គោលនយោបាយ -ការរស់នៅ ការរស់នៅ

15/09/2026 - 05:44

ទម្រង់ដាំក្រូចវល្លិក្នុងរោងសំណាញ់

ផ្តើមពីការដាំដំណាំរួមផ្សំនាំមកប្រសិទ្ធភាពមិនខ្ពស់ គ្រួសារប្រជាជនខ្មែរមួយចំនួននៅភូមិបឹង ឃុំតឹបស៊ើង ខេត្តវិញឡុង បានប្តូរមកដាំក្រូចវល្លិក្នុងរោងសំណាញ់ ដោយការឧបត្ថម្ភរបស់រដ្ឋ។ ទម្រង់នេះដំបូង បាននាំមកប្រសិទ្ធភាពជាបណ្តើរៗ ពិសេសនៅពេលដែលផលិតផលបានអាជីវកម្មចងសម្ព័ន្ធប្រមូលទិញ ជួយឱ្យប្រជាជនមានទំនុកចិត្តក្នុងការផលិត និងលើកកម្ពស់ប្រាក់ចំណូល។

បងស្រីង្វៀងធីង៉ុកង៉ា នៅថែទាំដំណាំក្រូចវល្លិក្នុងរោងសំណាញ់ត្រៀមប្រមូលផល។

បងស្រីង្វៀងធីង៉ុកង៉ា នៅភូមិបឹង បានឱ្យដឹង កាលពីមុន គ្រួសារបងភាគច្រើនដាំដំណាំរួមផ្សំ ដូចជា ម្ទេស ស្ពៃមើម និងបន្លែ ប៉ុន្តែច្រកចេញមិនលំនឹង ប្រសិទ្ធភាពសេដ្ឋកិច្ចមិនខ្ពស់។ ចាប់ពីបានឧបត្ថម្ភសង់រោងសំណាញ់ ពូជក្រូចវល្លិព្រមទាំងមានអាជីវកម្មចងសម្ព័ន្ធប្រមូលទិញផលិតផលក្នុងតម្លៃ ១៤.០០០ ដុង/គីឡូក្រាម គ្រួសារបងស្រីមានទំនុកចិត្តក្នុងការផលិត។ តាមបងស្រីង៉ា ការដាំក្រូចវល្លិនៅក្នុងរោងសំណាញ់ជួយឱ្យក្រូចវល្លិលូតលាស់បានល្អ កាត់បន្ថយផលប៉ះពាល់ពីអាកាសធាតុ និងងាយស្រួលក្នុងការថែទាំ។ ក៏បានឧបត្ថម្ភសង់រោងសំណាញ់ដូចគ្នាដែរ បងស្រី តាធីង៉ុកប៊ិច នៅភូមិមឹង បានប្តូរមកដាំក្រូចវល្លិផងដែរ។ បងស្រីប៊ិច បានឱ្យដឹង ចាប់តាំងពីមានរោងសំណាញ់មក គ្រួសារមានទំនុកចិត្តក្នុងការផលិត ដោយសារដំណាំ បានការពារល្អ។ គ្រួសារបងស្រីថែមទាំងបានអនុវត្តប្រព័ន្ធស្រោចស្រពបាញ់ផ្សែងក្រូច ដើម្បីផ្គត់ផ្គង់ទឹកឱ្យសមស្របដល់ដំណាំ រួមចំណែកកាត់បន្ថយកម្លាំងពលកម្មថែទាំ និងចំណាយលើការផលិត។ រោងសំណាញ់មានផ្ទៃដីប្រមាណ ១.០០០ ម៉ែត្រការ៉េ ថវិកាវិនិយោគប្រមាណ ១០០ លានដុង អាស្រ័យរដ្ឋជួយឧបត្ថម្ភ។ បច្ចុប្បន្ន ចម្ការក្រូចវល្លិរបស់បងស្រីប៊ិច កំពុងលូតលាស់បានល្អនិងជិតដល់ប្រមូលផល។

តាមប្រសាសន៍លោកគឹមមិញឌឿន លេខាសាខាបក្ស និងជាប្រធានគណៈប្រជាជនភូមិបឹង បានឱ្យដឹង នាពេលកន្លង ឃុំតឹបស៊ើង បានឧបត្ថម្ភរោងសំណាញ់ដែលមានតម្លៃ ១០០ លានដុង ក្នុងផ្ទៃដី ១.០០០ ម៉ែត្រការ៉េ ជូនដល់ប្រជាជន ដើម្បីប្តូរវិធីសាស្ត្រផលិតជាបណ្តើរៗ និងលើកកម្ពស់ប្រសិទ្ធភាពសេដ្ឋកិច្ច។ ដោយឡែកនៅភូមិបឹង បច្ចុប្បន្ន មាន ២ គ្រួសារ ទទួលបានការឧបត្ថម្ភរោងសំណាញ់សម្រាប់ដាំក្រូចវល្លិ។ ទម្រង់ដាំក្រូចវល្លិនៅក្នុងរោងសំណាញ់ ជំហានដំបូងឃើញថានាំមកនូវប្រសិទ្ធភាព ជួយឱ្យប្រជាជនមានទិសដៅបង្វែរមុខដំណាំបានសមស្រប បង្កើនប្រាក់ចំណូល និងកាត់បន្ថយហានិភ័យក្នុងការផលិត។ ការបានរដ្ឋឧបត្ថម្ភរោងសំណាញ់ ពូជដំណាំ ព្រមទាំងអាជីវកម្មចងសម្ព័ន្ធចុះកិច្ចសន្យាប្រមូលទិញកសិផល បង្កលក្ខណៈឱ្យកសិករហានវិនិយោគអភិវឌ្ឍការផលិតតាមទិសដៅសុវត្ថិភាព ស្ថិរភាព និងចីរភាពជាបណ្តើរៗ៕

ទីទុយ-ត្រឹងរ៉ូន

ចែករំលែកអត្ថបទ

ពាក្យគន្លឹះ