08/05/2018 - 09:45

ពង្រីក​​ប្រ​​សិទ្ធ​​ភាព​​មូល​​​និ​​ធិ​​ឧបត្ថម្ភ​​ក​​សិ​​ក​រ​​

មូល​​និ​​ធិ​​ឧបត្ថម្ភ​​ក​​សិ​​ករ​​ខេត្ត​​ត្រា​​វិញ​ ​​បាន​​បង្ក​ល​ក្ខណៈ​​ងាយ​​ស្រួល​​ជូន​​ក​សិ​ក​​ររាប់​​រយ​​គ្រួ​សារ​ ក្នុង​នោះ ជួយ​គ្រួ​​សារ​កសិ​ករ​ក្រី​ក្រ​មាន​ដើម​ទុន​វិ​និ​យោគ​ពង្រីក​ផលិត​កម្ម​ឈាន​ឡើង​ធ្វើ​មា​​​ន​ធ្វើ​បាន​រួម​ចំ​ណែក​បំ​បាត់​ភាព​អត់​ឃ្លាន​ កាត់​បន្ថយ​ភាព​ក្រី​ក្រ​នៅ​ភូមិ​ភាគ​។

លោក​ង្វៀន​វុាំង​ដូវ​ថែ​ទាំ​គោ​។

អនុ​វត្ត​សេច​ក្តី​សម្រេច​ចិត្តលេខ ​៦៧៣​/QĐ​-TTg ចុះ​ថ្ងៃ​ទី​១០​/៥​/២០​១១ របស់​នា​យក​រដ្ឋ​មន្ត្រី​នៃ​រដ្ឋា​ភិ​បាល​ ស្តី​ពី​ស​មា​គមក​សិ​ករ​វៀត​ណាម​អនុ​វត្ត​ផ្ទាល់​ និង​សហ​ការ​អនុ​វត្ត​កម្ម​វិ​ធី​ គម្រោង​មួយ​ចំ​នួន​ អភិ​វឌ្ឍ​​សេដ្ឋ​កិច្ច​វប្ប​ធម៌​សង្គម​​នៅ​ជន​បទ ដំ​ណាក់​កាល​២០​១១​-២០​២០​។ គិត​ដល់​ថ្ងៃ​៣១​/០១​/​២០១៨ ប្រ​ភព​ទុន​មូល​និ​ធិ​ឧបត្ថម្ភ​ក​សិ​ករ​ ក្នុង​ខេត្ត​ស​រុប​ជាង​១៩,៧​ពាន់​លាន​ដុង​។ ក្នុង​នោះ មាន​ថ​វិ​កា​មជ្ឈិម​ ថ​វិ​កា​ខេត្ត ថ​វិ​កា​ស្រុក និង​ប្រ​ភព​ទុន​របស់​ឃុំ​ចលនា​។ តាម​ការ​វាយ​តម្លៃ​របស់​គណៈ​គ្រប់​គ្រង​សេដ្ឋ​កិច្ច​ក្រោម​ឱ​វាទ​សមា​គម​កសិ​ករ​ខេត្ត ឆ្នាំ​២០១៧ សមា​គម​ក​សិ​ករ​ស្រុក​កាង​ឡុង​ និង​ស្រុក​ថ្កូវ​ពង្រីក​បាន​ប្រ​សិទ្ធ​ភាព​បំ​ផុត​​ពី​ប្រ​ភព​ទុន​មូល​និ​ធិ​ឧបត្ថម្ភ​ក​សិ​ករ​។ ឆ្នាំ​កន្លង​ហើយ ផ្តើម​ពី​មូល​​និ​​ធិ​នេះ ស​មា​គម​ក​សិ​ករ​ខេត្ត​បាន​បង្ក​លក្ខណៈ​ជូន​ស​មា​ជិក​១៨៤​គ្រួ​សារ​បាន​បុល​ទុន​ គិត​ជាទឹ​ក​​ប្រាក់​៣,៩៥០​ពាន់​លាន​ដុង​ ដើម្បី​ផលិត​ស្រូវ​ ដាំ​ស្រ​កា​នាគ​សាច់​ក្រ​ហម​ ក្រូច​ថ្លុង​ ចិញ្ចឹម​គោ និង​ព​ពែ​ជា​ដើម​។ ឯ​ស​មា​គម​​ក​សិ​ករ​ថ្នាក់​ស្រុក​ ក៏​បាន​បង្ក​លក្ខណៈ​ឲ្យ​ស​មា​ជិក​១៦​៤​គ្រួ​សារ​បុល​ទុន​ គិត​ជា​ទឹក​ប្រាក់​២,៦​ពាន់​លាន​ដុង​ដើម្បី​វិ​និ​យោគ​ទុន​លើ​ទម្រង់​រូប​ភាព​ដាំ​ដំ​ណាំ​រួម​ផ្សំ​ ដំ​ណាំ​ឈើ​​ហូប​ផ្លែ​មាន​ក្លែប​ និង​ចិញ្ចឹម​ប​សុ​សត្វ​ជា​ដើម​ ។

