គោលនយោបាយ -ការរស់នៅ គោលនយោបាយ

08/06/2026 - 21:13

ម្ចាស់ការជួយអ្នកទន់ខ្សោយអំពីនីតិវិធីរដ្ឋបាល

ដើម្បីជួយដល់មុខសញ្ញាទន់ខ្សោយក្នុងការអនុវត្តនីតិវិធីរដ្ឋបាល ឃុំត្រឹងដេ ទីក្រុងកឹងធើ បានសកម្មផ្សព្វផ្សាយនូវទម្រង់ “ជួយមុខសញ្ញាទន់ខ្សោយដោះស្រាយនីតិវិធីរដ្ឋបាលចល័តនៅលើភូមិឋានឃុំត្រឹងដេ"។ មកដល់ពេលនេះ ទម្រង់អនុវត្តបានលទ្ធផលល្អ ប្រជាជនស្របគំនិតគាំទ្រយ៉ាងខ្លាំង។

ទម្រង់ "ជួយមុខសញ្ញាទន់ខ្សោយដោះស្រាយនីតិវិធីរដ្ឋបាលចល័តនៅលើភូមិឋានឃុំត្រឹងដេ” ដោយគណៈកម្មាធិការប្រជាជនឃុំត្រឹងដេដាក់ចេញផែនការ និងប្រគល់ភារកិច្ចដល់មជ្ឈមណ្ឌលបម្រើសេវារដ្ឋបាលរដ្ឋថ្នាក់ឃុំ អនុវត្តចាប់ពីដើមខែកុម្ភៈ ឆ្នាំ២០២៦ ដើម្បីជូយដល់អ្នកវ័យចាស់ អ្នកពិការ និងអ្នកគ្មានទីពឹង ក្នុងការអនុវត្តនីតិវិធីរដ្ឋបាលចាំបាច់ ដូចជា៖ គាំពារសង្គម សម្រង់អត្រានុកូលដ្ឋាន និងការពិនិត្យបញ្ជាក់...។ យោងតាមតម្រូវការដែលប្រជាជនចុះឈ្មោះ និងបញ្ជីឈ្មោះពិនិត្យពីគណៈប្រជាជនភូមិ កម្មាភិបាលឃុំបានម្ចាស់ការចុះទៅតាមផ្ទះនីមួយៗ ដើម្បីជួយប្រជាជនអនុវត្តនីតិវិធីរដ្ឋបាល។ ជាពិសេស បន្ទាប់ពីអនុវត្តនីតិវិធីរដ្ឋបាលចល័តនៅតាមផ្ទះ ប្រជាជនក៏បានកម្មាភិបាលយកលទ្ធផលទៅប្រគល់ជូនដល់ផ្ទះតែម្តង។

ឆ្នាំនេះ លោកយាយ ថាច់ធីសារី មានអាយុជាង ៨០ឆ្នាំហើយ នៅភូមិបាយយ៉ា ឃុំត្រឹងដេ មានសុខភាពខ្សោយ ភ្នែកស្រវាំង និងធ្វើដំណើរទៅមកមានការលំបាក។ ពេលទទួលបានព័ត៌មានចុះឈ្មោះ កម្មាភិបាលឃុំបានចុះទៅដល់ផ្ទះដើម្បីជួយលោកយាយបំពេញនីតិវិធីប្រគល់សិទ្ធិទទួលប្រាក់ឧបត្ថម្ភសង្គម និងនាំយកលទ្ធផលមកជូនដល់ផ្ទះ។ នៅថ្ងៃដែលទទួលបានលទ្ធផល លោកយាយសារី បានចែករំលែកទាំងក្តីរំភើប៖ “ខ្ញុំឆ្នាំនេះអាយុ ៨៨ឆ្នាំហើយ ដើរទៅមកមានការលំបាក ភ្នែកមើលមិនច្បាស់ ដូច្នេះ មិនអាចឡើងទៅឃុំទទួលប្រាក់បាន ទើបចុះឈ្មោះប្រគល់សិទ្ធិឱ្យកូនទទួលប្រាក់ជំនួស។ បានកម្មាភិបាលចុះមកធ្វើដល់ផ្ទះ និងយកលទ្ធផលមកប្រគល់ដល់ផ្ទះ ខ្ញុំពិតជាត្រេកអរខ្លាំងណាស់ ហើយសូមអរគុណកម្មាភិបាលយ៉ាងជ្រាលជ្រៅ។ ឱ្យតែដល់ខែ កូនខ្ញុំទៅបើកប្រាក់យកមកឱ្យខ្ញុំ គឺមានភាពងាយស្រួលណាស់។

