ព្រឹត្តិការណ៍ - នយោបាយ ព្រឹត្តិការណ៍

13/03/2023 - 16:45

នាយករដ្ឋមន្ត្រី ផាមមិញជិញ ទទួលជួបឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា

នាយករដ្ឋមន្ត្រីនៃរដ្ឋាភិបាល ផាមមិញជិញ បានទទួលជួបសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋ មន្ត្រីក្រសួងមហាផ្ទៃនៃព្រះរាជាណាចក្រកម្ពុជា អញ្ជើញមកបំពេញទស្សនកិច្ចនៅវៀតណាម។

នាយករដ្ឋមន្ត្រីនៃរដ្ឋាភិបាល ផាមមិញជិញ (ខាងស្តាំ) ទទួលជួបសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា។

ស្របក្នុងឱកាសជិតដល់បុណ្យចូលឆ្នាំថ្មីប្រពៃណី នាយករដ្ឋមន្ត្រីនៃរដ្ឋាភិបាល ផាមមិញជិញ បាននាំយកនូវបិយវាចាសួរសុខទុក្ខនិងប្រសិទ្ធពរឆ្នាំថ្មី របស់លោកអគ្គលេខា ង្វៀងភូត្រុង ប្រធានរដ្ឋសភា វឿងឌិញហ្វែ និងក្នុងនាមជានាយករដ្ឋមន្ត្រី ជូនចំពោះព្រះមហាក្សត្រ នរោត្តម សីហមុនី ព្រះមហាក្សត្រី នរោត្តម មុនីនាថ សីហនុ សម្តេចតេជោ ហ៊ុនសែន នាយករដ្ឋមន្ត្រី និងសម្តេច ហេង សំរិន ប្រធានរដ្ឋសភា មួយអន្លើដោយថ្នាក់ដឹកនាំជាន់ខ្ពស់នៃព្រះរាជាណាចក្រកម្ពុជា។

នាយករដ្ឋមន្ត្រី ប្រសាសន៍៖ ឆ្នាំ ២០២៣ កម្ពុជានឹងប្រព្រឹត្តឡើងនូវព្រឹត្តិការណ៍សំខាន់ៗជាច្រើន ក្នុងនោះមាន៖ បោះឆ្នោតរដ្ឋសភា នីតិកាល VII និងមហាសន្និបាតកីឡាអាស៊ីអាគ្នេយ៍លើកទី ៣២ (SEA Games ៣២) និងមហាសន្និបាតកីឡាជនពិការអាស៊ីអាគ្នេយ៍ (Para Games)។ ក្នុងលទ្ធភាពរបស់ខ្លួន រដ្ឋាភិបាលវៀតណាម នឹងត្រៀមលក្ខណៈជួយឧបត្ថម្ភ ចែករំលែកនូវបទពិសោធន៍ និងគាំទ្រកម្ពុជា រៀបចំព្រឹត្តិការណ៍នេះទទួលបានជោគជ័យ។

សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា អំណះអំណាង៖ គណបក្សប្រជាជនកម្ពុជា រាជរដ្ឋាភិបាល និងប្រជាជនកម្ពុជា ចងចាំជានិច្ចនូវការគាំទ្រដ៏ថ្លៃថ្លារបស់បក្ស រដ្ឋ កងទ័ពនិងប្រជាជនវៀតណាមចំពោះកម្ពុជា ក្នុងបុព្វហេតុតស៊ូរំដោះជាតិ និងកសាងអភិវឌ្ឍប្រទេសជាតិនាពេលបច្ចុប្បន្ន។

នាយករដ្ឋមន្ត្រី ផាមមិញជិញ និងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណា ចក្រកម្ពុជា យល់ថា ភាគីទាំងពីរគប្បីបង្កើនការតភ្ជាប់ហេដ្ឋារចនាសម្ព័ន្ធ រួមគ្នាកសាងខឿនសេដ្ឋកិច្ចឯករាជ្យ ម្ចាស់ការ និងសមាហរណកម្ម។

