ព្រឹត្តិការណ៍ - នយោបាយ ព្រឹត្តិការណ៍

31/08/2026 - 10:19

ថ្នាក់ដឹកនាំទីក្រុងកឹងធើ អញ្ជើញទៅអុជធូបគោរពវិញ្ញាណក្ខ័ន្ធលោកប្រធានហូជីមិញ នាឱកាសទិវាបុណ្យជាតិ ២ កញ្ញា

លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ អុជធូបគោរពវិញ្ញាណក្ខ័ន្ធលោកប្រធានហូជីមិញ។

អំណរខួបអនុស្សាវរីយ៍៨១ ឆ្នាំ បដិវត្តន៍ខែសីហាជោគជ័យ (១៩/៨/១៩៤៥ - ១៩/៨/២០២៦) និងទិវាបុណ្យជាតិនៃសាធារណរដ្ឋសង្គមនិយមវៀតណាម (២/៩/១៩៤៥-២/៩/២០២៦) នៅព្រឹកថ្ងៃទី២៧ ខែសីហា នៅមណ្ឌលកេរដំណែលប្រវត្តិសាស្ត្រ-វប្បធម៌ មណ្ឌលបូជនីយដ្ឋានអ៊ំហូ (ភូមិដើនធើ ឃុំអាងថាញ ទីក្រុងកឹងធើ) គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានធ្វើពិធីអុជធូបនិងដាក់កម្រងផ្កា គោរពរំលឹកវិញ្ញាណក្ខ័ន្ធលោកប្រធានហូជីមិញ។

អ្នកតំណាងអញ្ជើញចូលរួមពិធីអុជធូបគោរពវិញ្ញាណក្ខ័ន្ធលោកប្រធានហូជីមិញ
នៅមណ្ឌលបូជនីយដ្ឋានអ៊ំហូ។

អញ្ជើញចូលរួមក្នុងពិធីនេះ មានលោក ដុងវ៉ាំងថាញ សមាជិកគណៈប្រតិបត្តិការ មជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សា ប្រជាជនទីក្រុងកឹងធើ; ថ្នាក់ដឹកនាំមន្ទីរ គណៈ ផ្នែករបស់ទីក្រុង ថ្នាក់ដឹកនាំគណៈកម្មាធិការបក្ស ក្រុមប្រឹក្សាប្រជាជនទីក្រុង គណៈកម្មាធិការប្រជាជន គណៈ កម្មាធិការរណសិរ្សមាតុភូមិវៀតណាមឃុំកូវឡាវយុងនិងឃុំអាងថាញ ព្រមទាំង កម្មាភិបាល បុគ្គលិក អ្នករដ្ឋការ កងកម្លាំងប្រដាប់អាវុធនិងប្រជាជនភូមិភាគ ជាច្រើន។

ក្នុងបរិយាកាសជាទីគោរពដ៏ខ្ពង់ខ្ពស់ អ្នកតំណាងទាំងឡាយបានរួមគ្នារំលឹកឡើងវិញនូវអត្ថន័យប្រវត្តិសាស្ត្រដ៏មហោឡារិកនៃបដិវត្តន៍ខែសីហា ឆ្នាំ១៩៤៥ ជាព្រឹត្តិការណ៍បើកយុគសម័យឯករាជ្យ សេរីភាព ជំរុញប្រជាជនវៀតណាមពីវាសនាទាសករក្លាយជាម្ចាស់ប្រទេសជាតិ។ ថ្ងៃទី២ ខែកញ្ញា នៅទីលានបាឌិញ លោកប្រធានហូជីមិញ បានប្រកាស ឯករាជ្យ បង្កើតប្រទេសវៀតណាមប្រជា ធិបតេយ្យ បច្ចុប្បន្នជាសាធារណរដ្ឋសង្គមនិយមវៀតណាម។

នៅក្នុងពិធីនេះ អ្នកតំណាងទាំងឡាយ បានស្មិងស្មាធិ៍គោរពវិញ្ញាណក្ខ័ន្ធលោក ប្រធានហូជីមិញ ជាមគ្គុទេសក៍ដ៏អស្ចារ្យ របស់បក្សនិងប្រជាជាតិ អ៊ំលះបង់ពេញ មួយជីវិតដើម្បីបុព្វហេតុដណ្តើមឯករាជ្យ សេរីភាព ជូនមាតុភូមិ ដើម្បីសុភមង្គលរបស់ប្រជាជន។

បន្ទាប់ពីស្មិងស្មាធិ៍គោរពវិញ្ញាណក្ខ័ន្ធ អ្នកតំណាងទាំងឡាយអញ្ជើញទៅអុជធូបនិងដាក់កម្រងផ្កានៅមណ្ឌលបូជនីយដ្ឋានអ៊ំហូ គោរពវិញ្ញាណក្ខ័ន្ធ គោរព ដឹងគុណដ៏ធំធេងរបស់អ៊ំចំពោះបុព្វហេតុបដិវត្តន៍របស់ប្រជាជាតិ។

នេះជាសកម្មភាពដើម្បីកម្មាភិបាល បក្ខជននិងប្រជាជន សម្ដែងនូវការគោរព ដឹងគុណយ៉ាងជ្រាលជ្រៅចំពោះលោក ប្រធានហូជីមិញ រួមចំណែកអប់រំប្រវេណីស្នេហាជាតិ បំផុសមោទនភាពជាតិនិងស្មារតីទទួលខុសត្រូវក្នុងការកសាង និងការពារមាតុភូមិ៕

គីមង៉ុក-ពេជ្រសឿន

ចែករំលែកអត្ថបទ

ពាក្យគន្លឹះ