គោលនយោបាយ -ការរស់នៅ គោលនយោបាយ

11/08/2026 - 06:13

ពលករជិត ៦៣.០០០ នាក់បានដោះស្រាយការងារធ្វើ

តាមការិយាល័យពលកម្ម ការងារនៃមន្ទីរមហាផ្ទៃទីក្រុងកឹងធើ ក្នុងខែកក្កដា ឆ្នាំ២០២៦ ទីក្រុងបានដោះស្រាយការងារធ្វើជូនពលករជាង ៨.៣០០ នាក់ បង្កើនចំនួនពលករសរុបដែលបានដោះស្រាយការងារធ្វើចាប់ពីដើមឆ្នាំមកដល់ពេលនេះមាន ៦៣.០០០ នាក់ សម្រេចជិត ៦៦% នៃផែនការប្រចាំឆ្នាំ។

ពលករស្វែងយល់ព័ត៌មានជ្រើសរើសពលករនៅមជ្ឈមណ្ឌលសេវាកម្មការងារទីក្រុងកឹងធើ។

ដើម្បីពង្រីកឱកាសការងារធ្វើជូនពលករ ផ្នែកមហាផ្ទៃទីក្រុងបានសហការជាមួយមន្ទីរ ផ្នែកនានាពិនិត្យឡើងវិញនូវតម្រូវការជ្រើសរើសពលកររបស់អាជីវកម្ម។ ព្រមទាំងកំណត់តម្រូវការដើមទុនឥណទានគោលនយោបាយក្នុងវិស័យការងារឆ្នាំ២០២៧ និងដំណាក់កាល ២០២៧-២០៣០ ធ្វើជាមូលដ្ឋានម្ចាស់ការប្រភពធនធានជួយឧបត្ថម្ភពលករបង្កការងារធ្វើ មានមុខរបរចិញ្ចឹមជីវិតស្ថិរភាព។

ការងារបញ្ជូនពលករទៅធ្វើការនៅបរទេសតាមកិច្ចសន្យាបន្តបានយកចិត្តទុកដាក់។ សកម្មភាពជ្រើសរើសពលកររបស់បណ្តាអាជីវកម្មសេវាកម្មក៏បានតាមដាន ណែនាំយ៉ាងហ្មត់ចត់ រួមចំណែកធានាភាពបើកចំហ ត្រូវតាមបទបញ្ញត្តិ និងការពារសិទ្ធិផលប្រយោជន៍របស់ពលករ។

ទីក្រុងក៏បានបង្កើនការងារគ្រប់គ្រងពលករធ្វើការនៅបរទេស ដោយផ្តល់លិខិតអនុញ្ញាតចំនួន ៣២ ច្បាប់ជូនពលករនៅបរទេសដែលធ្វើការនៅ ១៦ អង្គភាព រួមមាន ២៦ ករណីផ្តល់ថ្មី ៤ ករណីពន្យារពេល និង ២ ករណីផ្តល់ឡើងវិញ។

កៀងក្វឹក - សុផន

ចែករំលែកអត្ថបទ

ពាក្យគន្លឹះ