គោលនយោបាយ -ការរស់នៅ ការរស់នៅ

12/09/2026 - 15:18

ដាំក្រូចពោធិ៍សាត់ ទទួលបានផលច្រើននិងតម្លៃល្អ

ផ្តើមពីប្រសិទ្ធភាពនៃក្រូចពោធិ៍សាត់ បង ថាច់វង្ស នៅភូមិតាម៉ង ឃុំតាឱន ខេត្តវិញឡុង បានសម្រេចចិត្តយ៉ាង បង្វែរផ្ទៃដីផលិតរបស់គ្រួសារមកដាំក្រូចពោធិ៍សាត់។ អាស្រ័យថែទាំត្រឹមត្រូវតាមបច្ចេកទេស ចម្កាក្រូចរបស់បងកំពុងលូតលាស់ ផ្តល់ទិន្នផលល្អ បច្ចុប្បន្នតម្លៃក្រូចមានស្ថិរភាពបង្គួរ រកបានប្រាក់ចំណូលសម្រាប់គ្រួសារ។

បង ថាច់វង្ស រីករាយនៅក្បែរចម្កាក្រូចពោធិ៍សាត់ផ្លែទន់មែក។

បង ថាច់វង្ស បានឱ្យដឹង កាលពីមុន គ្រួសារបងបានវិនិយោគលើដីស្រែប្រមាណ ១០.០០០ ម៉ែត្រការ៉េ ដើម្បីដាំក្រូចពោធិ៍សាត់។ ប៉ុន្មានឆ្នាំមុនៗ តម្លៃក្រូចមានពេលធ្លាក់ចុះទាប ឈ្មួញប្រមូលទិញមិនលំនឹង ហេតុនោះប្រសិទ្ធភាពសេដ្ឋកិច្ចមិនបានខ្ពស់។ ឆ្នាំនេះ ក្រូចបានផលផង និងតម្លៃលក់ក៏មានស្ថិរភាពបង្គួរផង ម៉្លោះហើយអ្នកដាំក្រូចមានភាពរីករាយណាស់ ។ យោងតាមលោក វង្ស មធ្យមក្រូច ១ កុង អាចទទួលបានទិន្នផលប្រមាណពី ៦ - ៧ តោន; ក្នុងលក្ខណៈដើមលូតលាស់ ល្អ អនុវត្តបច្ចេកទេសថែទាំត្រឹមត្រូវ ទិន្នផលអាចសម្រេចបានប្រមាណ ១៣ តោន/១.០០០ ម៉ែត្រការ៉េ។ បច្ចុប្បន្ន ចម្កាក្រូចរបស់គ្រួសារលោកកំពុងផ្តល់ផ្លែ ត្រៀមប្រមូលផល។ ប្រសិនបើតម្លៃក្រូចបន្តរក្សាបានដូចបច្ចុប្បន្ន រដូវក្រូចនេះអាចផ្តល់ប្រាក់ចំណូលបង្គួរដល់គ្រួសារ។

ដោយសង្កេតឃើញថាដាំក្រូចពោធិ៍សាត់ស្របទៅនឹងលក្ខណៈផលិត និងនាំមកនូវប្រសិទ្ធភាពសេដ្ឋកិច្ច បង ថាច់វង្ស បានបន្តវិនិយោគពង្រីកផ្ទៃដីបន្ថែមប្រមាណ ២.០០០ ម៉ែត្រការ៉េ បង្កើនផ្ទៃដីដាំក្រូចរបស់គ្រួសារកើនឡើង ១២.០០០ ម៉ែត្រការ៉េ។ បង ថាច់វង្ស បានឱ្យដឹង ដាំក្រូចទាមទារដើមទុនវិនិយោគដំបូងច្រើនបង្គួរ អ្នកដាំត្រូវតាមដានចម្កាជាប់ជាប្រចាំ ថែទាំត្រឹមត្រូវតាមបច្ចេកទេស ទើបទទួលបានទិន្នផលនិងគុណភាព។ ថ្វីដ្បិតតែដូច្នោះ ប្រសិនបើថែទាំបានល្អ ក្រូចអាចប្រមូលផលក្នុងរយៈពេលចាប់ពី ៦ ឆ្នាំឡើងទៅ អាស្រ័យទៅលើលក្ខណៈថែទាំ។