លោក​ង្វៀន​វុាំង​ដូវ ជា​គ្រួ​សារ​ជួញ​ដូរ​គោ​ពូជ នៅ​ភូមិ​តា​សឹក​ ឃុំ​ឡុង​ហ៊ីប​ ស្រុក​ថ្កូវ​គឺ​ជា​គ្រួ​សារ​មួយ​ក្នុង​ចំណោម​គ្រួ​សារ​ក​សិ​ករ​ រក​ស៊ី​មាន​បាន​ផ្តើម​ពី​បុល​ទុន​មូលនិ​ធិ​ឧបត្ថម្ភ​កសិ​ករ​។ លោក​ង្វៀន​វុាំង​ដូវ​ ឲ្យ​ដឹង​៖ “ពី​មុន​ គ្រួ​សារ​ខ្ញុំ​បាន​សមា​គម​ក​សិ​ករ​ស្រុក​ថ្កូវ​ បង្ក​លក្ខណៈ​ឲ្យ​បុល​ទុន​លើក​ដំបូង​២០​លាន​ដុង​ ពី​មូល​និ​ធិ​ឧបត្ថម្ភ​ក​សិ​ករ​ដើម្បី​វិ​និ​យោគ​ទុន​​ទិញ​គោ​ពូជ​មក​ចិញ្ចឹម​។ ក្រោយ​មក​ ខ្ញុំ​បង្វែរ​មក​ជួញ​ដូរ​គោ​ រួច​បុល​បន្ថែម​៥​០​លាន​ដុង​។ អា​ស្រ័យ​ប្រិត​សំ​ចៃ​បាន​ដើម​ទុន​ ការ​ជួញ​ដូរ​​របស់​គ្រួ​សារ​ខ្ញុំ​ ពី​មួយ​ថ្ងៃ​ទៅ​មួយ​ថ្ងៃ​កាន់​តែ​ពង្រីក​បន្ថែម​។ ឆ្នាំ​២០១៧ ខ្ញុំ​ចុះ​កិច្ច​សន្យា​ជា​មួយ​នឹង​គម្រោង​ទាំង​ឡាយ​នៅ​ខេត្ត​ ក្រុង​នា​នា​ លក់​គោ​ពូជ​បាន​២.១០០​ក្បាល ក្រោយ​ពី​ទូ​ទាត់​រួច​ស្រេច​នៅ​ចំ​ណេញ​បាន​មធ្យម​ភាគ​​ពី៤០០​-៥០០​ពាន់​ដុង​/ក្បាល​។ បច្ចុ​ប្បន្ន គ្រួ​សារ​ខ្ញុំ​កំ​ពុង​បន្ធាត់​គោ​ពូជ​ប្រ​មាណ​៣៥០​ក្បាល និង​ពង្រីក​ការ​ជួញ​ដូរ​គោ​ជា​បន្ត​”។ ម្យ៉ាង​ទៀត​ទន្ទឹម​នឹង​ពង្រីក​សេដ្ឋ​កិច្ច​គ្រួ​សារ​ លោក​ង្វៀន​វុាំង​ដូវ ថែម​ទាំង​បង្ក​លក្ខណៈ​ជូន​ពល​ករ​ជន​បទ​៤​នាក់​ មាន​ការ​ងារ​ធ្វើ​លំ​នឹង​ជាច្រើន​ឆ្នាំ​កន្លង រក​បាន​ប្រាក់​ចំ​ណូល​មធ្យម​ភាគ​៤,៥​លាន​ដុង​/ម្នាក់​/​ខែ​។

តាម​ប្រ​សាសន៍​លោក​ង្វៀន​វុាំង​ចៀង អនុ​ប្រ​ធាន​ស​មា​គម​ក​សិ​ករ​ខេត្ត​ប្រ​ធាន​គណៈ​បញ្ជា​ការ​មូល​និធិ​ឧបត្ថម្ភ​ក​សិ​ករ​ខេត្ត​ ឲ្យ​ដឹង​៖ ឆ្នាំ​២០១៧ គណៈ​បញ្ជា​ការ​មូល​និ​ធិ​ឧបត្ថម្ភ​​ក​សិ​ករ​ ប្រ​មូល​ដើម​ទុន​មក​វិញ​បាន​ចំ​នួន​៩គម្រោង​ពី​មា​មីង​ដែល​បុល​ចំ​នួន​១៦៣​គ្រួ​សារ គិត​ជា​ទឹក​ប្រាក់​៣,៦​ពាន់​លានដុង​។ ស​រុប​បំ​ណុល​បុល​ដល់​ចុង​ឆ្នាំ​២០១៧ អា​​ស្រ័យ​ស​មា​គម​ក​សិ​ករ​ខេត្ត​គ្រប់​គ្រង​ចំ​នួន​៣០​គម្រោង​គិត​ជា​ទឹក​ប្រាក់​១១,១​៥០​ពាន់​​លាន​ដុង​ វិ​និ​យោគ​ទុន​ជូន​ស​មា​ជិក​៤៩៣​នាក់ បុល​ទុន​ផលិត​កម្ម​និង​ចិញ្ចឹម​សត្វ​ធាតុ​៕

                         សុើង​ម៉ា​ល័យ​-វិ​មាន

ចែករំលែកអត្ថបទ