វប្បធម៌-សិល្បៈ វប្បធម៌

15/02/2018 - 10:19

ចំណាប់អារម្មណ៍ទូក-ងនារី

ទូក-ងនារីវត្តអូរជុំ (អារាមព្រែកចេក) ឃុំវិញក្វើយ ទីរួមខេត្តង៉ាណាំ ខេត្តសុកត្រាំង ទទួលបានជ័យលាភីជាច្រើន នៅរាល់ពិធីប្រកួតដណ្តើមពានរង្វាន់។

ទូក-ងវត្តអូរជុំ (អារាមព្រែកចេក) កំពុងផ្លោះទៅមុខទូកដៃគូ។

ព្រះតេជព្រះគុណសេីុងភឿកឡើយ ព្រះចៅអធិការវត្តអូរជុំអារាមព្រែកចេក មានថេរដីកា៖ “ដោយបានការចាប់អារម្មណ៍ពីភូមិភាគនិងសប្បុរសជនជិតឆ្ងាយជំនួយថវិកាសម្រាប់ការហាត់សម និងចូលរួមប្រកួតម្តងៗ ជំរុញកម្លាំងចិត្តក្រុមកីឡាការិនីខំប្រឹងហាត់សមស្វិតស្វាញ ផ្តើមពីនោះ នៅរាល់លើកប្រកួតដណ្តើមពានរង្វាន់ទូក-ងនារីតែងសម្រេចបានលទ្ធផលគួរឲ្យស្ងើចសរសើរ តួយ៉ាង៖ ទទួលបានជ័យលាភីលេខ១ នៅក្នុងពិធីប្រណាំងទូក-ងតំបន់វាលរាបទន្លេគឺវឡុងឆ្នាំ២០១៧ រៀបចំនៅខេត្តសុកត្រាំង។ បន្ទាប់ពីនោះ ក្រុមបានខេត្តជ្រើសចូលរួមប្រកួតនៅទិវាបុណ្យវប្បធម៌ កីឡា និងទេសចរណ៍ខ្មែរណាមបូ ឆ្នាំ២០១៧ ដែលរៀបចំឡើងនៅខេត្តបាកលីវ ក្រុមទទួលបានជ័យលាភីលេខ៣”។ កីឡាការិនីហ្វិញធីណេ អ្នករាំក្បាលទូក-ងវត្តអូរជុំ (អារាមព្រែកចេក) ឲ្យដឹង៖ “បើប្រៀបនឹងទូក-ងផ្សេងៗ ក្នុងតំបន់ទូក-ង យើងខ្ញុំនៅមានភាពថ្មីថ្មោង។ ថ្វីបើដូច្នេះក្តី ដោយការស្រឡាញ់ចូលចិត្តវិញ្ញាសាកីឡាប្រពៃណី ទើបក្រុមយើងខ្ញុំខំប្រឹងហាត់សមយ៉ាងស្វិតស្វាញ ដោយស្មារតីប្តេជ្ញាខ្ពស់ ដើម្បីនាំមកនូវលទ្ធផលល្អនិងកិត្តិយសជូនវត្តអារាមភូមិភាគនិងអ្នកគាំទ្រ”។

បងសេីុងធា នៅឃុំចូវហឹង ស្រុកថាញ់ទ្រី ឲ្យដឹង៖ “ឆ្នាំណាក៏ខ្ញុំទៅសុកត្រាំងមើលប្រណាំងទូកដែរ។ ខ្ញុំយល់ឃើញថា វិញ្ញាសាកីឡាប្រណាំងទូក-ង ទាក់ទាញអារម្មណ៍មាមីងក្នុងនិងក្រៅខេត្តចូលរួមទស្សនាយ៉ាងកុះករ។ ខ្ញុំរំភើបចិត្តណាស់ ពីព្រោះទូក-ងនារីទទួលបានជ័យលាភីលេខ១ នាំមកកិត្តិយសជូនទីរួមខេត្តង៉ាណាំ”។ តាមប្រសាសន៍របស់បងស្រីណេ កីឡាការិនីទាំងអស់សុទ្ធតែជាអ្នកពលកម្ម សំខាន់ក្នុងគ្រួសារបងប្អូននារីមួយចំនួនមានកូនតូច ប៉ុន្តែដោយការស្រឡាញ់ចូលចិត្តវិញ្ញាសាកីឡាប្រពៃណី បានជាបងប្អូននារីរៀបចំការងារផ្ទះស្រួលបួលចូលរួមហាត់សមគ្មានចោលមួយពេល។ កីឡាការិនីឡឹមធីស៊ីណេត សមាជិកក្រុមកីឡាការិនីទូក-ងវត្តអូរជុំ (អារាមព្រែកចេក) ឲ្យដឹង៖“មុននឹងទៅហាត់សមម្តងៗ ខ្ញុំរៀបចំផ្ទះសម្បែងត្រឹមត្រូវឲ្យកូនៗហូបចុករួចស្រេច។ ពីព្រោះខ្ញុំឃើញថាកាលបើហាត់អុំស៊ីចង្វាក់គ្នា ទើបទូកមានសន្ទុះលឿនលយ។ ដូច្នេះហើយ ទោះបីមានការរវល់យ៉ាងណាក៏ដោយ ក៏ខ្ញុំរៀបចំការងារឲ្យបានស្រួលបួលដើម្បីចូលរួមហាត់សម។ វិសេស ក្នុងគ្រួសារខ្ញុំចូលចិត្តវិញ្ញាសាកីឡាប្រណាំងទូក-ងគ្រប់គ្នា ម៉្លោះហើយតែងផ្តល់ជាកម្លាំងចិត្តដល់ខ្ញុំ។ មុននឹងទៅប្រកួត ប្តីខ្ញុំផ្តែផ្តាំគប្បីអុំឲ្យបានស៊ីចង្វាក់បញ្ចេញកម្លាំងរួមគ្នា ទើបសម្រេចលទ្ធផលល្អ”។

បច្ចុប្បន្ន ខេត្តសុកត្រាំងមានទូក-ង នារីប្រមាណ១០ទូកចូលរួមប្រកួតជារៀងរាល់ឆ្នាំនៅថ្ងៃបុណ្យអកអំបុកប្រពៃណីជនរួមជាតិខ្មែរ។ ភាពរីកចម្រើនរបស់ទូក-ងនារីលាយឡំនឹងទូក-ងប្រុស រួមចំណែកញាុំងឲ្យបរិយាកាសប្រណាំងទូក-ងកាន់តែមានភាពទាក់ទាញនិងពុះពោរ៕

ត្រឿងផល-មុនី

ចែករំលែកអត្ថបទ

ពាក្យគន្លឹះ