បង ថាច់វង្ស កំពុងស្រោចទឹកចម្កាក្រូចដោយម៉ាស៊ីនបូមទឹក។

យោងតាមបង ថាច់វង្ស ក្នុងដំណើរការថែទាំក្រូច ខ្ញុំប្រើប្រាស់ជីសរីរាង្គជាសំខាន់ដើម្បីកែលម្អ រក្សាដីឱ្យរសោះ ផុស ព្រមទាំងគួបផ្សំជាមួយជីគីមីដើម្បីផ្តល់សារធាតុចិញ្ចឹមគ្រប់គ្រាន់ ជួយឱ្យដើមលូតលាស់ល្អ។ ក្រៅពីនេះ ការធានាប្រភពទឹកក៏ត្រូវយកចិត្តទុកដាក់ផងដែរ ជាពិសេសក្នុងរដូវប្រាំង ដើម្បីធានាឱ្យដើមមានទឹកគ្រប់គ្រាន់សម្រាប់លូតលាស់ និងចិញ្ចឹមផ្លែ។ ចំពោះសត្វល្អិត និងជំងឺ គឺជំងឺរលួយគល់ដើម និងរលួយឬស គឺជាជំងឺមួយក្នុងចំណោមជំងឺដែលត្រូវយកចិត្តទុកដាក់ ព្រោះពេលដែលដើមមានជំងឺធ្ងន់អាចបណ្តាលឱ្យងាប់ដើម។ ហេតុនេះ គ្រួសារត្រូវពិនិត្យចម្កាជាប្រចាំ រកឃើញឱ្យបានរហ័សដើម្បីមានវិធានការថែទាំ និងការពារព្យាបាលឱ្យបានសមស្រប។

មិនត្រឹមតែគ្រួសារលោក ថាច់វង្ស នោះទេ ប្រជាជនជាច្រើននៅភូមិតាឱន ក៏កំពុងដាំដំណាំក្រូចពោធិ៍សាត់នេះដែរ និងចាត់ទុកដំណាំនេះជាដំណាំមុខព្រួញរបស់ភូមិភាគ។ លោក ថាច់ង៉ុក លេខាសាខាបក្ស និងជាប្រធានគណៈប្រជាជនភូមិតាឱន បានឱ្យដឹង កាលពីប៉ុន្មានឆ្នាំមុន តម្លៃក្រូចមានពេលធ្លាក់ចុះទាប ឈ្មួញទិញក្នុងតម្លៃមិនខ្ពស់ ធ្វើឱ្យកសិករជួបការលំបាក ប្រសិទ្ធភាពផលិតមិនដូចការរំពឹងទុក។ ពេលថ្មីៗនេះ តម្លៃក្រូចបានកើនឡើង និងមានស្ថិរភាពជាងមុន ខណៈដែលចម្កាជាច្រើនទទួលបានទិន្នផលសមរម្យ ធ្វើឱ្យកសិករមានការរំភើបរីករាយ។

ក៏តាមលោក ថាច់ ង៉ុក ការដែលកសិករហ៊ានផ្លាស់ប្តូរប្រភេទដំណាំ ជ្រើសរើសប្រភេទដំណាំដែលសមស្របនឹងលក្ខណះដីធ្លី និងមានទីផ្សារប្រើប្រាស់គឺជាទិសដៅមួយគួរលើកទឹកចិត្ត។ ថ្វីដ្បិតតែដូច្នោះ ដើម្បីការផលិតមានភាពលំនឹង ប្រជាជនត្រូវយកចិត្តទុកដាក់លើបច្ចេកទេសថែទាំ ការគ្រប់គ្រងជំងឺ ការប្រើប្រាស់ជីសមហេតុផល និងតាមដានទីផ្សារ ដើម្បីគ្រប់គ្រងពេលវេលាប្រមូលផល និងប្រើប្រាស់ផលិតផល។ ជាមួយនឹងផ្ទៃដី ១២.០០០ ម៉ែត្រការ៉េ ក្រូចពោធិ៍សាត់កំពុងផ្តល់ផ្លែ ប្រសិនបើបន្តរក្សាបានទិន្នផល និងតម្លៃលក់អំណោយផល ទម្រង់របស់លោក ថាច់ វង្ស រំពឹងថានឹងនាំមកនូវប្រាក់ចំណូលរាប់រយលានដុងក្នុងមួយឆ្នាំ រួមចំណែកលើកកម្ពស់ប្រាក់ចំណូល និងលំនឹងជីវភាពគ្រួសារ។

ទីទុយ-វ៉ាន់តឹន

ចែករំលែកអត្ថបទ

ពាក្យគន្លឹះ