ព្រឹត្តិការណ៍ - នយោបាយ ព្រឹត្តិការណ៍

05/02/2024 - 12:50

និញកេវ រៀបចំទិវាបុណ្យមហាសាមគ្គីទូទាំងជនជាតិ អំណរបក្ស អំណរនិទាឃរដូវ

(កឹងធើ) - នៅថ្ងៃទី ២៩ ខែមករា ឆ្នាំ២០២៤ គណៈកម្មាធិការបក្ស ខណ្ឌ ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខណ្ឌនិញកេវ ក្រុងកឹងធើ ទើបរៀបចំទិវាបុណ្យមហាសាមគ្គីទូទាំងជនជាតិ អំណរបក្សរុងរឿង អំណរនិទាឃរដូវយ៉ាបធិន ឆ្នាំ២០២៤។

សមមិត្តក្នុងថ្នាក់ដឹកនាំក្រុង ថតរូបអនុស្សាវរីយ៍ជាមួយនឹងតំណាងចូលរួម
ទិវាបុណ្យមហាសាមគ្គីទូទាំងជនជាតិ។

ក្នុងទិវាបុណ្យនេះ តំណាងថ្នាក់ដឹកនាំខណ្ឌបានធ្វើរបាយការណ៍សង្ខេបពីស្ថានភាពសេដ្ឋកិច្ច - សង្គមរបស់ខណ្ឌឆ្នាំ ២០២៣ និងភារកិច្ចសំខាន់ៗឆ្នាំ២០២៤។ តំណាងសាសនា ជនជាតិ អ្នកមានប្រជាប្រិយនិងអាណិកជនសម្តែងនូវក្តីសោមនស្សរីករាយចំពោះការយកចិត្តទុកដាក់ គិតគូររបស់បក្ស រដ្ឋ បានកសាងហេដ្ឋារចនាសម្ព័ន្ធ ល្អស្អាត ជីវភាពប្រជាជនគ្រប់ជាន់ស្រទាប់ត្រូវបានលើកកម្ពស់។ អ្នកតំណាងសន្យាថា នឹងបន្តសាមគ្គីជាមួយនឹងប្រជាជនគ្រប់ជាន់ស្រទាប់អនុវត្តល្អនូវគោលការណ៍របស់បក្ស គោលនយោបាយ ច្បាប់របស់រដ្ឋ សកម្មចូលរួមចលនាប្រឡងប្រណាំងស្នេហាជាតិ សប្បុរសធម៌សង្គម រួមចំណែកកសាងខណ្ឌនិញកេវកាន់តែអភិវឌ្ឍន៍ពីមួយថ្ងៃទៅមួយថ្ងៃ។

ថ្លែងក្នុងទិវាបុណ្យនេះ សមមិត្ត ង្វៀងតៀងផុង សមាជិកគណៈអចិន្ត្រៃយ៍នៃគណៈកម្មាធិការបក្សក្រុង លេខាគណៈកម្មាធិការបក្ស ខណ្ឌនិញកេវ បានកត់សម្គាល់នូវការរួមវិភាគទានរបស់ជនរួមជាតិ សាសនា ឥស្សរជន បញ្ញវន្ត ធុរជននិងអាណិកជន ក្នុងការបង្កើតស្នាដៃរួមរបស់ខណ្ឌឆ្នាំ ២០២៣ និងប្រសិទ្ធពរដល់អ្នកតំណាងនិងក្រុមគ្រួសារទាំងអស់ទទួលនិទាឃរដូវ សាមគ្គី សប្បាយរីករាយ សុភមង្គលនិងជោគជ័យថ្មី។ ទន្ទឹមនឹងនោះ សង្ឃឹមថា អ្នកតំណាងគ្រប់រូបនឹងបន្តពង្រីកប្រពៃណីសាមគ្គី សកម្មចូលរួមអនុវត្តមានប្រសិទ្ធភាពនូវចលនាប្រឡងប្រណាំងស្នេហាជាតិ រួមកម្លាំងជាមួយនឹងបក្ខភាគ រដ្ឋអំណាច និងប្រជាជនគ្រប់ជាន់ស្រទាប់កសាងខណ្ឌនិញកេវ សក្តិសមជាទីក្រុងមជ្ឈមណ្ឌលស៊ីវិល័យនិងទំនើប៕

ង៉ុកវៀង-វិមាន

ចែករំលែកអត្ថបទ

ពាក្យគន្លឹះ