ព្រឹត្តិការណ៍ - នយោបាយ ព្រឹត្តិការណ៍

11/05/2026 - 10:13

ពិនិត្យទទួលប្រធានបទ “វាយតម្លៃផលប៉ះពាល់នៃការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ នៅខេត្តសុកត្រាំង”

មន្ទីរវិទ្យាសាស្ត្រ និងបច្ចេកវិទ្យាក្រុងកឹងធើ បានចាត់តាំងក្រុមប្រឹក្សាវិទ្យាសាស្ត្រ ពិនិត្យទទួលប្រធានបទ “វាយតម្លៃផលប៉ះពាល់នៃការរៀនសូត្រ និងធ្វើតាមឧត្តមគតិ សីលធម៌ ឥរិយាបថហូជីមិញ នៅខេត្តសុកត្រាំង (ចាស់)”។ ប្រធានបទ ដឹកនាំអនុវត្តដោយសាលានយោបាយក្រុងកឹងធើ បណ្ឌិត ង្វៀងផឹងដូវ ជាប្រធានគម្រោងចាប់ផ្តើម អនុវត្តពីខែតុលា ឆ្នាំ ២០២៤ ដល់ខែមីនា ឆ្នាំ២០២៦។

ប្រធានគម្រោងរបាយការណ៍លទ្ធផលអនុវត្តប្រធានបទជាមួយក្រុមប្រឹក្សាពិនិត្យទទួលប្រធានបទ។

ប្រធានបទនេះបានកសាងនូវក្របខ័ណ្ឌ ទ្រឹស្តី ធ្វើជាមូលដ្ឋានវិភាគ ក្នុងនោះធ្វើឱ្យជាក់ច្បាស់នូវទស្សនទានស្នូលជាច្រើនដូចជា៖ ការវាយតម្លៃ, ផលប៉ះពាល់, ការរៀនសូត្រ, ការធ្វើតាមឧត្តមគតិ - សីលធម៌ - ឥរិយាបថហូជីមិញ។ ទន្ទឹមនឹងនោះ ចាត់ទុកការរៀនសូត្រនិងធ្វើតាមអ៊ំក្នុងទំនាក់ទំនងជិតស្និទ្ធរវាងការយល់ដឹងសីលធម៌ ការប្រព្រឹត្តនិងលទ្ធផលកិច្ចការរដ្ឋ។

លទ្ធផលនៃការស្រាវជ្រាវជាក់ស្តែងបានបង្ហាញឱ្យឃើញ ការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ នៅខេត្តសុកត្រាំង (ចាស់) រយៈពេលកន្លង បង្កបានផលប៉ះពាល់វិជ្ជមានជាជំហានដំបូង ចំពោះកងជួរកម្មាភិបាល បក្ខជន អ្នករដ្ឋការ បុគ្គលិក បានស្តែងឡើង តាមរយៈការលើកកម្ពស់ការយល់ដឹងខាងនយោបាយ ពង្រឹងសីលធម៌កិច្ចការរដ្ឋ និងជាជំហានកែលម្អឥរិយាបថធ្វើការ។ ថ្វីដ្បិតតែដូច្នោះ នៅតែមានគម្លាតគួរឱ្យកត់សម្គាល់រវាង “ការរៀនសូត្រ” និង “ការធ្វើតាម”, រវាងការយល់ដឹង និងការប្រព្រឹត្ត, រវាងតម្រូវការធ្វើជាគំរូ និងអនុវត្តជាក់ស្តែង ជាពិសេសនៅថ្នាក់មូលដ្ឋាន និងបរិស្ថានកិច្ចការរដ្ឋនៅរងសម្ពាធថ្មីៗជាច្រើន។

ប្រធានបទនេះក៏បានព្យាករណ៍អំពីកត្តា ជះឥទ្ធិពលថ្មីៗ ក្នុងបរិការណ៍បង្កើតក្រុងកឹងធើថ្មី ឆ្លងតាមរយៈនោះ កំណត់ទិសដៅ និងប្រព័ន្ធដំណោះស្រាយដែលបានស្នើឡើងជា ៤ ក្រុមធំៗ រួមចំណែកលើកកម្ពស់ប្រសិទ្ធភាពការរៀនសូត្រ និងធ្វើតាមឧត្តមគតិ សីលធម៌ ឥរិយាបថហូជីមិញនៅពេលខាងមុខ។

ក្រុមប្រឹក្សាវិទ្យាសាស្ត្របានឯកភាពទទួលស្គាល់ប្រធានបទ។ លទ្ធផលនៃប្រធានបទនេះ គឺជាឯកសារយោងដ៏មានតម្លៃ និងជាមូលដ្ឋានវិទ្យាសាស្ត្រដ៏មានសារប្រយោជន៍ក្នុងការលើកកម្ពស់ប្រសិទ្ធភាពការរៀនសូត្រ និងធ្វើតាមឧត្តមគតិ សីលធម៌ ឥរិយាបថហូជីមិញរបស់ទីក្រុង៕

ឡែធូ - វ៉ាន់តឹន

ចែករំលែកអត្ថបទ

ពាក្យគន្លឹះ