គោលនយោបាយ -ការរស់នៅ គោលនយោបាយ

28/01/2019 - 07:55

លោកង៉ោហ៊ុង អនុប្រធានគណៈកម្មាធិការប្រជាជនខេត្តសុកត្រាំងៈ

ជំរុញការងារកាត់បន្ថយភាពក្រីក្រក្នុងជនរួមជាតិខ្មែរ

ឆ្នាំកន្លង ខេត្តសុកត្រាំង ខ្នះខ្នែងផ្សព្វផ្សាយប្រកបដោយប្រសិទ្ធភាពនូវគោលនយោបាយជនជាតិ វិនិយោគអភិវឌ្ឍតំបន់ជរួមជាតិខ្មែរ ។ ផ្តើមពីនោះ រួមចំណែកជំរុញជនបទតំបន់ជនរួមជាតិ ខ្មែរពីមួយថ្ងៃទៅមួយថ្ងៃកាន់តែមានភាពផ្លាស់ថ្មី ជីវភាពមាមីងខ្មែរបានលើកកម្ពស់ កម្រិតប្រជាបញ្ញាពីមួយថ្ងៃទៅមួយថ្ងៃបានកើនឡើង។

លោកង៉ោហ៊ុង អនុប្រធានគណៈកម្មាធិការប្រជាជនខេត្តសុកត្រាំងជូនអាហារូបករណ៍ដល់សិស្សក្រីក្រសង្វាតរៀនសូត្រលើភូមិសាស្រ្តខេត្ត។

*ស្តីពីលទ្ធផលអនុវត្តគោលនយោបាយជនជាតិ ឆ្នាំ២០១៨ដោះដូរយោបល់ជាមួយនឹងអ្នកយកព័ត៌មានកាសែតកឹងធើភាសាខ្មែរ លោកង៉ោហ៊ុង អនុប្រធានគណៈកម្មាធិការប្រជាជនខេត្តសុកត្រាំង ឲ្យដឹង៖

-ឆ្នាំ២០១៨ គណៈកម្មាធិការប្រជាជនខេត្ត បានចង្អុលការដល់គណៈជនជាតិសហការជាមួយនឹងមន្ទីរ គណៈ ផ្នែកក្នុងខេត្ត ខ្នះខ្នែងផ្សព្វផ្សាយអនុវត្តប្រកបដោយប្រសិទ្ធភាពនូវកម្មវិធីនិងគម្រោងវិនិយោគនៅតំបន់ជនរួមជាតិខ្មែរ។ មកទល់នឹងបច្ចុប្បន្ន តំបន់ជនបទដែលមានជនរួមជាតិខ្មែររស់នៅកុះកររបស់ខេត្តមានការវិវឌ្ឍជាប្រត្យក្ស ពិសេសគឺអត្រាគ្រួសារក្រីក្រក្នុងជនរួមជាតិខ្មែរកាត់បន្ថយគួរឲ្យកត់សម្គាល់។ ឆ្នាំ២០១៨ អត្រាគ្រួសារជនរួមជាតិខ្មែរក្រីក្រក្នុងទូទាំងខេត្ត កាត់បន្ថយនៅ១២,៩% បើប្រៀបនឹងឆ្នាំ២០១៧ កាត់បន្ថយបាន៤,៩% កម្រិតរស់នៅក្នុងជនរួមជាតិខ្មែរត្រូវបានលើកកម្ពស់។ ផ្នែកហេដ្ឋារចនាសម្ព័ន្ធជនបទនៅតំបន់ជនរួមជាតិខ្មែរមានភាពប្រសើរ។ ជាពិសេស បច្ចុប្បន្ន នៅឃុំនានា ដែលមានជនរួមជាតិខ្មែររស់នៅកុះករ សុទ្ធសឹងមានសាលារៀនចាប់ពីកម្រិតមត្តេយ្យដល់កម្រិតមធ្យមសិក្សាមូលដ្ឋាន ដំណាក់សុខាភិបាលត្រូវបានវិនិយោគកសាងមានភាពសមរម្យ ផ្លូវគមនាគមន៍ធានារថយន្តអាចបើកបរដល់មជ្ឈមណ្ឌលឃុំ ប្រព័ន្ធធារាសាស្រ្តបានស្តារឡើងវិញ ឆ្លើយតបទៅនឹងតម្រូវការផលិតកម្មរបស់ប្រជាជន គ្រួសារជនជាតិភាគតិចមានទឹកស្អាតប្រើប្រាស់ជាង៩៦% មានអគ្គិសនី ៩៨%។ល។ សកម្មភាពពិធីបុណ្យទាន វប្បធម៌ ជំនឿសាសនារបស់ជនរួមជាតិខ្មែរត្រូវបានរក្សា ពង្រីកនិងអភិរក្សអត្តសញ្ញាណវប្បធម៌ជនជាតិ ដូច៖ បុណ្យអកអំបុក ប្រណាំងទូក-ង បុណ្យសែនដូនតា បុណ្យចូលឆ្នាំថ្មី។ល។

*ដើម្បីលើកកម្ពស់គុណភាពសកម្មភាពគោលនយោបាយជនជាតិ និងកាត់បន្ថយអត្រាគ្រួសារក្រីក្រប្រកបដោយចីរភាពក្នុងតំបន់ជនរួមជាតិខ្មែរ តើខេត្តសុកត្រាំង មានផែនការអនុវត្តយ៉ាងដូចម្តេច? ជម្រាបប្រសាសន៍លោក!

