ព្រឹត្តិការណ៍ - នយោបាយ ព្រឹត្តិការណ៍ - នយោបាយ

07/08/2023 - 16:53

កើ-ដ

បង្ហាញមុខទម្រង់ក្លឹបនារីជនជាតិ

(CT) - សមាគមសហព័ន្ធនារីស្រុកកើ-ដ (ក្រុងកឹងធើ) ទើបបង្ហាញមុខទម្រង់ក្លឹបនារីជនជាតិអនុវត្តល្អគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ គួបផ្សំនឹងកសាងទម្រង់ “គ្រួសារ ៥មាន ៣ស្អាត” នៅភូមិថើយស្វឹង ឃុំថើយដុង។ ក្លឹបរួមមានសមាជិក ២៥ នាក់ ដោយអ្នកមីងថាច់ធីអ៊ុកឡាង ជាប្រធាន។

សមាជិកក្លឹបនារីជនជាតិអនុវត្តល្អគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ ក្នុងពិធីបង្ហាញមុខ។ រូបថតៈ សមាគមសហព័ន្ធនារីស្រុកកើ-ដផ្ដល់ជូន។

ក្លឹបមានភារកិច្ចក្នុងការផ្សព្វផ្សាយ ដើម្បីជួយដល់សមាជិកនិងនារីជនជាតិទាំងអស់អនុវត្តល្អគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ បណ្តាភារកិច្ចនយោបាយរបស់ភូមិភាគរបស់សមាគម។ ពិសេស គឺអនុវត្តល្អ៨លក្ខឋាន “គ្រួសារ ៥មាន ៣ស្អាត”; ក្នុងនោះ “៥មាន” រួមមាន៖ មានផ្ទះសម្បែងស្រួលបួល មានមុខរបររកស៊ីលំនឹង មានសុខភាព មានចំណេះដឹង មានផ្នត់រស់នៅវប្បធម៌ និង ៣ស្អាត រួមមាន៖ ស្អាតផ្ទះ ស្អាតចង្ក្រានបាយ និងស្អាតផ្លូវមាត់ច្រក។

ទន្ទឹមនឹងនោះ សមាជិកក្លឹបទាំងអស់ពង្រីកស្មារតីសាមគ្គី ជួយគ្នាទៅវិញទៅមក រៀបចំសកម្មភាពពិភាក្សា ដោះដូរបទពិសោធន៍ក្នុងការផលិត ធ្វើការរកស៊ី ជួយគ្នាអភិវឌ្ឍសេដ្ឋកិច្ច កាត់បន្ថយភាពក្រីក្រ លើកកម្ពស់កម្រិតជីវភាព រួមចំណែកអនុវត្តលក្ខឋានជនបទថ្មីកម្រិតខ្ពស់របស់ភូមិភាគ៕

ហាយធឺ-លេងមី

ចែករំលែកអត្ថបទ

ពាក្យគន្លឹះ