គោលនយោបាយ -ការរស់នៅ គោលនយោបាយ

23/01/2018 - 10:27

គិតគូរដល់ជនជាតិភាគតិច

ស្រុកម៉ីទូ ខេត្តសុកត្រាំង ផ្តុំកម្លាំងអនុវត្តបានល្អនូវការផ្សព្វផ្សាយកម្មវិធី គម្រោងវិនិយោគទុនដោយឡែកសម្រាប់តំបន់លំបាកពិសេស តំបន់ជនជាតិភាគតិចរស់នៅកុះករ។ ផ្តើមពីនោះ ជីវភាពសម្ភារៈ និងស្មារតីរបស់ជនរួមជាតិខ្មែរត្រូវបានលើកស្ទួយ។

បងស្រីសេីុងធីង៉ុកម៉ាយ នៅភូមិដៃដូនអ៊ុយ ឃុំភូម៉ី កំពុងថែទាំគោ។

ប្រធានការិយាល័យជនជាតិស្រុកម៉ីទូ ឲ្យដឹង៖ “បច្ចុប្បន្ន ស្រុកម៉ីទូ មានឃុំ ទីប្រជុំជនចំនួន៩ និងភូមិចំនួន៨៣ ក្នុងនោះឃុំដែលមានជនរួមជាតិខ្មែររស់នៅកុះករចំនួន៣ គឺ៖ ភូម៉ី ធ្វឹងហឹង និងម៉ីធ្វឹង។ ឃុំទាំងនេះត្រូវបានរៀបចំណាត់ថ្នាក់ជាឃុំលំបាកពិសេស(ឃុំតំបន់III) និងភូមិលំបាក ពិសេសចំនួន២០ ចំណុះឃុំទីប្រជុំជនចំនួន៥។ អនុវត្តសេចក្តីសម្រេចចិត្តលេខ ២០៨៥/QĐ-TTg ចុះថ្ងៃ៣១/១០/២០១៦ របស់នាយករដ្ឋមន្ត្រីនៃរដ្ឋាភិបាល ស្តីពីគោលនយោបាយដោយឡែក ឧបត្ថម្ភអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល២០១៧-២០២០ ស្រុកឧបត្ថម្ភបាន៣.៨៣០គ្រួសារ ដែលមានតម្រូវការជំនួយដីសង់ផ្ទះ ទុនពង្រីកការផលិតនិងផ្លាស់ប្តូររបរជាដើម។ ក្នុងនោះ ឧបត្ថម្ភដីសង់ផ្ទះជូនគ្រួសារប្រជាជនចំនួន២៧៩ ដោយមានមនុស្ស១.០២២នាក់ និងផ្ទៃដី១៣.៩៥០ម២ ដោយថវិកាជាង១១ពាន់លានដុង; ឧបត្ថម្ភផ្លាស់ប្តូររបរបាន២.៦០៤គ្រួសារ គិតជាទឹកប្រាក់សរុបជាង១៣ពាន់លានដុង; ឧបត្ថម្ភទឹកស្អាតប្រើប្រាស់ដល់៩៤៧គ្រួសារ គិតជាទឹកប្រាក់សរុបជាង១ពាន់លានដុង”។ បងលីណារិន្ទ នៅភូមិបឹងកក់ ឃុំភូម៉ី ស្រុកម៉ីទូ ឲ្យដឹង៖ “អាស្រ័យបានរដ្ឋជំនួយសង់ផ្ទះ និងពិនិត្យជ្រើសឲ្យគ្រួសារខ្ញុំបុលទុនអនុគ្រោះបាន៣០លានដុង ពីធនាគារគោលនយោបាយសង្គមស្រុក ដើម្បីជួលដីស្រែ២៥កុងសម្រាប់បង្កបង្កើនផល និងទិញគោបង្កាត់ ស៊ីន២ក្បាលមកចិញ្ចឹម។ មកទល់ពេលនេះ ខ្ញុំពង្រីកហ្វូងគោឡើងដល់៥ក្បាល។ អាស្រ័យប្រភពទុនឧបត្ថម្ភរបស់រដ្ឋ ម្ល៉ោះហើយគ្រួសារខ្ញុំបានចាកផុតពីភាពក្រីក្រ ជីវភាពបានលំនឹង”។ ចំណែកបងស្រីសេីុងធីង៉ុកម៉ាយ នៅភូមិដៃដូនអ៊ុយ ឃុំភូម៉ី ស្រុកម៉ីទូ ឲ្យដឹង៖ “គ្រួសារខ្ញុំបុលទុនពីធនាគារគោលនយោបាយសង្គមស្រុកបាន៣០លានដុង ខ្ញុំទិញគោ២ក្បាលមកចិញ្ចឹម។ រីឯកូនៗរបស់ខ្ញុំបានរៀនវគ្គបណ្តុះបណ្តាលវិជ្ជាជីវៈ ម្ល៉ោះហើយមានការងារធ្វើលំនឹង។ គ្រួសារខ្ញុំបានចាកផុតពីភាពក្រីក្រ”។

លោកឡឹមមេរិន្ទ ឲ្យដឹងបន្ថែម៖ “រយៈកាលកន្លង ការិយាល័យជនជាតិធ្វើសេនាធិការជូនគណៈកម្មាធិការបក្ស គណៈកម្មាធិការប្រជាជនស្រុកបានទាន់ពេល ដើម្បីគិតគូរជីវភាពជូនជនជាតិភាគតិច។ ឆ្លងតាមរយៈគោលនយោបាយជនជាតិ កម្មវិធីសុខុមាលភាពសង្គម កម្មវិធីទិសដៅជាតិកាត់បន្ថយភាពក្រីក្រ ម្ល៉ោះហើយគ្រួសារជាច្រើនបានចាកផុតពីភាពក្រីក្រដោយចីរភាព ជីវភាពមានភាពធូរធារគ្រាន់បេី”៕

ត្រឿងផល-វិមាន

ចែករំលែកអត្ថបទ

ពាក្យគន្លឹះ