មហាសាមគ្គីជនជាតិ គំរូក្នុងសហគមន៍

18/04/2024 - 15:55

ស្ពានតភ្ជាប់ "ឆន្ទៈបក្សនិងទឹកចិត្តប្រជាជន"

អត្ថបទទី៣៖ ... រក្សាភាពសុខសាន្តតំបន់ជនបទ

លោកថាច់វ៉េត ប្រធានក្រុមស្វ័យគ្រប់គ្រងវង្សត្រកូលថាច់ និងជាអ្នកមានប្រជាប្រិយនៅភូមិបៀងដុង B ឃុំវិញត្រាច់ដុង ក្រុងបាកលីវ ខេត្តបាកលីវ។ គាត់តែងអនុវត្តល្អនូវការងារផ្សព្វផ្សាយ ចលនាវង្សត្រកូលអនុវត្តល្អនូវបទប្បញ្ញត្តិច្បាប់; អប់រំកូនចៅក្នុងវង្សត្រកូលចៀសវាងបាបគ្រោះសង្គម រួមចំណែករក្សាសន្តិសុខសណ្តាប់ធ្នាប់តំបន់ជនបទ។

លោកថាច់វ៉េត តែងអានកាសែតជាប្រចាំ ដើម្បីក្តោបក្តាប់ព័ត៌មានសម្រាប់
បម្រើការងារផ្សព្វផ្សាយបានល្អ។

ជាប្រធានគណៈកម្មការវត្តគម្ភីរសាគរព្រែកជ្រៅ ដូច្នេះ ក្នុងឱកាសបុណ្យចូលឆ្នាំថ្មី លោកថាច់វ៉េត បានជួបជុំក្រុមស្វ័យគ្រប់គ្រងវង្សត្រកូលថាច់ឡឹមសើុងត្រឹង។ល។ សហការជាមួយកងកម្លាំងនគរបាលផ្សព្វផ្សាយ កៀរគរសមាជិកអប់រំកូនចៅឱ្យគោរពច្បាប់សុវត្ថិភាពចរាចណ៍ផ្លូវគោក មិនពិសាគ្រឿងស្រវឹងពេលបើកបរ មិនបង្កភាពអុកឡុកសណ្តាប់ធ្នាប់សាធារណៈ។ល។ ព្រមទាំងចូលរួមរក្សាសន្តិសុខសណ្តាប់ធ្នាប់ក្នុងវត្តគម្ភីរសាគរព្រែកជ្រៅ ដើម្បីកម្មវិធីបុណ្យចូលឆ្នាំថ្មីប្រព្រឹត្តទៅដោយសុវត្ថិភាព។ លោកថាច់វ៉េត មានប្រសាសន៍៖ “ខ្ញុំធ្លាប់ធ្វើជានាយកសាលាបឋមសិក្សា លុះឆ្នាំ២០០៨ ក៏ចូលនិវត្តន៍ហើយបានមាមីងទំនុកចិត្ត បោះឆ្នោតជ្រើសរើសជាអ្នកមានប្រជាប្រិយ និងជ្រើសធ្វើជាប្រធានគណៈកម្មការវត្តព្រែកជ្រៅរហូតមកទល់ពេលនេះ ដោយបានមាមីងខ្មែរស្រឡាញ់រាប់អាន។ អាស្រ័យហេតុនេះ ពេលខ្ញុំផ្សព្វផ្សាយ ចលនាមាមីងខ្មែរមានទំនុកចិត្តនិងអនុវត្តតាម។ បំផុតគឺមាមីងខ្មែរក្នុងវង្សត្រកូលថាច់ បានម្ចាស់ការចូលរួមបរិហារឧក្រិដ្ឋកម្មគ្រប់ប្រភេទ ផ្តល់ព័ត៌មានសំខាន់ៗដល់កងកម្លាំងនគរបាលដើម្បីចាត់វិធានការទាន់ពេល; ចុះឈ្មោះគ្រួសារមិនប្រព្រឹត្តល្មើសច្បាប់…”។

លោកថាច់វ៉េត កំពុងពិភាក្សាការងារជាមួយព្រះចៅអធិការវត្តគម្ភីរសាគរព្រែកជ្រៅ ដើម្បីអនុវត្តផែនការរក្សាសន្តិសុខសណ្តាប់ធ្នាប់ក្នុងឱកាសបុណ្យចូលឆ្នាំថ្មី។

