គោលនយោបាយ -ការរស់នៅ គោលនយោបាយ

15/09/2026 - 05:37

អាស្រ័យកម្មវិធីឧបត្ថម្ភ ជួយជនរួមជាតិខ្មែរមានលំនៅឋានលំនឹង

ជាច្រើនឆ្នាំកន្លង គណៈកម្មាធិការបក្ស រដ្ឋអំណាចឃុំតឹងឡុង ទីក្រុងកឹងធើ តែងយកចិត្តទុកដាក់ដឹកនាំ ដាក់ចេញនូវគោលការណ៍ និងដំណោះស្រាយជាច្រើន ដើម្បីឧបត្ថម្ភលំនៅឋានទាន់ពេលជូនគ្រួសារក្រីក្រ គ្រួសារក្បែរក្រ និងគ្រួសារជនជាតិភាគតិចដែលជួបការលំបាក។ អាស្រ័យហេតុនោះ ជួយប្រជាជនមានលំនៅឋានលំនឹង ខិតខំឈានឡើងអភិវឌ្ឍសេដ្ឋកិច្ចគ្រួសារ ជាជំហានៗលំនឹងជីវភាព។

កម្មាភិបាលឃុំមកសួរសុខទុក្ខគ្រួសារបងស្រីត្រឹងធីញី (ឈរកណ្តាល)
ស្នាក់នៅភូមិ B១ ឃុំតឹងឡុង។

ក្នុងការរស់នៅ អ្នកណាក៏ប្រាថ្នាចង់បានផ្ទះរឹងមាំមួយខ្នងដើម្បីជ្រកភ្លៀងក្តៅ ដើម្បីគ្រួសារមានភាពសុខសាន្ត និងមានកន្លែងមួយដែលហៅថា “ទ្រនំសុខ”។ ថ្វីដ្បិតដូច្នោះក្តី ចំពោះគ្រួសារ ជនរួមជាតិខ្មែរមួយចំនួនដែលមានជីវភាពលំបាក សេចក្តីប្រាថ្នាដ៏សាមញ្ញនោះនៅតែមិនទាន់ក្លាយជាការពិតនៅឡើយ។ បច្ចុប្បន្ន គ្រួសារខ្មែរជាច្រើនមានលក្ខណៈសេដ្ឋកិច្ចនៅមានកម្រិត ប្រាក់ចំណូលមិនលំនឹង ជីវភាពសំខាន់ពឹងលើកម្លាំងពលកម្មធ្វើការងារទូទៅ ស៊ីឈ្នួល ឬបង្កបង្កើនផលខ្នាតតូច។ អាស្រ័យជីវភាពនៅខ្វះខាត ម្ល៉ោះហើយការសាងសង់ផ្ទះរឹងមាំមួយខ្នងដោយខ្លួនឯង គឺជារឿងហួសពីសមត្ថភាពរបស់គ្រួសារ។ មានផ្ទះខ្លះបានទ្រុឌទ្រោម ដំបូលលេច ជញ្ជាំងបណ្តោះអាសន្ន មិនធានាសុវត្ថិភាព ពិសេសគឺក្នុងរដូវភ្លៀងព្យុះ។

