គោលនយោបាយ -ការរស់នៅ គោលនយោបាយ

13/06/2026 - 12:05

កម្មករនិយោជិតនៅកឹងធើ បានបង្កលក្ខណៈផ្លាស់ប្តូរមុខរបរ មានប្រាក់ចំណូលកាន់តែល្អប្រសើរទីក្រុងកឹងធើ កំពុងពង្រីកឱកាសរៀនវិជ្ជាជីវៈ ការងារធ្វើមានគុណភាពខ្ពស់សម្រាប់កម្មករ និយោជិត

តាមការចុះផ្សាយរបស់គេហទំព័រព័ត៌មានអេឡិចត្រូនិកកឹងធើ គណៈកម្មាធិការប្រជាជនទីក្រុងកឹងធើ បានចេញផែនការស្ដីពីការអនុវត្តផ្លាស់ថ្មី អភិវឌ្ឍន៍និងលើកកម្ពស់គុណភាពអប់រំវិជ្ជាជីវៈ។ តាមរយៈនោះ ទីក្រុងកឹងធើបានកំណត់ថា ការអភិវឌ្ឍធនធានមនុស្សមានគុណភាពខ្ពស់គឺជាភារកិច្ចស្នូលមួយ ដើម្បីឆ្លើយតបទៅនឹងតម្រូវការអភិវឌ្ឍសេដ្ឋកិច្ច-សង្គម ក្នុងដំណាក់កាលថ្មី។

ទីក្រុងកឹងធើ យកចិត្តទុកដាក់ពិសេសដល់ការគាំទ្របណ្តុះបណ្តាលឡើងវិញ និងបណ្តុះបណ្តាលជាប្រចាំដល់កម្មករនិយោជិត។ រហូតដល់ឆ្នាំ ២០៣០ ប្រមាណ ២៥% នៃកម្លាំងពលកម្ម នឹងទទួលបានការបណ្តុះបណ្តាលឡើងវិញ ឬការបំប៉នបង្កើនមុខជំនាញវិជ្ជាជីវៈ។

នេះត្រូវបានចាត់ទុកថា ជាឱកាសដ៏សំខាន់មួយសម្រាប់កម្មករនិយោជិត ក្នុងការសម្របខ្លួនទៅនឹងការផ្លាស់ប្តូរនៃបច្ចេកវិទ្យា ផ្លាស់ប្តូរវិជ្ជាជីវៈ ឬលើកកម្ពស់សមត្ថភាព ដើម្បីទទួលបានការងារធ្វើលំនឹង ហើយមានប្រាក់ចំណូលកាន់តែល្អប្រសើរ។

កម្មករនិយោជិតកំពុងធ្វើការនៅទីក្រុងកឹងធើ។ រូបថត៖ ផុងឡិញ

ចំពោះសិស្សដែលបានបញ្ចប់ការសិក្សាកម្រិតមធ្យមសិក្សាមូលដ្ឋាននិងមធ្យមសិក្សាចំណេះទូទៅ កិច្ចការណែនាំអាជីពនិងការបែងចែកទិសដៅសិក្សា នឹងបន្តបានជំរុញកាន់តែខ្លាំងក្លា។ ទីក្រុងកឹងធើ កំណត់ទិសដៅទាក់ទាញសិស្សចាប់ពី ៣០% - ៣៥% ដែលបញ្ចប់មធ្យមសិក្សាមូលដ្ឋាន និងពី ៥០% ដល់ ៥៥% បញ្ចប់មធ្យមសិក្សាចំណេះទូទៅ ឱ្យចូលរួមក្នុងប្រព័ន្ធអប់រំវិជ្ជាជីវៈ។

រហូតដល់ឆ្នាំ ២០៣០ ទីក្រុងកឹងធើ ខិតខំមានអត្រាកម្លាំងពលកម្មដែលបានបណ្តុះបណ្តាល និងមានសញ្ញាបត្រ ឬវិញ្ញាបនបត្រ សម្រេចពី ៣៥% - ៤០% និង ៨០% កម្មករនិយោជិត មានជំនាញប្រើប្រាស់បច្ចេកវិទ្យាព័ត៌មាន។

ប្រព័ន្ធគ្រឹះស្ថានអប់រំវិជ្ជាជីវៈ ក៏បានលើកកម្ពស់និងអភិវឌ្ឍគ្រប់ជ្រុងជ្រោយ ដោយឆ្ពោះទៅរកការបង្កើតគ្រឹះស្ថានបណ្តុះបណ្តាលដែលមានគុណភាពខ្ពស់ ដើម្បីឆ្លើយតបទៅនឹងតម្រូវការធនធានមនុស្សសម្រាប់វិស័យសេដ្ឋកិច្ចសំខាន់ៗ របស់ទីក្រុងនិងតំបន់វាលរាបទន្លេគឺវឡុង៕

ប្រភពៈ laodong.vn - ពេជ្រសឿន

ចែករំលែកអត្ថបទ

ពាក្យគន្លឹះ