មហាសាមគ្គីជនជាតិ គំរូក្នុងសហគមន៍

14/12/2015 - 15:36

អតីតយុទ្ធជនពន្លត់អគ្គិភ័យក្លាហាន

មុននេះ៣០ឆ្នាំ លោកអ៊ំសេីុងចិត្ត ជាយុទ្ធជនពន្លត់អគ្គិភ័យក្លាហានមួយរូប ធ្លាប់បានបង្កើតស្នាដៃជាច្រើន ហើយត្រូវបានប្រជាជនគោរពរាប់អាន។ បច្ចុប្បន្ន លោកអ៊ំសេីុងចិត្ត ជាអ្នកមានប្រជាប្រិយភាពក្នុងជនរួម ជាតិខ្មែរនៅខ័ណ្ឌនិញកេវ ក្រុងកឹងធើ ។

លោកអ៊ំចិត្តជាមួយនិងមួកអនុស្សាវរីយ៍។

គ្រួសារលោកអ៊ំសេីុងចិត្ត ជាគ្រួសារវប្បធម៌គ្រួសារសង្វាត់រៀនសូត្រ និងជាគ្រួសារគំរូឆ្នើមរបស់សង្កាត់កាយខេ ខ័ណ្ឌនិញកេវ ក្រុងកឹងធើ។ លោកអ៊ំសេីុងចិត្ត មានកូន៩នាក់ កូនៗទាំងអស់សុទ្ធតែបានរៀនចប់ចុង ចប់ដើម ខ្លះធ្វើជាវេជ្ជបិណ្ឌត ខ្លះគ្រូបង្រៀន ខ្លះជាយោធិន។ ចៅៗរបស់លោកអ៊ំក៏ជាសិស្សសម្រេចបានស្នាដៃជាច្រើនក្នុងការរៀនសូត្រ។ ទោះបីលោកអ៊ំមានអាយុ៧០ឆ្នាំប្លាយក៏ដោយ ប៉ុន្តែលោកអ៊ំនៅតែមានសុខភាពមាំមួន បញ្ញាវាងវៃ។ រំលឹកអំពីដំណាក់កាល លោកអ៊ំជាយុទ្ធជនពន្លត់អគ្គិភ័យនៃការិយាល័យភស្តុភារចំណុះយោធភូមិភាគ៩ លោកអ៊ំ រៀបរាប់ៈ "ដំបូងខ្ញុំជាយុទ្ធជនបើករថយន្តរបស់យោធភូមិភាគ ទទួលបន្ទុកបើកបរថយន្តធុនធ្ងន់។ ពេលនោះ ក្នុងចំណោមរថយន្តរបស់ការិ យាល័យភស្តុភារ មានរថយន្តពន្លត់អគ្គិភ័យមួយគ្រឿងដ៏ធំសម្បើម កង ទ័ពយើងដកហូតបានពីរបបចាស់។ នេះជាប្រភេទរថយន្តពន្លត់អគ្គិភ័យ តម្កល់ទឹកបាន២០ពាន់លិត្រសម្រាប់ពន្លត់អគ្គិភ័យនៅព្រលានយន្តហោះ ឃ្លាំងគ្រាប់ត្រាណុក ជារថយន្តពន្លត់អគ្គិភ័យធំបំផុត ទំនើបបំផុតនៅភាគខាងត្បូងគ្រានោះ"។

លោកអ៊ំចិត្ត រៀបរាប់អំពីការពន្លត់អគ្គិភ័យឆេះខ្លាំងបំផុតដែលលោក អ៊ំចូលរួមពន្លត់ដោយផ្ទាល់គឺសុទ្ធតែជាករណីភ្លើងឆេះខ្លាំងដែលកងកម្លាំងពន្លត់អគ្គិភ័យភូមិភាគ ត្រូវពឹងដល់កងកម្លាំងពន្លត់អគ្គិភ័យយោធភូមិភាគជំនួយកម្លាំង។ កន្លែងកើតហេតុពន្លត់អគ្គិភ័យ គឺមានវត្ថុធាតុងាយឆេះឆាប់អាចបណ្តាលផ្ទុះ ម្ល៉ោះហើយការងារពន្លត់អគ្គិភ័យមាន គ្រោះថ្នាក់យ៉ាងខ្លាំង។ មានគ្រាមួយនោះ លោកអ៊ំចិត្តកំពុងសម្រាកព្យាបាលជំងឺ ប៉ុន្តែឮដំណឹងភ្លើងឆេះ លោកអ៊ំវិលត្រឡប់ទៅកាន់អង្គភាពជាបន្ទាន់ ប្រកៀកស្មាជាមួយនឹងមិត្តរួមកង ពីព្រោះលោកអ៊ំជាប្រធានកង ហើយមានតែលោកអ៊ំទេជាអ្នកស្ទាត់ជំនាញបំផុតក្នុងការបើកបរថយន្ត ពន្លត់អគ្គិភ័យដ៏ទំនើបនោះ។ តាមប្រសាសន៍លោកអ៊ំចិត្ត សមរភូមិ ពន្លត់អគ្គិភ័យដែលលោកអ៊ំចាំជានិច្ចនោះគឺ ភ្លើងឆេះផ្សារកឹងធើ។ អាស្រ័យដោយរថយន្តពន្លត់អគ្គិភ័យមកទាន់ពេល ម្ល៉ោះហើយភ្លើងត្រូវបានទប់ស្កាត់មិនឲ្យឆេះរាលដាលសង្រ្គោះបានស្រ្តី និងកុមារនិងឃ្លាំងស្តុកទំនិញដ៏មានតម្លៃជាច្រើន។

ក្រោយរយៈកាលជាច្រើនឆ្នាំ ប្រឈមមុខនិងការពន្លត់អគ្គិភ័យសង្រ្គោះ អាយុជីវិតមនុស្ស ទ្រព្យសម្បត្តិជូនប្រជាជន លោកអ៊ំចិត្ត ចូលនិវត្តន៍ ដោយទទួលបានប័ណ្ណសរសើរមេដាយជាច្រើនហើយត្រូវបានអង្គភាពរង្វាន់មួយចំណែកដែលប្រកបដោយអត្ថន័យ គឺមួកការពារនិងរបាំងមុខបង្ការផ្សែងពុលដែលប្រឈមមុខជាមួយនឹងលោកអ៊ំច្រើនឆ្នាំកន្លង ៕

ថាច់ថាញ់ភូ-សឺនម៉ាល័យ

ចែករំលែកអត្ថបទ

ពាក្យគន្លឹះ