គោលនយោបាយ -ការរស់នៅ គោលនយោបាយ

22/05/2023 - 14:18

រកវិធានការសម្រាប់ជនរួមជាតិភាគតិចតំបន់វាលរាបទន្លេគឺវឡុង អភិវឌ្ឍសេដ្ឋកិច្ច-សង្គមប្រកបដោយចីរភាព

សិក្ខាសាលា “រកវិធានការសម្រាប់ជនរួមជាតិភាគតិចតំបន់វាលរាបទន្លេគឺវឡុង អភិវឌ្ឍសេដ្ឋកិច្ច-សង្គមប្រកបដោយចីរភាព” អាស្រ័យគណៈប្រចាំការនៃគណៈកម្មាធិការរណសិរ្សមាតុភូមិវៀតណាមក្រុង គណៈកម្មការការងារភាគខាងត្បូងនៃគណៈកម្មាធិការមជ្ឈិមរណសិរ្សមាតុភូមិវៀតណាម សាកលវិទ្យាល័យកឹងធើ វិទ្យាស្ថាន FNF ដាក់នៅវៀតណាម និងនាយកដ្ឋានកិច្ចការជនជាតិភូមិភាគ (គណៈកម្មាធិការជនជាតិ) បានសហការរៀបចំនៅក្រុងកឹងធើ។

ទិដ្ឋភាពនៃអង្គសិក្ខាសាលា។

លោកស្រី ត្រឿងធីង៉ុកអាញ់ អនុប្រធានគណៈកម្មាធិការមជ្ឈិមរណសិរ្សវៀតណាម
ថ្លែងយោបល់ក្នុងអង្គសិក្ខាសាលា។

លោកង្វៀងវ៉ាន់ហុង អនុប្រធានគណៈកម្មាធិការប្រជាជនក្រុងកឹងធើ
ថ្លែងយោបល់អបអរសាទរសិក្ខាសាលា។

លោកង្វៀងទ្រុងញ៉ឹង ប្រធានគណៈកម្មាធិការរណសិរ្សមាតុភូមិវៀតណាមក្រុងកឹងធើ
ថ្លែងអារម្ភកថាសិក្ខាសាលា។

យោងតាមនាយកដ្ឋានកិច្ចការជនជាតិភូមិភាគ-គណៈកម្មាធិការជនជាតិ តំបន់វាលរាបទន្លេគឺវឡុងមានជនជាតិភាគតិចចំនួន ៤៣ ស្រូបអត្រា ៧,៥៨% នៃចំនួនប្រជាជនរួមក្នុងតំបន់ ភាគច្រើនគឺជនរួមជាតិខ្មែរ (ជាង ១,១ លាននាក់) រស់នៅលាយឡំគ្នានឹងគ្រួសារជនជាតិកិញនៅក្នុងខេត្ត ក្រុង ទាំង ៩៖ កឹងធើ សុកត្រាំង ត្រាវិញ គៀងយ៉ាង។ល។ ក្នុងសិក្ខាសាលាមានបទអន្តរាគមន៍ចំនួន ២១ អ្នកតំណាងទាំងឡាយបានរួមគ្នាពិភាក្សាពីតថភាពនៃសេដ្ឋកិច្ច-សង្គមតំបន់ជនជាតិភាគតិចនៅតំបន់វាលរាបទន្លេគឺវឡុង; រកវិធានការសំដៅពង្រីកតម្លៃវប្បធម៌ជនជាតិខ្មែរក្នុងការអភិវឌ្ឍសេដ្ឋកិច្ច-សង្គមតំបន់វាលរាបទន្លេគឺវឡុងរហូតដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥; គោលនយោបាយបណ្តុះបណ្ដាលតាមរូបភាព ”ជម្រើសតាំង” សម្រាប់ជនជាតិភាគតិចតំបន់វាលរាបទន្លេគឺវឡុង; តួនាទីរបស់រណសិរ្សមាតុភូមិវៀតណាមក្នុងការចូលរួម អភិវឌ្ឍសេដ្ឋកិច្ច-សង្គម ផ្សារភ្ជាប់ជាមួយនឹងការធានាការពារប្រទេស-សន្តិសុខឃុំព្រំដែន ដំណាក់កាល ២០២១-២០២៥; រកវិធានការគោលនយោបាយជំរុញជនរួមជាតិខ្មែរពង្រីកសក្ដានុភាព ឧត្តមភាពក្នុងការអភិវឌ្ឍសេដ្ឋកិច្ច លើកកម្ពស់ជីវភាព។ល។ សិក្ខាសាលាក៏បានពិភាក្សានូវវិធានការជាក់ស្ដែងជាច្រើនសម្រាប់ជួយដល់ជនរួមជាតិភាគតិច អភិវឌ្ឍសេដ្ឋកិច្ច-សង្គម មានដូច៖ ធ្វើឱ្យសុក្រឹតគោលនយោបាយម៉ាក្រូ ស្ដីពីការអភិវឌ្ឍប្រភពធនធាននារីជនជាតិខ្មែរ; កាត់បន្ថយភាពក្រីក្រដោយយោងលើការទទួលបានសេវាសង្គមជាមូលដ្ឋាន; កាត់បន្ថយភាពក្រីក្រតាមរយៈវិស័យទេសចរណ៍យោងលើមុខរបររកស៊ីនិងវប្បធម៌សង្គម។ល។

ថ្លែងក្នុងអង្គសិក្ខាសាលា លោកស្រីត្រឿងធីង៉ុកអាញ់ អនុប្រធានគណៈកម្មាធិការមជ្ឈិម រណសិរ្សមាតុភូមិវៀតណាម គូសបញ្ជាក់ សិក្ខាសាលាមានអត្ថន័យនយោបាយយ៉ាងជ្រាលជ្រៅ បង្ហាញនូវតួនាទី ការទទួលខុសត្រូវនៃប្រព័ន្ធនយោបាយទាំងមូលសម្រាប់ជនរួមជាតិភាគតិចក្នុងទូទាំងប្រទេសនិយាយរួម និងតំបន់វាលរាបទន្លេគឺវឡុងនិយាយដោយឡែក។ ផ្ដើមពីនោះ ជួយឱ្យរណសិរ្សមាតុភូមិវៀតណាមខេត្ត ក្រុងនានាតំបន់វាលរាបទន្លេគឺវឡុង លើកកម្ពស់ប្រសិទ្ធភាពធ្វើសេនាធិការ សកម្មភាព សហការជាមួយនឹងក្រុមប្រឹក្សាប្រជាជន គណៈកម្មាធិការប្រជាជន ក្នុងការរៀបចំផ្សព្វផ្សាយអនុវត្តសេចក្ដីសម្រេចលេខ ១៧១៩/QĐ-TTg ស្ដីពីការផ្ដល់សច្ចាប័នកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០ របស់នាយករដ្ឋមន្ត្រីនៃរដ្ឋាភិបាល៕

ហាថាញ-បកប្រែ៖ ថាច់ធី

ចែករំលែកអត្ថបទ

ពាក្យគន្លឹះ