគៀងយ៉ាង បានកត់សម្គាល់ ស្ងើចសរសើរនិងវាយតម្លៃខ្ពស់ចំពោះការខិតខំប្រឹងប្រែង ការប្តេជ្ញាចិត្តនិងលទ្ធផលសម្រេចបានរបស់កម្មាភិបាល យុទ្ធជននៃកង K៩២ ជាច្រើនឆ្នាំមកនេះ បំផុតគឺក្នុងរដូវប្រាំងឆ្នាំ២០២៣-២០២៤។

ក្នុងរដូវប្រាំង ឆ្នាំ២០២៣-២០២៤ ក្រុមការងារនៃកង K៩២ ធ្វើការជីកគាស់អដ្ឋិធាតុយុទ្ធជនពលីបានចំនួន ១៤ អដ្ឋិធាតុនៅខេត្តកំពត និងខេត្តកោះកុងបាន៨អដ្ឋិធាតុ។ ក្នុងដំណើរការបំពេញភារកិច្ចនេះ ក្រុមការងារនៃកង K៩២ ប្រឈមនឹងការលំបាកច្រើន ដូចជាអាកាសធាតុក្តៅអូសបន្លាយ ព័ត៌មានអំពីផ្នូរយុទ្ធជនពលីមិនបានគ្រប់គ្រាន់។ល។ ប៉ុន្តែកម្មាភិបាល យុទ្ធជនពលីនៅតែប្តេជ្ញាចិត្តខ្ពស់ ពុះពារជម្នះការលំបាក និងខិតខំអនុវត្តបានល្អនូវភារកិច្ចដែលបានប្រគល់ឱ្យ៕

កាសែតកឹងធើ-វិមាន

ចែករំលែកអត្ថបទ

ពាក្យគន្លឹះ