កម្មាភិបាលមកដល់ផ្ទះប្រគល់លទ្ធផលនីតិវិធីរដ្ឋបាលជូនលោកយាយ ថាច់ធីសារី ។

ប្អូនង្វៀនវ៉ាំងហ្វាងត្វឹង នៅភូមិយ៉ុងជួ ឃុំត្រឹងដេ ឆ្នាំនេះមានអាយុ ៩ ឆ្នាំ ប៉ុន្តែមិនទាន់មានសំបុត្រកំណើតនៅឡើយ។ ដោយសារឪពុកម្តាយលែងលះគ្នា ទៅធ្វើការនៅឆ្ងាយ គ្មានអ្នកណាជំហរធ្វើសំបុត្រកំណើតឱ្យប្អូន។ ក្រោយពីទទួលបានព័ត៌មានពីគណៈប្រជាជនភូមិ ថ្នាក់ដឹកនាំមជ្ឈមណ្ឌលបម្រើសេវារដ្ឋបាលរដ្ឋថ្នាក់ឃុំ បានចាត់តាំងកម្មាភិបាលឱ្យចុះមកជួយធ្វើឯកសារ ផ្តល់សំបុត្រកំណើតឱ្យប្អូនដើម្បីធ្វើអត្តសញ្ញាណពលរដ្ឋ និងធ្វើលិខិតចូលរៀនក្នុងឆ្នាំខាងមុខ។ ពេលទទួលសំបុត្រកំណើតនៅផ្ទះ បងស្រីង្វៀនធីធ្វិយ ជាអ៊ំស្រីបង្កើតរបស់ប្អូន ង្វៀនវ៉ាំងហ្វាងត្វឺង មានក្តីសប្បាយរីករាយយ៉ាងខ្លាំង និងថ្លែងអំណរគុណយ៉ាងជ្រាលជ្រៅចំពោះកម្មាភិបាល រដ្ឋអំណាចភូមិភាគ។

ថ្នាក់ដឹកនាំគណៈកម្មាធិការប្រជាជន និងកម្មាភិបាលមជ្ឈមណ្ឌលបម្រើសេវារដ្ឋបាលរដ្ឋថ្នាក់ឃុំ បានចុះមកដល់ផ្ទះ ប្រគល់សំបុត្រកំណើតដល់ប្អូន ង្វៀនវ៉ាំងហ្វាងត្វឹង។

ទោះជាទើបអនុវត្តចាប់ដើមពីខែកុម្ភៈក៏ដោយ ប៉ុន្តែ ទម្រង់ "ជួយមុខសញ្ញាទន់ខ្សោយដោះស្រាយនីតិវិធីរដ្ឋបាលចល័តនៅភូមិឋានឃុំត្រឹងដេ" បានជួយប្រជាជនរាប់រយនាក់ដែលជាក្រុមទន់ខ្សោយ ឱ្យបំពេញនីតិវិធីរដ្ឋបាលបានទាន់ពេល។ ទម្រង់នេះបានវាយតម្លៃខ្ពស់ចំពោះភាពជាក់ស្តែង និងប្រសិទ្ធភាព បង្ហាញយ៉ាងច្បាស់ពីស្មារតី "ដើម្បីប្រជាជនធ្វើការបម្រើ" អនុវត្តនូវទិសដៅជិតដិតប្រជាជន និងកៀកជិតប្រជាជនរបស់រដ្ឋអំណាចភូមិភាគ ២ ថ្នាក់ បើកចេញទិសដៅថ្មីក្នុងការកែទម្រង់រដ្ឋបាលនាពេលបច្ចុប្បន្ន។ លោក ត្រឹងក្វឹកថាយ - នាយករងមជ្ឈមណ្ឌលបម្រើសេវារដ្ឋបាលរដ្ឋឃុំត្រឹងដេ មានប្រសាសន៍៖ "ដោយទទួលបានការស្របគំនិត និងឯកភាពខ្ពស់ និងការបង្កលក្ខណៈងាយស្រួលពីថ្នាក់ដឹកនាំគណៈកម្មាធិការប្រជាជនឃុំដើម្បីអនុវត្តទម្រង់នេះ មជ្ឈមណ្ឌលបម្រើសេវារដ្ឋបាលរដ្ឋក៏បានផ្សព្វផ្សាយអនុវត្ត សហការល្អជាមួយបណ្តាការិយាល័យ ផ្នែក និងអង្គការមហាជន ព្រមទាំងប្រធានគណៈប្រជាជនភូមិនានា ដើម្បីពិនិត្យឡើងវិញនូវមុខសញ្ញា ផ្សព្វផ្សាយឱ្យប្រជាជនបានដឹង និងចុះឈ្មោះនៅតាមភូមិ បន្ទាប់មកយើងខ្ញុំនឹងចាត់កម្មាភិបាលជំនាញឱ្យមកដោះស្រាយសំណុំឯកសារទៅតាមលំដាប់លំដោយនៃនិតិវិធី រួចប្រគល់លទ្ធផលជូនប្រជាជនដល់ផ្ទះ ជួយបន្ថយប្រាក់ចំណាយនិងការធ្វើដំណើរទៅមក និងជួយសម្រាលបន្ទុកសម្រាប់ប្រជាជន"។

ប្រសិទ្ធភាពពីទម្រង់របស់ឃុំត្រឹងដេ បានឱ្យឃើញថា សំណុំឯកសារនីមួយៗបានសម្រេចរួចរាល់ មិនត្រឹមតែជាលទ្ធផលនៃនីតិវិធីរដ្ឋបាលប៉ុណ្ណោះទេ ថែមទាំងជាក្តីជំនឿទុកចិត្តដែលបានពូនជ្រុំ និងបញ្ជាក់ពីតម្លៃនៃគ្រឹះឋានរដ្ឋបាលដើម្បីប្រជាជនធ្វើការបម្រើ៕

ថាញហុង-ត្រឹងរ៉ូន

ចែករំលែកអត្ថបទ

ពាក្យគន្លឹះ