គោលនយោបាយ -ការរស់នៅ គោលនយោបាយ

17/09/2026 - 18:42

ពង្រីកប្រសិទ្ធភាពប្រភពទុនអនុគ្រោះក្នុងតំបន់ជនរួមជាតិខ្មែរ

ច្បាមទិសដៅអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច ការនាំយកប្រភពទុនអនុគ្រោះដល់ដៃប្រជាជន តែងបានរដ្ឋអំណាចគ្រប់លំដាប់ថ្នាក់និងធនាគារគោលនយោបាយសង្គមយកចិត្តទុកដាក់ពិសេស។ ភាពជាក់ស្តែងបានបង្ហាញឱ្យឃើញថា ប្រភពទុននេះកំពុងពង្រីកប្រសិទ្ធភាពយ៉ាងច្បាស់ក្នុងតំបន់ជនរួមជាតិខ្មែរ បើកឱកាសឱ្យគ្រួសារនិងមូលដ្ឋានអាជីវកម្មជាច្រើនមានប្រភពធនធានបន្ថែមក្នុងការវិនិយោគផលិត បង្កការងារធ្វើ បង្កើនប្រាក់ចំណូល។

សាខាការិយាល័យប្រតិបត្តិការធនាគារគោលនយោបាយសង្គមភូតឹម បច្ចុប្បន្នកំពុងទទួលបន្ទុកភូមិឋានឃុំចំនួន៣ នោះគឺឃុំហូដាក់កៀង ឃុំភូតឹមនិងឃុំធ្វឹងហ្វា ដែលមានគ្រួសារជនជាជនរួមជាតិខ្មែរជាង៥០%។ រយៈពេលកន្លង ការិយាល័យប្រតិបត្តិការធនាគារគោលនយោបាយសង្គមកិច្ចភូតឹម តែងសហការជិតស្និទ្ធជាមួយគណៈកម្មាធិការបក្ស រដ្ឋអំណាចភូមិភាគ អង្គការនយោបាយ-សង្គមដែលទទួលការប្រគល់សិទ្ធិ ក្រុមប្រិតសំចៃនិងបុលទុន ដើម្បីផ្សព្វផ្សាយបានទាន់ពេល បណ្តាកម្មវិធីឥណទានគោលនយោបាយដល់ចំមុខសញ្ញាទទួលផល។ ប្រភពទុនអនុគ្រោះបានឧបត្ថម្ភដល់គ្រួសារប្រជាជន កម្មករនិយោជិតនិងមូលដ្ឋានផលិតអាជីវកម្មខ្នាតតូចជាច្រើនឱ្យមានលក្ខណៈវិនិយោគអភិវឌ្ឍសេដ្ឋកិច្ច បង្កការងារធ្វើនិងបង្កើនប្រាក់ចំណូល។ លោកង្វៀងហាយអូវ នាយកសាខាការិយាល័យប្រតិបត្តិការធនាគារគោលនយោបាយសង្គមកិច្ចភូតឹម ឱ្យដឹង៖ “សង្កេតឃើញថា ភូមិឋានទទួលបន្ទុកមានជនរួមជាតិខ្មែររស់នៅកុះករ ដូច្នេះ រយៈពេលកន្លង យើងខ្ញុំតែងសហការជាមួយរដ្ឋអំណាចគ្រប់លំដាប់ថ្នាក់ធ្វើការផ្សព្វផ្សាយនិងពិនិត្យឡើងវិញដើម្បីនាំយកប្រភពទុនដល់មាមីងជនរួមជាតិខ្មែរ ដើម្បីមាមីងមានឱកាសបង្ខិតជិតប្រភពទុន អាចបុលទុនសម្រាប់ធ្វើការផលិត ផ្លាស់ប្តូរមុខរបរឬអភិវឌ្ឍមុខរបររបស់គ្រួសារ ជួយមាមីងមានឱកាសបន្ថែមលំនឹងជីវភាព អភិវឌ្ឍសេដ្ឋកិច្ចឈានឡើងធ្វើមានលើផ្ទៃដីស្រុកកំណើត”។

សាខាការិយាល័យប្រតិបត្តិការធនាគារគោលនយោបាយសង្គមភូតឹម ប្រជុំក្រុមបុលទុននិងផ្តល់ផ្ទេរទុនដល់គ្រួសារបុលនៅឃុំភូតឹម។

