គោលនយោបាយ -ការរស់នៅ ការរស់នៅ

03/05/2017 - 15:48

ជួយប្រជាជនចាកផុតពីភាពក្រីក្រ

"អាស្រ័យបង្វែររចនាសម្ព័ន្ធសេដ្ឋកិច្ចមានប្រសិទ្ធភាព ម៉្លោះហើយចំនួនគ្រួសារក្រីក្រនៅភូមិបាយ៉ាមA ឃុំដូងស្វឹង ស្រុកយ្វៀងហាយ ខេត្តត្រាវិញ បានកាត់បន្ថយគួរឲ្យកត់សម្គាល់។ សម្រេចបានលទ្ធផលដូច្នេះ គឺអាស្រ័យការរួមចំណែករបស់សមមិត្តថាច់ង៉ុកភឿង លេខាសាខាបក្ស និងជាប្រធានភូមិផងដែរ" សមមិត្តង្វៀនវុាំងខាញ់ អនុប្រធានគណៈកម្មាធិការប្រជាជនឃុំដូងស្វឹងបានឲ្យដឹងដូច្នោះ។

ពូភឿងចែករំលែកបទពិសោធន៍ការរកស៊ីជូនកសិករពីររូប នៅភូមិភាគ។

ក្រោយពីសម្រេចភារកិច្ចយោធានៅអង្គភាពមួយ នៃកងទ័ពស្ម័គ្រចិត្តវៀតណាម-កម្ពុជាដល់ឆ្នាំ១៩៨៦ ថាច់ង៉ុកភឿងធ្វើជាប្រធានគណៈបញ្ជាការយោធាឃុំដូងស្វឹង។ រហូតដល់ឆ្នាំ២០០៦ ពូបានបក្ខជនក្នុងសាខាបក្ស និងប្រជាជនទុកចិត្តបោះឆ្នោតធ្វើជាលេខាសាខាបក្សនិងជាប្រធានភូមិបាយ៉ាមមកទល់សព្វថ្ងៃ។ ជាភូមិលំបាកពិសេសបាយ៉ាមA មានគ្រួសារជនរួមជាតិខ្មែរដល់ទៅ៩៧,៧២% និងមានគ្រួសារក្រីក្រចំនួន១១៨។ ប្រធានភូមិថាច់ង៉ុកភឿង តែងបារម្ភចំពោះភាពក្រីក្ររបស់មាមីងខ្លាំងណាស់។ អាស្រ័យហេតុនោះ ពូតែងខ្នះខ្នែងជួយប្រជាជនអភិវឌ្ឍសេដ្ឋកិច្ចគ្រួសារ ដូចជា៖ ជួយប្រជាជនបានបុលទុន ចលនាប្រជាជនបរិច្ចាគដីជួយកម្លាំងពលកម្មជីកប្រឡាយវាលស្រែ ស្នើថ្នាក់លើ សង់ផ្ទះមេត្តាធម៌ជូនគ្រួសារក្រីក្រលំបាកពិសេស។ល។ មកទល់បច្ចុប្បន្នពូចលនាប្រជាជនបរិច្ចាគដីនិងទឹកប្រាក់៧០លានដុង សម្រាប់ស្តារប្រឡាយវាលស្រែប្រវែង២.០០០ម៉ែត្រ ដោយយន្តកម្មនៅភូមិសាស្រ្ត ដើម្បីបម្រើការស្រោចស្រពដល់ផលិតកសិកម្ម។ ប៉ុន្តែអាស្រ័យតំបន់ដីទួលខ្ពស់ ចាប់ជាតិជូរកសិករទម្លាប់ធ្វើស្រែតែ១រដូវក្នុងមួយឆ្នាំ ម៉្លោះហើយជីវភាពនៅជួបការលំបាក។ ឆ្នាំ២០១៦ ថាច់ង៉ុកភឿងចាប់ផ្តើមចលនាប្រជាជនបង្វែរមកដាំដំណាំ។ ពូក៏បានទៅទស្សនាទម្រង់រូបភាពដាំពោត ម្រះ ម្ទេស ននោង។ល។ នៅតាមឃុំជិតខាង ក្រោយមកក៏ឧទ្ទេសនាមជូនប្រជាជនក្នុងភូមិទៅរៀនសូត្ររបៀបដាំ និងថែទាំដំណាំ ។ ពូថាច់ង៉ុកភឿង ឲ្យដឹង៖ "យើងគប្បីចលនាមាមីងបង្វែរមកដាំដំណាំ ផ្គួបផ្សំនឹងការចិញ្ចឹមសត្វ។ ផ្តើមពីនោះ ក៏បង្កលក្ខណៈឲ្យមាមីងមានការងារធ្វើលំនឹងទើបសង្ឃឹមនឹងបានចាកផុតពីភាពក្រីក្រ"។ ដោយការគិតឃើញដូច្នេះ ពូតែងទៅជួបសំណេះសំណាលស្វែងយល់ពីជីវភាពរាល់គ្រួសារ បង្កើតបញ្ជីគ្រួសារក្រីក្រដើម្បីរកវិធីជំនួយ។

បងយឿងសំណាងជាកសិករមួយរូបក្នុងចំណោមកសិករដែលបានចាកផុតពីភាពក្រីក្រនៅភូមិភាគឲ្យដឹងដោយក្តីរីករាយ៖ "លេខាសាខាបក្ស ថាច់ង៉ុកភឿង បានធានាឲ្យខ្ញុំបុលទុន១៥លានដុង និងបានចូលរួមវគ្គហ្វឹកហាត់ពីបច្ចេកទេសដាំដុះ ចិញ្ចឹមសត្វ។ ពូភឿងនៅទាំងឧស្សាហ៍ចុះទៅលើកទឹកចិត្ត ណែនាំរបៀបចិញ្ចឹមសត្វថែទាំដំណាំ។ អាស្រ័យហេតុនោះ គ្រួសារខ្ញុំបានសងប្រាក់ធនាគាររួចស្រេច ហើយសន្សែសន្សំប្រាក់មួយចំនួនសម្រាប់ជួលដីដាំម្ទេស តែសព្វថ្ងៃគ្រួសារខ្ញុំបានចាកផុតពីភាពក្រីក្រ"៕

សើុងម៉ាល័យ-សុផល

ចែករំលែកអត្ថបទ

ពាក្យគន្លឹះ