សម្តេចក្រឡាហោម ស ខេង ជឿជាក់ថា៖ ជាមួយនឹងមនោសញ្ចេតនាដ៏ស្មោះសរ ចំណងសាមគ្គីភាពនិងការទុកចិត្តគ្នាទៅវិញទៅមក ប្រទេសទាំងពីរពិតជាពង្រីកទំនាក់ទំនង “ភាពជាអ្នកជិតខាងល្អ មិត្តភាពជាប្រវេណី កិច្ចសហប្រតិបត្តិការគ្រប់ជ្រុងជ្រោយ ស្ថិរភាពយូរអង្វែង” រួមគ្នាដោះស្រាយនូវបញ្ហាប្រកបដោយប្រសិទ្ធភាព។

ភាគីទាំងពីរបានសម្តែងនូវសេចក្តីរីករាយ ដោយសារកិច្ចសហប្រតិបត្តិការសេដ្ឋកិច្ច គឺជាចំណុចលេចធ្លោមួយក្នុងកិច្ចសហប្រតិបត្តិការរវាងប្រទេសទាំងពីរក្នុងរយៈពេលកន្លង។ ឆ្លងតាមរយៈនោះ ឆ្នាំ ២០២២ តម្លៃប្រាក់សរុបពាណិជ្ជកម្មរវាងប្រទេសទាំងពីរសម្រេចបាន ១០,៦ ពាន់លាន USD កើន ១១% បើប្រៀបនឹងឆ្នាំ ២០២១ ។ ចំពោះការវិនិយោគ រហូតមកទល់ពេលនេះវៀតណាមមានគម្រោង វិនិយោគចំនួន ២០៥ នៅមានសុពលភាពនៅប្រទេសកម្ពុជា ដោយមានទុនចុះបញ្ជីសរុប ២,៩៤ ពាន់លាន USD ឈានមុខគេនៅអាស៊ាន និងស្ថិតក្នុងចំណោម ៥ ប្រទេសបានវិនិយោគផ្ទាល់ធំបំផុតនៅប្រទេសកម្ពុជា។

ដោយឃើញថា តុល្យភាពភូមិសាស្រ្តដើម្បីសហប្រតិបត្តិការរវាងប្រទេសទាំងពីរលើវិស័យសេដ្ឋកិច្ចនៅមានច្រើនណាស់ នាយករដ្ឋមន្ត្រី ផាមមិញជិញ និងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា យល់ថា៖ ប្រទេសទាំងពីរគប្បីបង្កើនការតភ្ជាប់ហេដ្ឋារចនាសម្ព័ន្ធ រួមគ្នាកសាងខឿនសេដ្ឋកិច្ចឯករាជ្យ ម្ចាស់ការ និងសមាហរណកម្ម។ ចំពោះមុខ ភាគីទាំងពីរត្រៀមលក្ខណៈឱ្យបានល្អ ដើម្បីរៀបចំកិច្ចប្រជុំខេត្តជាប់ព្រំដែនប្រកបដោយជោគជ័យ; សម្ពោធច្រកទ្វារព្រំដែនថ្មី២រវាងប្រទេសទាំងពីរ ឆ្លងតាមរយៈនោះ ជំរុញកសាងផ្លូវព្រំដែនសន្តិភាពមិត្ត ភាពសហប្រតិបត្តិការ និងអភិវឌ្ឍន៍។

ភាគីទាំងពីរបានឯកភាពគាំទ្រគ្នាទៅវិញទៅមកលើវេទិកាពហុភាគី; គាំទ្រគោលជំហរលក្ខការណ៍របស់អាស៊ាន អំពីសមុទ្រខាងកើត លើកកម្ពស់ច្បាប់អន្តរជាតិ; អនុវត្តពេញលេញ និងប្រកបដោយប្រសិទ្ធភាពសេចក្តីថ្លែងការណ៍ ក្រមប្រតិបត្តិរបស់ភាគីនានានៅសមុទ្រខាងកើត (DOC) និងកសាងក្រមប្រតិបត្តិនៅសមុទ្រខាងកើត (COC) ជាក់ស្ដែង សុពលភាព ប្រសិទ្ធភាព សមស្របជាមួយនឹងច្បាប់អន្តរជាតិ និង UNCLOS ១៩៨២ ៕

យោង៖ Chinhphu.vn - វិមាន

ចែករំលែកអត្ថបទ

ពាក្យគន្លឹះ