ព្រឹត្តិការណ៍ - នយោបាយ ព្រឹត្តិការណ៍

05/06/2026 - 21:57

ប្រសិទ្ធភាពនៃចលនារៀនសូត្រនិងធ្វើតាមគំរូអ៊ំ

ជ្រួតជ្រាបដំបូន្មានលោកប្រធានហូជីមិញ “គំរូរស់មួយមានតម្លៃជាងសុន្ទរកថាឃោសនារាប់រយច្បាប់” គណៈកម្មាធិការបក្ស រដ្ឋអំណាចទីក្រុងកឹងធើ តែងតែយកចិត្តទុកដាក់កសាងនិងពង្រីកទម្រង់ គំរូជឿនលឿនក្នុងការរៀនសូត្រ និងធ្វើតាមគំរូអ៊ំលើគ្រប់វិស័យ។ តាមនោះ រួមចំណែកជំរុញការរៀនសូត្រ និងធ្វើតាមគំរូអ៊ំកាន់តែជ្រាលជ្រៅ បង្កការរីកសាយភាយយ៉ាងខ្លាំងក្លាក្នុងកម្មាភិបាល បក្ខជន និងប្រជាជនគ្រប់ជាន់ស្រទាប់។

សមាគមសហព័ន្ធនារីសង្កាត់អូរម៉ូង បើកយុទ្ធនាការអនាម័យបរិស្ថាន និងដាំដើមឈើអបអរសាទរទិវាបុណ្យកំណើតលោកប្រធានហូជីមិញ។

ជាមួយទិសស្លោក “រៀនតាមគំរូអ៊ំពីប្រការសាមញ្ញបំផុត” សមាគមសហព័ន្ធនារីគ្រប់ថ្នាក់នៃសង្កាត់អូរម៉ូង បានផ្សព្វផ្សាយកសាងទម្រង់និងមានសកម្មភាពជាក់ស្ដែងជាច្រើន ស្របតាមតម្រូវការរបស់សមាជិកានៅភូមិភាគ និងភ្ជាប់ជាមួយភារកិច្ចនយោបាយតាមដំណាក់កាលនីមួយៗ។ លោកស្រី វ៉ធីធ្វីដង ប្រធានសមាគមសហព័ន្ធនារីសង្កាត់អូរម៉ូង ឱ្យដឹងថា អនុវត្តតាមសេចក្ដីសន្និដ្ឋានលេខ ០១-KL/TW របស់ការិយាល័យនយោបាយ ការងារកសាងនិងពង្រីកទម្រង់ គំរូជឿនលឿន បានកំណត់ជាខ្លឹមសារស្នូលមួយ ដើម្បីបង្កការវិវឌ្ឍយ៉ាងច្បាស់ក្នុងការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ។ សមាគមបានកសាងនិងរក្សាទម្រង់ជាច្រើនដូចជា៖ ចិញ្ចឹមជ្រូកដីសន្សំប្រាក់ទិញធានារ៉ាប់រងសុខាភិបាល; នារីសប្បុរសធម៌-ចែករំលែកក្ដីស្រឡាញ់; ក្រុមនារីចូលរួមផ្កោលទោស បង្ការបង្ក្រាបបទល្មើសការពារសន្តិសុខមាតុភូមិ; នារីប្រមូលសំរាមបង្កើតមូលនិធិសមាគម និងកំណាត់ផ្លូវនារីស្វ័យគ្រប់គ្រង។ ទន្ទឹមនឹងនោះ សមាគមសកម្មជួយឧបត្ថម្ភសមាជិកា នារីផ្ដើមធើ្វអាជីព និងអភិវឌ្ឍន៍សេដ្ឋកិច្ច តាមរយៈគម្រោងលេខ ២៤១៥ “ជួយឧបត្ថម្ភនារីផ្ដើមអាជីព ដំណាក់កាល ២០២៦ - ២០៣៥” និងគម្រោង ១ “ជួយឧបត្ថម្ភសហករណ៍ដែលនារីចូលរួមគ្រប់គ្រង និងបង្កការងារធ្វើជូននារី រហូតដល់ឆ្នាំ ២០៣០”។ បណ្ដាទម្រង់សកម្មភាពទាំងនេះសម្រេចបានប្រសិទ្ធភាពខ្ពស់ បង្កជាកម្លាំងរីកសាយភាយយ៉ាងខ្លាំងក្លាដល់កម្មាភិបាល សមាជិកា និងប្រជាជន ព្រមទាំងពង្រីកតួនាទី ឋានៈរបស់នារីក្នុងការអនុវត្តភារកិច្ចនយោបាយ និងអភិវឌ្ឍន៍សេដ្ឋកិច្ច-សង្គមនៅភូមិភាគ។

