សន្តិសុខ - ការពារប្រទេស ការពារប្រទេស

28/10/2019 - 16:20

បង្កើនវិន័យកងទ័ព ឆ្លើយតបតម្រូវការភារកិច្ច

ប៉ុន្មានឆ្នាំកន្លង បញ្ជាការដ្ឋានយោធាខេត្តត្រាវិញ បានដឹកនាំចង្អុលការអនុវត្តល្អវិន័យកងទ័ព និងការធានាសុវត្ថិភាពអង្គភាព រួមចំណែកកសាងអង្គភាពរឹងមាំលើគ្រប់វិស័យ ឆ្លើយតបតម្រូវការភារកិច្ចការពារមាតុភូមិ។

យុទ្ធជនហ្វឹកហាត់ត្រៀមប្រយុទ្ធ។

យុទ្ធជនឆ្នាំទី១ ឡេហឺវល្វឹង នៅភូមិអាងប៊ិញ ឃុំហ្វាតឹង ស្រុកកូវកែ ឱ្យដឹងដោយក្ដីរីករាយ៖ "នៅពេលជាប់ជម្រើសបំពេញកាតព្វកិច្ចយោធា ខ្ញុំបារម្ភខ្លាំងណាស់ដ្បិតមិនទាន់យល់ដឹងពីបរិស្ថានរស់នៅក្នុងជួរទ័ព។ ប៉ុន្តែពេលបានចូលក្នុងកងជួរទ័ពនៅបញ្ជាការដ្ឋានកងទ័ពខេត្តត្រាវិញ ឃើញថា បងប្អូនគ្រប់គ្នាតែងគោរពស្រឡាញ់រាប់អានគ្នា និងជួយគ្នាទៅវិញទៅមក។ នៅក្នុងអង្គភាព ចាប់តាំងពីកម្មាភិបាលរហូតដល់យុទ្ធជនគឺមានភាពស្និទ្ធស្នាល ស្រុះស្រួល សាមគ្គីដូចជាបងប្អូនក្នុងគ្រួសារ។ ដូច្នោះ បានជាយុទ្ធជនថ្មីយើងខ្ញុំ នរណាក៏រីករាយ មោទនភាពចំពោះខ្លួនដែលក្លាយជាកងទ័ពអ៊ំហូ នឹងនរចិត្ត រស់នៅកសាងអង្គភាព ខិតខំប្រឹងប្រែងអនុវត្តសម្រេចល្អភារកិច្ចបានប្រគល់ជូន។ល។ បរិស្ថានរស់នៅក្នុងកងទ័ព គឺពេលហូបចុក សម្រាក រៀនសូត្រ ហ្វឹកហាត់។ល។ ត្រូវគោរពតាមបទបញ្ជាផ្ទៃក្នុងរបស់អង្គភាព។ នេះក៏ជាឱកាសល្អសម្រាប់ខ្ញុំលត់ដំខ្លួនកាន់តែល្អថែមទៀត"។

តាំងពីដើមឆ្នាំ២០១៩មកទល់ឥឡូវ បញ្ជាការដ្ឋានយោធាខេត្តបានចាត់តាំងការយាមល្បាតត្រួតពិនិត្យបាន៩.១១៨លើក មានអ្នកចូលរួម ចំនួន២៧.៣៥៤លើកនាក់ ដើម្បីក្តោបក្ដាប់ស្ថានភាពលើភូមិសាស្រ្ត រក្សាសុវត្ថិភាពថ្ងៃបុណ្យទាន និងព្រឹត្តិការណ៍សំខាន់ៗរបស់ប្រទេសជាតិ ។ល។ព្រមជាមួយនោះក៏បានធ្វើការហ្វឹកហាត់អំពីវិធានការត្រៀមប្រយុទ្ធបានចំនួន៣៤៩លើក មានអ្នកចូលរួមចំនួន៣.៩៧៩លើកនាក់; ហ្វឹកហាត់ប្ដូរយុទ្ធសាស្រ្តត្រៀមប្រយុទ្ធបាន១២លើក មានអ្នកចូលរួម៤៣០លើកនាក់; ចាត់តាំងធ្វើការបញ្ជ្រាប រៀនសូត្រសេចក្ដីសម្រេចចិត្តរបស់ថ្នាក់លើគ្រប់លំដាប់ថ្នាក់បាន៣២លើក ដោយមានអ្នកចូលរួម១.៣៧៦លើកនាក់។ល។ វរសេនីយ៍ឯកបម្រុង ត្រឹងថាយបៀង ប្រធានគណៈហ្វឹកហ្វឺនយោធា ការិយាល័យសេនាធិការនៃបញ្ជាការដ្ឋានយោធាខេត្តត្រាវិញ ឱ្យដឹង៖ "សំដៅឆ្លើយតបតម្រូវការភារកិច្ច រៀងរាល់ឆ្នាំ គណៈកម្មាធិការបក្សនៃបញ្ជាការដ្ឋានយោធាខេត្ត មានគោលការណ៍ វិធានការដឹកនាំ ចង្អុលការចាត់តាំងការជ្រួតជ្រាប់ អប់រំកម្មាភិបាល យុទ្ធជនស្ដីពីសេចក្ដីសម្រេចចិត្ត បទបញ្ជារបស់បក្ស គោលនយោបាយច្បាប់របស់រដ្ឋ ផែនការណែនាំរបស់ថ្នាក់លើ ស្ដីពីកសាងផ្នត់កងទ័ពរៀបរយ ហ្វឹកហ្វឺនវិន័យ។ ផ្ដើមពីនោះ កសាងស្មារតីទទួលខុសត្រូវចរិត "ភ្ញាក់រលឹកដោយខ្លួនឯង គ្រប់គ្រងដោយខ្លួនឯង ហ្វឹកហ្វឺនដោយខ្លួនឯង" ដល់កម្មាភិបាល យុទ្ធជនក្នុងអង្គភាព។ គណៈកម្មការបញ្ជាការយោធាគ្រប់លំដាប់ថ្នាក់ ក៏ម្ចាស់ការកសាងផែនការផ្សព្វផ្សាយអនុវត្តប្រកបដោយប្រសិទ្ធភាពរាល់ខ្លឹមសារ លក្ខឋានកសាង អង្គភាពរឹងមាំលើគ្រប់វិស័យទៅតាមកិច្ចចង្អុលការរបស់ក្រសួងការពារប្រទេស។ គួបផ្សំរវាងការងារគ្រប់គ្រង ចង្អុលការជាមួយនឹងការអប់រំបញ្ចុះបញ្ចូល ពង្រីកកម្លាំងសរុបរបស់អង្គការ កងកម្លាំងនិងឆ្លៀតយកកិច្ចដឹកនាំចង្អុលការ ជួយឧបត្ថម្ភរបស់ថ្នាក់លើ ព្រមទាំងរដ្ឋអំណាច និងគណៈ ផ្នែក អង្គការមហាជនរបស់ភូមិភាគ"៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