ព្រឹត្តិការណ៍ - នយោបាយ ព្រឹត្តិការណ៍

27/08/2026 - 19:43

គណៈអចិន្ត្រៃយ៍នៃគណៈកម្មាធិការបក្សក្រុង ឯកភាពលើគោលការណ៍អនុវត្តបញ្ហាជាច្រើនដើម្បីអភិវឌ្ឍន៍សេដ្ឋកិច្ច - សង្គម

ថ្ងៃទី ២៦ ខែសីហា គណៈអចិន្ត្រៃយ៍នៃគណៈកម្មាធិការបក្សក្រុងកឹងធើ បានចាត់តាំងអង្គសន្និបាតគណៈអចិន្ត្រៃយ៍នៃគណៈកម្មាធិការបក្សក្រុង ដើម្បីពិនិត្យនិងសម្រេចលើបញ្ហាសេដ្ឋកិច្ច វប្បធម៌ - សង្គម ទៅតាមដែនសមត្ថកិច្ច។

អញ្ជើញជាអធិបតីក្នុងអង្គសន្និបាតមាន លោក ឌោ ថាញ់ប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានគណៈប្រតិភូតំណាងរដ្ឋសភាទីក្រុងកឹងធើ; លោក ដុង វ៉ាំងថាញ់ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង; លោក ត្រឿង កាញ់ត្វៀង អនុលេខានៃគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុង។

អញ្ជើញចូលរួមអង្គសន្និបាតមាន លោកស្រី ហូ ធីកឹមដាវ អនុលេខានៃគណៈកម្មាធិការបក្សក្រុង ប្រធានគណៈកម្មាធិការរណៈសិរ្សមាតុភូមិវៀតណាមក្រុង; លោក ង្វៀង ត្វឹងអាញ់ អនុលេខានៃគណៈកម្មាធិការបក្សក្រុង; លោក ត្រឹង វ៉ាំងហ្វៀង អនុលេខានៃគណៈកម្មាធិការបក្សក្រុង; តំណាងគណៈកសាងបក្សនៃនាយកដ្ឋាននានារបស់មជ្ឈិម; បណ្តាសមាជិកគណៈអចិន្ត្រៃយ៍នៃគណៈកម្មាធិការបក្សក្រុង; គណៈកម្មាធិការបក្សនៃគណៈកម្មាធិការប្រជាជនក្រុង; ព្រមទាំងថ្នាក់ដឹកនាំមន្ទីរ ផ្នែក និងអង្គភាពពាក់ព័ន្ធនានា។

ប្រចាំការនៃគណៈកម្មាធិការបក្សក្រុងអញ្ជើញជាអធិបតីក្នុងអង្គសន្និបាត។

នៅក្នុងអង្គសន្និបាត គណៈអចិន្ត្រៃយ៍នៃគណៈកម្មាធិការបក្សក្រុង បានឯកភាពលើខ្លឹមសារនានា ដែលគណៈកម្មាធិការបក្សនៃគណៈកម្មាធិការប្រជាជនក្រុងបានដាក់ជូន។ ជាក់ស្តែងរួមមាន៖ លិខិតស្នើសុំមតិលើវិធានការជ្រើសរើសសញ្ញាសម្គាល់ក្រុងកឹងធើ; លិខិតស្នើសុំមតិបង្កើតបណ្តុំឧស្សាហកម្មវិញវៀង ឃុំវិញវៀង ទីក្រុងកឹងធើ; លិខិតស្នើសុំមតិលើគោលការណ៍បន្តប្រគល់ដី និងឱ្យជួលដី ដើម្បីអនុវត្តគម្រោងចំនួន ៧ ដែលកំពុងជួបការលំបាក និងកកស្ទះអូសបន្លាយ (អនុវត្តយន្តការ និងគោលនយោបាយពិសេសតាមសេចក្តីសម្រេចចិត្តលេខ ២៩/២០២៦/QH១៦ របស់រដ្ឋសភា); លិខិតស្នើសុំមតិដើម្បីចែងសេចក្តីសម្រេចចិត្តអនុម័តិបញ្ជីផ្ទៃដីគ្រោងនឹងអនុវត្តគម្រោងសាកល្បងនៅលើភូមិឋានទីក្រុងកឹងធើ ឆ្នាំ ២០២៦ តាមសេចក្តីសម្រេចចិត្តលេខ ១៧១/២០២៤/QH១៥ ចុះថ្ងៃទី ៣០ ខែវិច្ឆិកា ឆ្នាំ២០២៤ របស់រដ្ឋសភា (លើកទី៤); លិខិតស្នើសុំមតិអំពីការប្រគល់ដីទំហំ ១១,៤២ ហិកតា នៅសង្កាត់ថូកណូកក្រុងកឹងធើជូនកងពលធំលេខ ២០ - ក្រសួងការពារប្រទេសដើម្បីគ្រប់គ្រង និងប្រើប្រាស់ក្នុងគោលដៅការពារប្រទេស។

ថ្លែងមតិបូកសរុប និងចង្អុលការនៅក្នុងអង្គសន្និបាត លោក ឌោ ថាញ់ប៊ិញ បានស្នើឱ្យគណៈកម្មាធិការបក្សនៃគណៈកម្មាធិការប្រជាជនក្រុង ទទួលយកមតិយោបល់ក្នុងអង្គសន្និបាត ដើម្បីចង្អុលការដល់គណៈកម្មាធិការប្រជាជនក្រុង និងបណ្តាមន្ទីរ ផ្នែក អង្គភាពពាក់ព័ន្ធធ្វើការកែសម្រួលលិខិតស្នើសុំ ធានាត្រឹមត្រូវតាមបទប្បញ្ញត្តិ និងមានគុណភាព; ប្រគល់ឱ្យមន្ទីរវប្បធម៌ កីឡា និងទេសចរណ៍ ចាត់តាំងប្រឡងនិពន្ធ ដើម្បីឆាប់ជ្រើសរើសបានបទភ្លេងសញ្ញារបស់ក្រុងផងដែរ៕

អាញ់យុង - វ៉ាន់តឹន

ចែករំលែកអត្ថបទ

ពាក្យគន្លឹះ