សន្តិសុខ - ការពារប្រទេស សន្តិសុខ

07/01/2019 - 14:55

ភូមិបឹងធំ ចំណុចលេចធ្លោនៃការរក្សាសន្តិសុខសណ្តាប់ធ្នាប់

ដើម្បីធានាការរក្សាសន្តិសុខសណ្ដាប់ធ្លាប់លើភូមិសាស្រ្ត នគរបាលភូមិបឹងធំ ឃុំឡុងភូ ស្រុកឡុងភូ ខេត្តសុកត្រាំង តែងធ្វើការបោសសម្អាតឧក្រឹដ្ឋជនគ្រប់ប្រភេទ នាំមកភាពសុខសាន្តជូនប្រជាជន។

បងថាច់ង៉ុក អនុប្រធានគណៈកម្មការប្រជាជននិងជាប្រធាននគរបាលភូមិបឹងធំ ទៅពិនិត្យរគាំងសន្តិសុខសណ្តាប់ធ្នាប់នៅតាមផ្ទះប្រជាជន។

តាមប្រសាសន៍របស់បងថាច់ង៉ុក អនុប្រធានគណៈកម្មការប្រជាជន និងជាប្រធាននគរបាលភូមិបឹងធំ ឲ្យដឹង៖ ទូទាំងភូមិមាន៥៥៧គ្រួសារ ដោយមានចំនួនមនុស្សជាង២.០០០នាក់ ក្នុងនោះ ជនរួមជាតិខ្មែរស្រូបអត្រា៩៣%។ ប្រជាជនរស់នៅដោយផ្អែកលើរបរកសិកម្ម។ តាំងពីដើមឆ្នាំ២០១៨មកដល់បច្ចុប្បន្ន ដោយសារឧក្រឹដ្ឋជនច្រើនតែចុះមកធ្វើសកម្មភាពនៅតំបន់ឆ្ងាយដាច់ស្រយាល ម្ល៉ោះហើយភូមិបឹងធំបានកសាងខ្លោងទ្វារសន្តិសុខសណ្តាប់ធ្នាប់រគាំងសន្តិសុខសណ្តាប់ធ្នាប់។ អាស្រ័យហេតុនោះ ក្នុងភូមិមិនដែលកើតមានករណីលួចរបស់របរអ្វីឡើយ។ បងថាច់វណ្ណី ប្រជាជនភូមិបឹងធំ ឲ្យដឹង៖ " ភូមិដាក់រគាំងសន្តិសុខសណ្តាប់ធ្នាប់ ដូច្នេះគឺប្រសើរណាស់! នៅពេលប្រជាជនប្រទះឃើញមុខសញ្ញាណាដែលគួរឲ្យសង្ស័យ ក៏វាយរគាំងផ្តល់សញ្ញា។ ខណៈនោះ នឹងមានអ្នកឯទៀតរួមគ្នាដេញចាប់។ល។ យើងខ្ញុំគាំទ្រអស់ពីចិត្ត!"។

លោកយឿងថាញ់តង ប្រធាននគរបាលឃុំឡុងភូ ឲ្យដឹង៖ បាបគ្រោះសង្គមទាំងឡាយ ដូចជាមុខសញ្ញាប្រើគ្រឿងញៀនជាដើម នៅពេលគ្មានប្រាក់ចាយក៏ប្រព្រឹត្តិអំពើលួចប្លន់ ប៉ះពាល់ដល់សន្តិសុខសណ្តាប់ធ្នាប់សង្គម។ ព្រោះហេតុនោះ រៀងរាល់ឆ្នាំ ក្នុងការកសាងផែនការធានាសន្តិសុខសណ្តាប់ធ្នាប់ នគរបាលឃុំតែងគួបផ្សំអនុវត្តការបង្ការបង្រ្កាបបាបគ្រោះគ្រឿងញៀន ។ ព្រមជាមួយនោះ សហការជាមួយនឹងរណសិរ្ស អង្គការមហាជន គណៈចង្អុលការចលនា "ទូទាំងប្រជាជនកសាងជនបទថ្មី ទីក្រុងស៊ីវិល័យ" ឃុំកសាងផែនការផ្សព្វផ្សាយ បង្ការបង្រ្កាបបាបគ្រោះសង្គមនៅមណ្ឌលតាំងទីលំនៅ។ល។ ផ្តើមពីនោះ ប្រជាជនគ្រប់រូប និងអង្គការគ្រប់លំដាប់ថ្នាក់ តែងខ្នះខ្នែងចូលរួមបង្ការបង្រ្កាបបាបគ្រោះសង្គមសំដៅកាត់បន្ថយស្ថានភាពលួចប្លន់កើតឡើង។ ក្រៅពីនោះ ឃុំឡុងភូ តែងធ្វើការអប់រំជាប្រចាំ ធ្វើការចុះឈ្មោះមុខសញ្ញាដែលបង្កឲ្យខូចសន្តិសុខសណ្តាប់ធ្នាប់ ដើម្បីធ្វើវិវេចនាចំពោះមុខប្រជាជន និងតាមដានអប់រំដាស់តឿនជាប្រចាំ។ ប្រសិនបើក្នុងភូមិណាមានស្ថានភាពស្មុគ្រស្មាញ នគរបាលឃុំនឹងដំណើរការបើកប្រអប់សំបុត្របរិហារទោសឧក្រឹដ្ឋកម្ម ព្រមទាំងកសាងខ្លោងទ្វារសន្តិសុខសណ្តាប់ធ្នាប់ រគាំងសន្តិសុខសណ្តាប់ធ្នាប់បន្ថែម។

អាស្រ័យការព្រួតដៃ ស្រុះស្រួលមូលមតិរបស់កម្មាភិបាលនិងប្រជាជន ទើបជាច្រើនឆ្នាំមកនេះ ភូមិបឹងធំមិនមានករណីលួចប្លន់នោះឡើយ។ នេះជាលក្ខណសម្បត្តិងាយស្រួល សម្រាប់ប្រជាជនលំនឹងចិត្តពលកម្មផលិត អភិវឌ្ឍសេដ្ឋកិច្ច រួមចំណែកធានាសន្តិសុខសណ្តាប់ធ្នាប់ទូទាំងសង្គមលើភូមិសាស្រ្ត៕

ត្រឿងផល - ថាច់ធី

ចែករំលែកអត្ថបទ

ពាក្យគន្លឹះ