ទន្ទឹមនឹងនោះ លោកថាច់វ៉េត នៅទាំងរួមជាមួយរដ្ឋអំណាចភូមិភាគ ខ្នះខ្នែងចូលរួមអប់រំយុវជន សម្រុះសម្រួលជោគជ័យករណីទំនាស់ វិវាទអាពាហ៍ពិពាហ៍និងគ្រួសារ ទំនាស់វិវាទដីធ្លី និងរឿងរ៉ាវផ្សេងៗជាច្រើនក្នុងសង្គម ព្រមទាំងលើកសំណើទៅរដ្ឋអំណាចភូមិភាគឧបត្ថម្ភសង់ផ្ទះ ដីធារផ្ទះ បុលទុនអនុគ្រោះ។ល។ ដល់យុវជន២នាក់ក្នុងវង្សត្រកូលថាច់ ដែលមានស្ថានភាពលំបាកខ្លាំង ដើម្បីលំនឹងជីវភាព។ បងថាច់ឌើ ឱ្យដឹង៖ “ពេលឮថាខ្ញុំចង់លែងលះគ្នា លោកថាច់វ៉េត មកផ្ទះខ្ញុំលើកទឹកចិត្តនិងណែនាំឱ្យវិលមកជួបជុំគ្រួសារ ដើម្បីគិតគូរឱ្យកូនៗរៀនសូត្របានត្រឹមត្រូវ។ ស្តាប់ការវិភាគវែកញែក “សមហេតុផល” របស់លោកថាច់វ៉េត ខ្ញុំយល់ឃើញថា ខ្លួនត្រូវមានការទទួលខុសត្រូវចំពោះប្រពន្ធកូន ដូច្នេះ ខ្ញុំក៏បោះបង់គំនិតនោះ ហើយវិលមករួមរស់ជាមួយគ្រួសារ។ ក្រៅពីនោះ លោកថាច់វ៉េត នៅទាំងឧបត្ថម្ភអង្ករប្រាក់កាសដល់ខ្ញុំ សម្រាប់ផ្គត់ផ្គង់ជីវភាពគ្រួសារ។ អាស្រ័យបាន លោកថាច់វ៉េត ស្នើទៅរដ្ឋអំណាចឃុំពិនិត្យផ្តល់ដីធារផ្ទះ សាងសង់ផ្ទះនិងឱ្យខ្ញុំបុលទុនរកស៊ី ទើបឥឡូវនេះ គ្រួសារខ្ញុំមានប្រាក់ចំណូលលំនឹង។ បច្ចុប្បន្ន ខ្ញុំស្ម័គ្រចិត្តចូលរួមក្រុមស្វ័យគ្រប់គ្រងវង្សត្រកូលថាច់ ដើម្បីរួមចំណែកក្នុងការរក្សាភាពសុខសាន្តនៅមណ្ឌលតាំងទីលំនៅ”។

លោកវ៉មិញសើុង អនុប្រធានគណៈជនជាតិនិងសាសនាក្រុងបាកលីវ ឱ្យដឹង៖ “ជាមួយនឹងការរួមចំណែកយ៉ាងសកម្មរបស់លោកថាច់វ៉េត ក្នុងការផ្សព្វផ្សាយ ចលនា ទើបមាមីងខ្មែរនៅវិញត្រាច់ដុង ពង្រីកស្មារតីសាមគ្គីព្រួតដៃគ្នារក្សា ភាពសុខសាន្តតំបន់ជនបទជឿជាក់លើការដឹកនាំរបស់បក្សនិងលើកកម្ពស់ស្មារតីប្រុងប្រយ័ត្ន ចំពោះឧបាយកលរបស់អានុភាពអមិត្តខាងក្រៅ ដែលឆ្លៀតយកបញ្ហាជនជាតិ សាសនាដើម្បីប្រឆាំងរដ្ឋយើង។ ឆ្នាំ២០២៣ លោកថាច់វ៉េត ជាគំរូឆ្នើមបានចូលរួមសន្និបាតស្ងើចសរសើរផ្តល់កិត្តិយសគំរូជឿនលឿនជាអ្នកមានប្រជាប្រិយក្នុងជនរួមជាតិភាគតិចទូទាំងប្រទេសនៅហាណូយ”៕

យ្វីអាញ-មុនី

ចែករំលែកអត្ថបទ

ពាក្យគន្លឹះ