នៅភូមិ B១ នៅពេលផ្ទះផ្តល់ជូនគ្រួសារលំបាក បានចាប់ផ្តើមសាងសង់ មាមីងក្នុងភូមិតែងយកចិត្តទុកដាក់ ចែករំលែក និងរួមកម្លាំងតាមសមត្ថភាពរបស់ខ្លួន។ ចំពោះអ្នកផងទាំងឡាយ នោះគ្រាន់តែជាការងារតូចតាច ប៉ុន្តែចំពោះគ្រួសារដែលបានឧបត្ថម្ភវិញ ការរួមកម្លាំងគ្នានោះមានអត្ថន័យធំធេងណាស់។ បងស្រីត្រឹងធីញី នៅភូមិ B១ ឃុំតឹងឡុង ឱ្យដឹង៖ “គ្រួសារគ្មានដីបង្កបង្កើនផល មានតែដីបន្តិចបន្តួចដើម្បីសង់ផ្ទះ ម្ល៉ោះហើយជីវភាពមានការលំបាកខ្លាំង។ ឆ្នាំ២០២៥ គ្រួសារខ្ញុំទទួលបានការឧបត្ថម្ភទឹកប្រាក់ ៤៤ លានដុង ដើម្បីសង់ផ្ទះ រួមជាមួយទឹកប្រាក់ ៨០ លានដុងខ្ចីបន្ថែមពីញាតិមិត្ត គ្រួសារក៏សង់បានផ្ទះរឹងមាំ។ មានលំនៅឋានលំនឹង គ្រួសារខ្ញុំសប្បាយចិត្តណាស់ មិនបារម្ភពីរឿងភ្លៀងក្តៅ និងមានកម្លាំងចលករបន្ថែមដើម្បីខិតខំរកស៊ីលំនឹងជីវភាព”។

ក្នុងឆ្នាំ២០២៥ ឃុំតឹងឡុងមានផ្ទះចំនួន ៧ ខ្នង បានឧបត្ថម្ភសាងសង់ជូនគ្រួសារក្រីក្រពីកម្មវិធីបំបាត់ផ្ទះបណ្តោះអាសន្ន ដោយមានទឹកប្រាក់សរុបចំនួន ៤២០ លានដុង។ ការងារគិតគូរលំនៅឋានបន្តបាន ភូមិភាគយកចិត្តទុកដាក់ក្នុងឆ្នាំ២០២៦។ តាមទិសដៅរបស់គណៈកម្មាធិការរណសិរ្សមាតុភូមិវៀតណាមឃុំតឹងឡុង ដំណាក់កាល ២០២៥-២០៣០ ភូមិភាគខិតខំឧបត្ថម្ភសាងសង់ថ្មីពី២០-២៥ ខ្នងផ្ទះមហាសាមគ្គីជូនគ្រួសារក្រីក្រ និងគ្រួសារមានជីវភាពលំបាក។ លោកថាច់ហឿង អនុប្រធានគណៈកម្មាធិការរណសិរ្សមាតុភូមិវៀតណាម ប្រធានសមាគមកសិករឃុំតឹងឡុង ឱ្យដឹង៖ “ការគិតគូរអំពីលំនៅឋាន គឺជាដំណោះស្រាយជាក់ស្តែងជួយគ្រួសារក្រីក្រលំនឹងជីវភាព។ រយៈពេលខាងមុខ អង្គភាពបន្តសហការចលនាប្រភពធនធានឧបត្ថម្ភចំមុខសញ្ញា រួមចំណែកអនុវត្តទិសដៅសង់ផ្ទះមហាសាមគ្គី ២០- ២៥ ខ្នងដំណាក់កាល ២០២៥-២០៣០”។

ផ្ទះមួយខ្នងៗដែលបានសាងសង់រួច គឺមានបន្ថែមគ្រួសារមានលក្ខណៈ “រស់នៅសុខសាន្ត”។ ខាងក្រោយទ្រនំសុខទាំងនោះ មិនត្រឹមតែជាប្រភពធនធានឧបត្ថម្ភប៉ុណ្ណោះទេ ថែមទាំងមានការចែករំលែកពីសហគមន៍ទៀតផង។ តាមរយៈការខិតខំឈានឡើងរបស់ប្រជាជន ការរួមដំណើររបស់រណសិរ្សនិងអង្គការមហាជននានាផ្ទះទាំងនោះ កំពុងបន្តផ្តល់ទំនុកចិត្តបន្ថែមដើម្បីគ្រួសារក្របានលំនឹង ជីវភាពនិងឈានឡើងចាកផុតពីភាពក្រីក្រ៕

ដាលីន - លីសៀ

ចែករំលែកអត្ថបទ

ពាក្យគន្លឹះ