-ឆ្នាំ២០១៩ ខេត្តចង្អុលការដល់គណៈជនជាតិសហការស្អិតល្មួតជាមួយនឹងមន្ទីរ គណៈ ផ្នែកក្នុងខេត្ត បន្តជំរុញាអនុវត្តនូវគោលនយោបាយជនជាតិ វិនិយោគឲ្យតំបន់ជនរួមជាតិខ្មែរ។ ពិសេស គឺខ្នះខ្នែងផ្សព្វផ្សាយប្រកបដោយប្រសិទ្ធភាពនូវផែនការលេខ៨៣/KH-UBND ចុះថ្ងៃ១១ ខែវិច្ឆិកា ឆ្នាំ២០១៦ ស្តីពីការអនុវត្តកម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាព ដំណាក់កាល២០១៦- ២០២០ របស់ខេត្តសុកត្រាំង។ ខេត្តនឹងបន្តការបង្កើនការងារផ្សព្វផ្សាយ លើកកម្ពស់ស្មារតី មាមីងខ្មែរ ខំប្រឹងឈានឡើងដោយខ្លួនឯង ដើម្បីកាត់បន្ថយស្ថានភាពទន្ទឹងរង់ចាំលើគោលនយោបាយឧបត្ថម្ភរបស់បក្ស រដ្ឋ។ ភូមិភាគនានាគប្បីកំណត់ទិសដៅរបៀបបង្កបង្កើនផល បង្វែររចនាសម្ព័ន្ធពូជដំណាំ សត្វចិញ្ចឹមឲ្យបានសមស្រប។ ទន្ទឹមនឹងនោះ ជំរុញការងារ ហ្វឹកហាត់ ណែនាំមាមីងខ្មែរម្ចាស់ការអនុវត្ត វិទ្យាសាស្រ្តបច្ចេកទេសជឿនលឿនក្នុងការបង្កបង្កើនផល ដើម្បីបង្កើនទិន្នផលគុណភាព។ ព្រមជាមួយនោះ គប្បីបន្តការឃ្លាំមើលលើកកម្ពស់ប្រសិទ្ធភាពកម្ចីទុននៃកម្មវិធី គម្រោង ឧបត្ថម្ភនានា នៅតំបន់ជនរួមជាតិខ្មែរ តាមដាន ហ្មត់ចត់ក្នុងការគ្រប់គ្រងគ្រួសារក្រីក្រ ដើម្បីស្វែងរកវិធានការឧបត្ថម្ភទាន់ពេល។

ជាពិសេស គណៈជនជាតិ គប្បីពង្រីកតួនាទី ភារកិច្ចអ្នកមានប្រជាប្រិយភាពក្នុងសហគមន៍ជនរួមជាតិខ្មែរ ដើម្បីជំរុញការផ្សព្វផ្សាយ អនុវត្តគោលការណ៍ គោលមាគ៌ា គោលនយោបាយរបស់បក្ស និងច្បាប់របស់រដ្ឋ ក៏ដូចជាគោលនយោបាយកាត់បន្ថយភាពក្រីក្រក្នុងជនរួមជាតិខ្មែររបស់ខេត្ត។ ពីព្រោះចំពោះជនរួមជាតិខ្មែរ ពាក្យសម្តីរបស់អ្នកមានប្រជាប្រិយភាពមានតម្លៃណាស់ ម៉្លោះហើយកម្លាំងទាំងនេះ គឺជាស្ពានតភ្ជាប់រវាងបក្ស រដ្ឋនិងប្រជាជន។ ក្រៅពីនោះ ភូមិភាគនានាគប្បីផ្តុំកម្លាំងកសាងអភិវឌ្ឍទម្រង់ផលិតកម្ម ស្ងើចសរសើរ ពង្រីកគំរូផលិតធ្វើអាជីវកម្មពូកែក្នុងជនរួមជាតិខ្មែរ។ល។ ដើម្បីរួមចំណែកអនុវត្តជោគជ័យ ទិសដៅអភិវឌ្ឍសេដ្ឋកិច្ច-សង្គមរបស់ខេត្ត៕

*សូមអរគុណលោក!

លីធាន(អនុវត្ត)-មុនី

ចែករំលែកអត្ថបទ

ពាក្យគន្លឹះ