ព្រឹត្តិការណ៍ - នយោបាយ ព្រឹត្តិការណ៍

13/12/2021 - 08:37

សម័យប្រជុំលើកទី ៤ ក្រុមប្រឹក្សាប្រជាជនក្រុងកឹងធើ

ពិចារណា និងសម្រេចលើបញ្ហាសំខាន់ៗជាច្រើនរបស់ក្រុង

កាលពីសប្តាហ៍មុន ក្រុងកឹងធើបានបើកកិច្ចប្រជុំលើកទី ៤ ក្រុមប្រឹក្សាប្រជាជនក្រុងនីតិកាលទី X អាណត្តិកាល ២០២១-២០២៦។

តំណាងក្រុមប្រឹក្សាប្រជាជនក្រុងអនុម័តបណ្តាសេចក្តីសម្រេចក្នុងកិច្ចប្រជុំ។
រូបថត៖ អាញ់យ៉ុង។

នៅក្នុងកិច្ចប្រជុំនេះ ក្រុមប្រឹក្សាប្រជាជនក្រុង បានពិចារណា និងសម្រេចលើបញ្ហាសំខាន់ៗជាច្រើនរបស់ក្រុង។ តាមនោះ ក្រៅពីបញ្ហាក្តៅគគុកដែលបានលើកឡើង និងដំណោះស្រាយសមស្របក្នុងផ្នែក “សំណួរនិងឆ្លើយនូវសំណួរ” តំណាងទាំងឡាយក៏បានអនុម័តលើសេចក្តីសម្រេចចំនួន ២៤ នៃសម័យប្រជុំ។ មានដូច៖ សេចក្តីសម្រេចស្តីពីលទ្ធផលនៃការអភិវឌ្ឍសេដ្ឋកិច្ច-សង្គម ការការពារប្រទេស-សន្តិសុខ ឆ្នាំ ២០២១ និងទិសដៅភារកិច្ច ដំណោះស្រាយ ឆ្នាំ ២០២២។ សេចក្តីសម្រេចស្តីពីការចាត់តាំងលម្អិត និងបំពេញបន្ថែមផែនការវិនិយោគលើវិស័យសាធារណ៍ រយៈពេលមធ្យម ដំណាក់កាល ២០២១-២០២៥; សេចក្តីសម្រេចស្តីពីការអភិវឌ្ឍយុវជននៅក្រុងកឹងធើ ដំណាក់កាល ២០២១-២០៣០…។

ថ្លែងមតិបិទសម័យប្រជុំ សមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្ស ក្រុង ប្រធានក្រុមប្រឹក្សាប្រជាជនក្រុងបានស្នើ៖ ដើម្បីអនុវត្តឱ្យបានល្អប្រសើរនូវភាគកម្រិត ភារកិច្ចស្របតាមសេចក្តីសម្រេចរបស់គណៈកម្មាធិការបក្សក្រុង ក្រុមប្រឹក្សាប្រជាជនក្រុងបានដាក់ចេញក្នុងឆ្នាំ ២០២២ គ្រប់ថ្នាក់ គ្រប់ផ្នែកក្នុងទូទាំងក្រុង ត្រូវផ្តុំកម្លាំងអនុវត្តប្រកបដោយប្រសិទ្ធភាពនូវសេចក្តីសម្រេចលេខ ១២៨ របស់រដ្ឋាភិបាល “បទប្បញ្ញត្តិបណ្តោះអាសន្នស្តីពីការសម្របខ្លួនប្រកបដោយសុវត្ថិភាព ឈ្លាសវៃ និងគ្រប់គ្រងប្រកបដោយប្រសិទ្ធភាពជំងឺ COVID-១៩”។ បញ្ជ្រាប និងអនុវត្តប្រកបដោយប្រសិទ្ធភាពសេចក្តីសន្និដ្ឋាន សេចក្តីសម្រេចស្តីពីការអភិវឌ្ឍសេដ្ឋកិច្ច - សង្គមឆ្នាំ ២០២២; សេចក្តីសម្រេចលេខ ៥៩ របស់ការិយាល័យនយោបាយ ស្តីពីការកសាង និងអភិវឌ្ឍន៍ក្រុងកឹងធើដល់ឆ្នាំ ២០៣០ និងចក្ខុវិស័យដល់ឆ្នាំ ២០៤៥; សេចក្តីសម្រេចមហាសន្និបាតបក្ស គ្រប់លំដាប់ថ្នាក់។ មានដំណោះស្រាយដើម្បីទាក់ទាញការវិនិយោគទុនបណ្តាប្រភពទុនក្រៅ ពីថវិការដ្ឋ; បង្កើតបរិយាកាសវិនិយោគ ពាណិជ្ជកម្មបើកចំហងាយស្រួល។ អនុវត្តវិធានការនានាដើម្បីដោះស្រាយការលំបាក និងឧបសគ្គក្នុងការផលិត ការធ្វើពាណិជ្ជកម្មរបស់ប្រជាជន និងអាជីវកម្ម។ រៀបចំរចនាសម្ព័ន្ធ ស្តារឡើងវិញ និងអភិវឌ្ឍលើវិស័យសំខាន់ៗមួយចំនួន ដែលកំពុងរងផលប៉ះពាល់ផ្ទាល់ដោយជំងឺCOVID-១៩។

សមមិត្ត ផាមវ៉ាន់ហេវ បានស្នើ៖ គ្រប់ថ្នាក់ គ្រប់ផ្នែកគប្បីអនុវត្តបណ្តាដំណោះស្រាយ ដើម្បីលើកកម្ពស់គុណភាពអប់រំ ផ្សារភ្ជាប់ជាមួយនឹងវិធានការបង្ការ និងប្រឆាំងជំងឺរាលដាល COVID-១៩។ បន្តការអនុវត្តយ៉ាងម៉ឺងម៉ាត់ មានប្រសិទ្ធភាពការងារការពារ ថែទាំ និងលើកកម្ពស់សុខភាពប្រជាជន; អនុវត្តយុទ្ធនាការចាក់វ៉ាក់សាំងបង្ការជំងឺ COVID-១៩ ត្រូវប្រាកដថាចាក់វ៉ាក់សាំងដល់ទីណាគឺមានសុវត្ថិភាពដល់ទីនោះ ដើម្បីសេចក្តីសម្រេចរបស់ក្រុមប្រឹក្សាប្រជាជនក្រុង ដែលនឹងទើបអនុម័តនោះ ឆាប់បានស៊ីជម្រៅទៅក្នុងជីវភាពរបស់ប្រជាជន សមមិត្ត ផាមវ៉ាន់ហេវ បានស្នើឱ្យគណៈកម្មាធិការប្រជាជនក្រុងពន្លឿនការផ្សព្វផ្សាយសេចក្តីសម្រេច និងក្រុមប្រឹក្សាប្រជាជន ប្រចាំការនៃក្រុមប្រឹក្សាប្រជាជន បណ្តាគណៈនៃក្រុមប្រឹក្សាប្រជាជនក្រុង អនុវត្តនូវមុខងារ និងតួនាទីរបស់ខ្លួនឱ្យបានល្អ ឧស្សាហ៍ពិនិត្យ ត្រួតពិនិត្យ ការអនុវត្តសេចក្តីសម្រេចដែលបានដាក់ចេញឱ្យបានទៀងទាត់...៕

ដំណឹង & រូបថត៖ អាញ់យ៉ុង

ចែករំលែកអត្ថបទ

ពាក្យគន្លឹះ