មហាសាមគ្គីជនជាតិ គំរូក្នុងសហគមន៍

15/08/2022 - 14:22

ទឹកព្រះទ័យព្រះតេជព្រះគុណ ថាច់តារា

ក្រៅពីកសាងសំណង់នានាក្នុងវត្ត ព្រះតេជព្រះគុណ ថាច់តារា ព្រះចៅអធិការវត្តធ្លក ឃុំហ៊ីបហ្វា ស្រុកកូវង៉ាង ខេត្តត្រាវិញ នៅទាំងកៀរគរកសាងស្ពានជាច្រើនខ្សែ ជួយពុទ្ធបរិស័ទនៅទីនេះដឹកជញ្ជូនទំនិញបានងាយស្រួល។

ព្រះតេជព្រះគុណ ថាច់តារា រួមនឹងថ្នាក់ដឹកនាំឃុំ ចូលរួមពិធីសម្ពោធដាក់ឱ្យប្រើប្រាស់ស្ពាន
ជនបទ។

ព្រះតេជព្រះគុណ ថាច់តារា មានថេរដីកា៖ “សង្កេតឃើញស្ថានភាពលំបាករបស់មាមីងទៅធ្វើស្រែចម្ការ សិស្សានុសិស្សទៅរៀនឆ្លងស្ពានបណ្ដោះអាសន្ន ចៃដន្យត្រូវរអិលដួលរហូតដល់ទៅព្យាបាលនៅមន្ទីរពេទ្យជាដើម ទើបអាត្មាភាពមានបំណងរួមចំណែកក្នុងការកសាងស្ពានជនបទ ដើម្បីមាមីងធ្វើដំណើរទៅមក និងប្អូនៗសិស្សានុសិស្សទៅរៀនបានងាយស្រួល។ រយៈពេលខាងមុខ អាត្មាភាពនឹងបន្តការពង្រីកថែមទៀតចំពោះស្នាដៃដែលសម្រេចបាន ដើម្បីរក្សាចលនា “រៀនសូត្រ និងធ្វើតាមគំរូ សីលធម៌ ឥរិយាបថហូជីមិញ”។

ចាប់ពីចុងឆ្នាំ ២០២១ រហូតមកទល់បច្ចុប្បន្ន ព្រះតេជព្រះគុណ ថាច់តារា បានកៀរគរសាងសង់ និងជួសជុលស្ពាន ៤ ខ្សែ មានប្រវែងសរុប ១០០ ម៉ែត្រ ចំណាយថវិកាសរុបជាង ៤៥០ លានដុង។ បច្ចុប្បន្ន កំពុងកសាងស្ពានមួយកន្លែងនៅភូមិជូយ (ស្ពានទី៥) ស្ពានមានប្រវែងសរុប ១៧ ម៉ែត្រ ទទឹង ២,២ ម៉ែត្រ ចំណាយថវិកាសាងសង់សរុប ១១៩ លានដុង។

ព្រះតេជព្រះគុណ ថាច់តារា ចូលរួមពិធីបើកដំណើរការកសាងស្ពានជនបទនៅភូមិ
សុកស្វាយ។

លោកថាច់សើុង នៅភូមិសុកស្វាយឃុំហ៊ីបហ្វា ឱ្យដឹង៖ “ពេលឮដំណឹងស្ពានត្រូវបានព្រះចៅអធិការកៀរគរកសាង ពុទ្ធបរិស័ទនៅទីនេះ រីករាយខ្លាំងណាស់។ ច្រើនឆ្នាំមកនេះ ការធ្វើដំណើរ ដឹកជញ្ជូនទំនិញលំបាកខ្លាំងណាស់។ អាស្រ័យបានព្រះតេជព្រះគុណ ថាច់តារា កៀរគរសប្បុរសជនរួមវិភាគទានទឹកប្រាក់កសាងស្ពានជនបទ យើងខ្ញុំអរគុណព្រះចៅអធិការខ្លាំងណាស់”។ ទន្ទឹមនឹងកៀរគរកសាងស្ពានជនបទ ព្រះតេជព្រះគុណ ថាច់តារា នៅទាំងចំណាយថវិកាជាច្រើនដើម្បីគួបផ្សំនឹងសប្បុរសជនជំនួយកសាងផ្ទះមហាសាមគ្គីជូនគ្រួសារជួបលំបាកអំពីលំនៅឋាន ជូនអំណោយដល់គ្រួសារក្រីក្រ មនុស្សចាស់គ្មានទីពឹង ជំនួយដល់អ្នកជំងឺ ជូនអាហារូបករណ៍ដល់សិស្សានុសិស្សក្រីក្រដែលមានស្នាដៃរៀនសូត្រល្អ។ល។

លោកត្រឹងភឿកហៀង ប្រធានគណៈកម្មាធិការប្រជាជនឃុំហ៊ីបហ្វា ឱ្យដឹង៖ “ព្រះតេជព្រះគុណ ថាច់តារា តែងរួមជាមួយនឹងរដ្ឋអំណាចភូមិភាគផ្សព្វផ្សាយ ចលនាពុទ្ធបរិស័ទ អនុវត្តនូវគោលការណ៍របស់បក្ស គោលនយោបាយច្បាប់របស់រដ្ឋ ខ្នះខ្នែងពលកម្មផលិត។ ព្រះតេជព្រះគុណ តែងចូលរួមសកម្មភាពសប្បុរសធម៌សង្គម ដើម្បីជួយជីវភាពជនរួមជាតិខ្មែរកាន់តែល្អប្រសើរពីមួយថ្ងៃទៅមួយថ្ងៃ។ ព្រះតេជព្រះគុណ នៅទាំងចលនាពុទ្ធបរិស័ទខ្នះខ្នែងកែលម្អទិដ្ឋភាពបរិស្ថាន ដាំឈើបៃតង ផ្កាលម្អជុំវិញផ្ទះ រួមវិភាគទានថវិកាកសាងដងផ្លូវ ភ្លឺ-បៃតង-ជ្រះ-ស្អាត”៕

សឺនម៉ាល័យ-ថាច់ធី

ចែករំលែកអត្ថបទ

ពាក្យគន្លឹះ