គោលនយោបាយ -ការរស់នៅ គោលនយោបាយ

03/04/2018 - 14:49

ម៉ីស្វៀងនាបច្ចុប្បន្ន

អាស្រ័យដោយបានរដ្ឋអនុវត្តគោលនយោបាយជាច្រើន គិតគូរជូនជនរួមជាតិភាគតិច ពិសេសគឺកម្មវិធីទិសដៅជាតិអំពីការកសាងជនបទថ្មី ម៉្លោះហើយជីវភាពរបស់ជនរួមខ្មែរនៅស្រុកម៉ីស្វៀង ខេត្តសុកត្រាំង ពីមួយថ្ងៃទៅមួយថ្ងៃកាន់តែមានភាពប្រសើរឡើង។

ទម្រង់ដាំបន្លែបាញចំហាយទឹកដោយស្វាយប្រវត្តិត្រូវបានប្រជាជនស្រុកម៉ីស្វៀង
អនុវត្តប្រកបដោយប្រសិទ្ធភាព។

យោងតាមគណៈចង្អុលការកសាងជនបទថ្មីរបស់ស្រុកម៉ីស្វៀង ឲ្យដឹង៖ ស្រុកប្រមូលបានទឹកប្រាក់ជាង២៨៨ពាន់លានដុង ក្នុងនោះ ទុនបានមកពីកម្មវិធីទិសដៅជាតិដើម្បីកសាងជនបទថ្មីស្រូបអត្រា៨,៧៥%។ ដើមទុនរួមបញ្ចូលស្រូប៥២,៥៥% ទុនឥណទាន៣៧,៧៩% ទុនរួមវិភាគទានរបស់សហគមន៍គឺ១,២%។ មកទល់នឹងពេលនេះ ទូទាំងស្រុកមានឃុំចំនួន៧ សម្រេចបទដ្ឋានជាតិ មានដូច៖ ឃុំង៉ុកទូ យ៉ាហ្វា១ យ៉ាហ្វា២ ហ្វាទូ១ ហ្វាទូ២ ដាយតឹម ង៉ុកដុង។ ឃុំចំនួនពីរសម្រេចបាន១៧លក្ខឋាន គឺឃុំថាមដូង និងថាញ់ភូ និងមានឃុំមួយសម្រេច១៦លក្ខឋានគឺថាញ់ក្វើយ។ ផ្តើមពីប្រភពទុននោះ ស្រុកម៉ីស្វៀង កសាងបានសំណង់ជាច្រើនដូចជា៖ គមនាគមន៍ជនបទប្រព័ន្ធធារាសាស្រ្ត មូលដ្ឋានវប្បធម៌ សុខាភិបាល សាលារៀន។ល។ ក្រៅពីនេះ អង្គការមហាជនជាច្រើន ថែមទាំងបានកសាងទម្រង់រូបភាពប្រកបដោយប្រសិទ្ធភាពជាច្រើនដូចជា៖ ទម្រង់រូបភាពវាលស្រែគំរូធំ ផលិតស្រូវក្រអូប ST ដាយថើម៨ បន្លែជ្រះ ចិញ្ចឹមគោទឹកដោះ គោសាច់ នៅឃុំដាយតឹមនិងថាមដូង ចិញ្ចឹមបង្គានាគ និងបង្គាជើង-ស នៅឃុំយ៉ាហ្វា២ ហ្វាទូ១ ហ្វាទូ២។ល។ ផ្តើមពីនោះ ប្រាក់ចំណូលរបស់ប្រជាជនពីមួយថ្ងៃទៅមួយថ្ងៃកាន់តែកើនឡើង។ ប្រាក់ចំណូលជាមធ្យមភាគក្នុងមនុស្សម្នាក់សម្រេចជាង៣៨,៩លានដុងក្នុងមួយឆ្នាំ។ ឆ្នាំ២០១៧ អត្រាគ្រួសារក្រីក្រកាត់បន្ថយបាន៣,៨%។ លោកថាច់សេីុងញ៉ាញ់ អនុប្រធានគណៈជនជាតិស្រុកម៉ីស្វៀង បានឲ្យដឹង៖ “អាស្រ័យដោយមានទុនវិនិយោគពីគោលនយោបាយនានា ទើបប្រជាជនមានលក្ខណៈសម្បត្តិអភិវឌ្ឍន៍ផលិតកម្មសម្រេចប្រសិទ្ធភាពសេដ្ឋកិច្ចខ្ពស់” ។

តាមលោក ឡេមិញតាន ប្រធានគណៈកម្មាធិការប្រជាជនឃុំថាមដូង ឲ្យដឹង៖ ឃុំថាមដូងមានជនរួមជាតិខ្មែររស់នៅជាង៧៥%។ ខណៈពេលកសាងជនបទថ្មី ប្រជាជនបានម្ចាស់ការអភិវឌ្ឍទម្រង់ផលិតកម្មតាមទិសដៅទំនើបៗ។ ផ្តើមពីនោះ ស្រូវក៏សម្រេចទិន្នផលខ្ពស់ មានគុណភាពហើយចំណេញក៏ខ្ពស់ផងដែរ។ ក្រៅពីនោះ មាមីងថែមទាំងអភិវឌ្ឍទម្រង់ចិញ្ចឹមគោទឹកដោះ គោបង្កាត់សីន ដាំដំណាំ។ល។ ទើបជីវភាពរបស់ប្រជាជនបានលើកស្ទួយយ៉ាងច្បាស់ក្រឡែត។ អត្រាគ្រួសារក្រីក្របានថយចុះ គ្រួសារមានបានកាន់តែកើនឡើង។ ទន្ទឹមនឹងការប្រើប្រាស់ដើមទុនវិនិយោគរបស់រដ្ឋ សម្រាប់ជនរួមជាតិខ្មែរ មាមីងបានស្ម័គ្រចិត្តបរិច្ចាគដី និងដំណាំ ដើម្បីកសាងសាលាមត្តេយ្យផ្លូវជនបទ អាគារវប្បធម៌ ជីកស្តារព្រែកប្រឡាយ។ ដោយការព្រួតដៃនិងការរួមចំណែកពីសំណាក់ប្រជាជន ទើបឃុំថាមដូងកសាងសម្រេចបាន១៧/១៩ លក្ខឋានជនបទថ្មីដូចបច្ចុប្បន្ន៕

ត្រឿងផល - វ៉ាន់តឹន

ចែករំលែកអត្ថបទ

ពាក្យគន្លឹះ