ព្រឹត្តិការណ៍ - នយោបាយ ព្រឹត្តិការណ៍

27/08/2026 - 19:43

អភិវឌ្ឍហត្ថលេខាឌីជីថល និងសេវាកម្មទំនុកចិត្ត នៅតំបន់ភាគខាងត្បូងណាមបូ និងវាលរាបទន្លេគឺវឡុង

(CTO) - នោះគឺជាខ្លឹមសារនៃអង្គសិក្ខាសាលាអាស្រ័យមជ្ឈមណ្ឌលបញ្ជាក់អេឡិចត្រូនិកជាតិ (ក្រសួងវិទ្យាសាស្ត្រ និងបច្ចេកវិទ្យា) សហការជាមួយមន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ ចាត់តាំងនារសៀលនៅថ្ងៃទី ២៦ ខែសីហា។

សិក្ខាសាលានេះ គឺជាឱកាសដើម្បីស្ថាប័នគ្រប់គ្រងរដ្ឋ ភូមិភាគ អង្គភាពផ្តល់សេវាកម្មទំនុកចិត្ត និងសហគមន៍អាជីវកម្ម ដោះដូរបទពិសោធន៍ កំណត់ដឹងពីបញ្ហារាំងស្ទះនិងរកដំណោះស្រាយសមស្រប ដើម្បីជំរុញការប្រើប្រាស់ហត្ថលេខាឌីជីថលឱ្យកាន់តែស៊ីជម្រៅក្នុងជីវភាពសេដ្ឋកិច្ច - សង្គម។

អ្នកតំណាងចូលរួមក្នុងអង្គសិក្ខាសាលា។

នៅក្នុងអង្គសិក្ខាសាលា តំណាងមជ្ឈមណ្ឌលបញ្ជាក់អេឡិចត្រូនិកជាតិ បានឧទ្ទេសនាមអំពីបទប្បញ្ញត្តិច្បាប់ស្តីពីប្រតិបត្តិការអេឡិចត្រូនិក និងបញ្ហានានាដែលត្រូវយកចិត្តទុកដាក់ពេលអនុវត្ត។

តំណាងបណ្តាអង្គភាព និងអង្គការចាត់តាំងផ្តល់សេវាបញ្ជាក់ហត្ថលេខាឌីជីថល បានចែករំលែកបទពិសោធន៍ជាក់ស្តែងក្នុងការអនុវត្តហត្ថលេខាឌីជីថល និងសេវាកម្មទំនុកចិត្ត បម្រើឱ្យការផ្លាស់ប្តូរឌីជីថលនៅតាមអង្គភាព និងអាជីវកម្ម; អនុវត្ត និងតម្លៃនៃសេវាកម្មទំនុកចិត្តក្នុងវិស័យសេដ្ឋកិច្ច - សង្គម។ អង្គការចាត់តាំងផ្តល់សេវាបញ្ជាក់ហត្ថលេខាឌីជីថល ថែមទាំងឧទ្ទេសនាមអំពីមូលដ្ឋានគ្រឹះ និងដំណោះស្រាយអនុវត្តហត្ថលេខាឌីជីថល បម្រើដល់ការផ្លាស់ប្តូរឌីជីថលផ្ទៃក្នុងរបស់អង្គភាព និងអាជីវកម្មផងដែរ។

មជ្ឈមណ្ឌលបញ្ជាក់អេឡិចត្រូនិកជាតិនិងមន្ទីរវិទ្យាសាស្ត្រ បច្ចេកវិទ្យាក្រុងកឹងធើចុះហត្ថលេខាលើអនុស្សរណៈយោគយល់គ្នាសហប្រតិបត្តិការ។

ក្នុងឱកាសនេះ មជ្ឈមណ្ឌលបញ្ជាក់អេឡិចត្រូនិកជាតិ និងមន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ បានចុះហត្ថលេខាលើអនុស្សរណៈយោគយល់គ្នាសហប្រតិបត្តិការ ដើម្បីជុំរុញអភិវឌ្ឍហត្ថលេខាឌីជីថល និងសេវាកម្មទំនុកចិត្ត រួមចំណែកនាំយកដំណោះស្រាយប្រតិបត្តិការអេឡិចត្រូនិកឱ្យកាន់តែខិតជិតជាមួយប្រជាជន និងអាជីវកម្មនៅលើភូមិឋានទីក្រុងកឹងធើ។

លោក ង្វៀង ហ៊ឺវថាញ់ប៊ិញ នាយករងមន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ
ថ្លែងនៅក្នុងអង្គសិក្ខាសាលា។