ផ្តើមពីប្រភពទុនឥណទានគោលនយោបាយ ឃើញមានទម្រង់សេដ្ឋកិច្ចជាច្រើនដែលមានប្រសិទ្ធភាពបានបង្កើតនិងពង្រីកទូលំទូលាយ។ មានគ្រួសារខ្លះវិនិយោគពង្រីកមូលដ្ឋានផលិត អ្នកខ្លះផ្តើមធ្វើអាជីវកម្ម មានគ្រួសារខ្លះបានលំនឹងជីវភាពជាបណ្តើរៗ អាស្រ័យប្រភពទុនអនុគ្រោះ។ ខាងក្រោយខ្ទង់ប្រាក់កម្ចី គឺជាទំនុកចិត្ត ជាបំណងប្រាថ្នាឈានឡើង ហើយក៏ជាឱកាសដើម្បីប្រជាជនម្ចាស់ការកសាងអនាគតដោយកម្លាំងពលកម្មរបស់ខ្លួន។ជាក់ស្តែងដូចជាគ្រួសារអ្នកមីង ត្រេវធីវ៉ូយ នៅឃុំធ្វឹងហ្វា ទីក្រុងកឹងធើ ប្រកបរបរប្រពៃណីគូរគំនូរលើកញ្ចក់និងធ្វើហិបស្លា ជាច្រើនឆ្នាំផ្សារភ្ជាប់នឹងអាជីព ពេលទីផ្សារផ្លាស់ប្តូររបរប្រពៃណីក៏ជួបការលំបាកច្រើន ប៉ុន្តែតាំងពីបានបុលទុន ជួយឱ្យគាត់មានឱកាសបន្ថែមច្បាមអាជីព មានភាពលំនឹងជាងជាមួយរបរប្រពៃណីរបស់ដូនតា។

ថ្នាក់ដឹកនាំសាខាការិយាល័យប្រតិបត្តិការធនាគារគោលនយោបាយសង្គមភូតឹម អញ្ជើញមកសួរសុខទុក្ខគ្រួសារអ្នកមីងត្រេវធីវ៉ូយ នៅឃុំធ្វឹងហ្វា ទីក្រុងកឹងធើ។

“ខ្ញុំបុលប្រាក់៥០លានដុងពីធនាគារគោលនយោបាយសង្គមភូតឹម សម្រាប់ទិញកញ្ចក់តាមតម្លៃលក់ដុំ ទិញថ្នាំពណ៌ ឈើនិងឧបករណ៍ផ្សេងៗបម្រើការគូរគំនូរនិងធ្វើហិបស្លា។ អាស្រ័យហេតុនេះ បន្ថយថ្លៃចំណាយដំបូង។ពីមុន ខ្វះទុនទិញជឿ បង់ការប្រាក់ខ្ពស់ឱ្យគេ ម៉្លោះហើយ ធ្វើបានផលិតផល លក់នៅសល់ចំណេញតិចតួច។ ឥឡូវមានដើមទុន យើងធ្វើម្ចាស់ រកបានប្រាក់ចំណេញប្រសើរជាងមុនច្រើន” អ្នកមីង ត្រេវធីវ៉ូយ បានឱ្យដឹងបន្ថែមដូច្នេះ។

ដើម្បីមានប្រភពធនធានបន្ថែមបម្រើប្រជាជន ទន្ទឹមនឹងប្រភពទុនដែលមជ្ឈិមផ្តល់និងប្រភពទុនថវិកាភូមិភាគប្រគល់សិទ្ធិ ការិយាល័យប្រតិបត្តិការធនាគារគោលនយោបាយសង្គមភូតឹម នៅទាំងកៀរគរប្រាក់បញ្ញើប្រិតសំចៃពីអង្គការ បុគ្គលលើភូមិឋាន។ នេះជាទម្រង់រូបភាពផ្ញើប្រាក់សុវត្ថិភាព ងាយស្រួយ អត្រាការប្រាក់សមស្រប ពិសេសមានអត្ថន័យសង្គមយ៉ាងជ្រាលជ្រៅ ព្រោះថារាល់ប្រាក់បញ្ញើចូលក្នុងធនាគារ សុទ្ធតែបានរួមចំណែកបំពេញបន្ថែមប្រភពទុនអនុគ្រោះដល់ប្រជាជនដែលមានតម្រូវការបុលទុន។

ដំណើរការនាំយកប្រភពទុនឥណទានគោលនយោបាយដល់ដៃមាមីងជនជាតិភាគតិច រយៈពេលកន្លង ពិតជាពង្រីកបានប្រសិទ្ធភាព ក្លាយជាគំនាស់ដ៏សំខាន់ក្នុងការងារសុខុមាលភាពសង្គមនៅភូមិភាគ។ ជាមួយនឹងអត្ថន័យមនុស្សធម៌ដ៏ជ្រាលជ្រៅនេះ ការកៀរគរបន្ថែមប្រភពធនធានពីប្រាក់បញ្ញើក្នុងប្រជាជនបង្កបរិយាកាសថ្មីសម្រាប់ប្រភពទុនគោលនយោបាយ។ បង្កឱ្យមានការព្រួតដៃ រួមដំណើរពីសំណាក់អង្គការនិងបុគ្គលជាច្រើន ជួយឱ្យស្ថានភាពលំបាកជាច្រើនបានបង្ខិតជិតទុនអនុគ្រោះ ផ្តើមពីនោះ ជាជំហានៗឈានឡើងចាកផុតពីភាពក្រីក្រ រួមចំណែកអភិវឌ្ឍសេដ្ឋកិច្ចនៅភូមិភាគដោយចីរភាព៕

ថាញហ៊ុង-មុនី

ចែករំលែកអត្ថបទ

ពាក្យគន្លឹះ