លោកគ្រូ អ្នកគ្រូ និងសិស្សានុសិស្សសាលាអនុវិទ្យាល័យនិងវិទ្យាល័យជនជាតិអន្តេវាសិកថាញ់ភូ ចេញដំណើរធ្វើអនាម័យគាំទ្រយុទ្ធនាការធ្វើឱ្យពិភពលោកកាន់តែជ្រះស្អាត។

ផ្អែកលើលក្ខខណ្ឌជាក់ស្ដែង សាលាអនុវិទ្យាល័យនិងវិទ្យាល័យជនជាតិអន្តេវាសិកថាញ់ភូ បានច្នៃប្រតិដ្ឋក្នុងការរៀបចំចលនាប្រឡងប្រណាំង “បង្រៀនល្អ - រៀនល្អ” ដោយរូបភាពយយ៉៉ាងសម្បូរបែប ព្រមទាំងរៀបចំសកម្មភាពអប់រំបំណិនរស់នៅ។ សាលាតែងតែលើកទឹកចិត្តលោកគ្រូអ្នកគ្រូផ្លាស់ប្ដូរវិធីសាស្ត្របង្រៀន ពីការផ្ទេរចំណេះដឹងតាមបែបប្រពៃណី មកជាការរៀបចំសកម្មភាពស្វ័យសិក្សាសម្រាប់សិស្ស បង្កបរិយាកាសអប់រំប្រជាធិបតេយ្យ ជួយឱ្យប្អូនៗម្ចាស់ការ បត់បែន និងច្នៃប្រតិដ្ឋក្នុងការសិក្សា ព្រមទាំងហាត់ពត់លត់ដំខ្លួន។ ជាក់ស្តែងដូចជាការអនុវត្តចលនា “កុមារវៀតណាមរៀនសូត្រ និងធ្វើតាមគំរូអ៊ំ” ខិតខំប្រឹងប្រែងសិក្សា អនុវត្តល្អនូវលក្ខន្តិកៈរបស់សាលា និងសកម្មកសាង “សាលារៀនជិតស្និទ្ធ សិស្សសកម្ម”។ លោកគ្រូ ត្រឹងទ្រុងថៅ លេខាសម្ព័ន្ធយុវជនសាលា ឱ្យដឹងថា ឆ្នាំសិក្សាកន្លងហើយ សាលាសម្រេចបានលទ្ធផលគួរឱ្យមោទនៈ ដោយមានសិស្ស ០៤ នាក់សម្រេចបានកិត្តិនាមជាសិស្សរៀនពូកែថ្នាក់ទីក្រុង សិស្ស ០១ នាក់បានស្ងើចសរសើរជាសិស្សល្អ ៣ យ៉ាងថ្នាក់ទីក្រុង សិស្ស ០៥ នាក់បានស្ងើចសរសើរជាសិស្សល្អ ៣ យ៉ាងថ្នាក់ឃុំ និងគ្រូបង្រៀន ០៣ នាក់សម្រេចកិត្តិនាមជា"យុទ្ធជនប្រណាំងប្រណាំងថ្នាក់មូលដ្ឋាន"។

ជាមួយនឹងលទ្ធផលសម្រេចបាន សង្ឃឹមថា គ្រប់់ថ្នាក់ សមាគម និងអង្គការនយោបាយ-សង្គមទីក្រុង នឹងបន្តអនុវត្តល្អការងារកសាង ព្រមទាំងពង្រីកទម្រង់ល្អៗ និងរបៀបធ្វើមានប្រសិទ្ធភាព; ស្ងើចសរសើរជូនរង្វាន់និងលើកកិត្តិយសសមូហភាព បុគ្គលមានស្នាដៃឆ្នើមទាន់ពេល ដើម្បីជំរុញការរៀនសូត្រ និងធ្វើតាមគំរូអ៊ំកាន់តែរីកសាយភាយខ្លាំងក្លា និងមានប្រសិទ្ធភាព៕

ថាញវ៉ាង - ថាច់ធី

ចែករំលែកអត្ថបទ

ពាក្យគន្លឹះ