ថ្លែងនៅក្នុងអង្គសិក្ខាសាលា លោក ង្វៀង ហ៊ឺវថាញ់ប៊ិញ នាយករងមន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ បានឱ្យដឹង៖ រយៈពេលកន្លង ក្រុងកឹងធើបានខិតខំអនុវត្តហត្ថលេខាឌីជីថលយ៉ាងសកម្មលើទាំងពីរវិស័យ៖ ហត្ថលេខាឌីជីថលជំនាញបម្រើការងារផ្លូវការក្នុងស្ថាប័នរដ្ឋ និងហត្ថលេខាឌីជីថលកិច្ចការសាធារណៈបម្រើប្រជាជន និងអាជីវកម្ម។

រហូតមកដល់ពេលនេះ ទីក្រុងបានដាក់ឱ្យប្រើប្រាស់វិញ្ញាបនបត្រឌីជីថលជំនាញបម្រើការងារផ្លូវការចំនួន ១៥.២៧២ ធានា ១០០% ជូនថ្នាក់ដឹកនាំ និងកម្មាភិបាលដែលជាមុខសញ្ញាត្រូវទទួលបានហត្ថលេខាឌីជីថលសម្រាប់បម្រើឱ្យការងារ។ នៅលើភូមិឋានទីក្រុង បច្ចុប្បន្នមានវិញ្ញាបនបត្រឌីជីថលកិច្ចការសាធារណៈប្រមាណ ៦១៦.៤៨៩ ប្រហាក់ប្រហែល ២៥% នៃប្រជាជនដែលមានអាយុចាប់ពី ១៥ ឆ្នាំឡើងទៅ ប្រមូលផ្តុំលើវិស័យមួយចំនួនដូចជា៖ អប់រំ សុខាភិបាល និងអាជីវកម្ម។

នាពេលខាងមុខ មន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ នឹងបន្តពិនិត្យឡើងវិញនូវនីតិវិធីការងារ ដើម្បីជំរុញការអនុវត្តដំណើរការទាំងស្រុងលើបរិស្ថានអេឡិចត្រូនិក បន្ថយស្ថានភាពដែលបានចុះហត្ថលេខាឌីជីថលហើយ ប៉ុន្តែនៅតែត្រូវបោះពុម្ព និងរក្សាទុកឯកសារក្រដាសដដែល។ សហការជាមួយមជ្ឈមណ្ឌលបញ្ជាក់អេឡិចត្រូនិកជាតិ និងបណ្តាអង្គភាពផ្តល់សេវាកម្ម បើកទូលាយការអនុវត្តហត្ថលេខាឌីជីថលទៅក្នុងវិស័យដែលពាក់ព័ន្ធដោយផ្ទាល់ជាមួយប្រជាជន និងអាជីវកម្ម។

លោក ផាម ក្វឹកហ្វាង នាយករងមជ្ឈមណ្ឌលបញ្ជាក់អេឡិចត្រូនិកជាតិ
ថ្លែងក្នុងអង្គសិក្ខាសាលា។

លោក ផាម ក្វឹកហ្វាង នាយករងមជ្ឈមណ្ឌលបញ្ជាក់អេឡិចត្រូនិកជាតិ បានសង្កត់ធ្ងន់៖ ការអភិវឌ្ឍហត្ថលេខាឌីជីថល និងសេវាកម្មទំនុកចិត្ត ត្រូវការការចូលរួមពីស្ថាប័នគ្រប់គ្រងរដ្ឋ អាជីវកម្មផ្តល់សេវាកម្មទំនុកចិត្ត ធនាគារ អាជីវកម្មបច្ចេកវិទ្យា មូលដ្ឋានគ្រឹះឌីជីថល និងសហគមន៍អាជីវកម្មទាំងមូល។

មជ្ឈមណ្ឌលបញ្ជាក់អេឡិចត្រូនិកជាតិ ប្តេជ្ញានឹងបន្តកែលម្អក្របខ័ណ្ឌគតិយុត្ត; ចាត់តាំងអង្គសន្និបាតផ្សព្វផ្សាយ; គាំទ្រផ្នែកជំនាញ បច្ចេកទេស និងចងសម្ព័ន្ធជាមួយអង្គភាពផ្តល់សេវាបញ្ជាក់ហត្ថលេខាឌីជីថលកិច្ចការសាធារណៈ។ ក្នុងនោះ សាខាមជ្ឈមណ្ឌលប្រចាំនៅទីក្រុងហូជីមិញ នឹងធ្វើជាដើមទងសហការដោយផ្ទាល់៕

អាញ់ខ្វា-វ៉ាន់តឹន

ចែករំលែកអត្ថបទ

ពាក្យគន្លឹះ