សុខភាព - អប់រំ សុខភាព

24/04/2026 - 07:32

ដំណាក់សុខាភិបាលឃុំលីវទូ អនុវត្តល្អការងារថែទាំសុខភាពដំបូងជូនប្រជាជន

កំណត់ច្បាស់ការងារថែទាំសុខភាពដំបូងជូនប្រជាជន គឺជាភារកិច្ចដ៏សំខាន់និងជាប្រចាំ ប៉ុន្មានឆ្នាំកន្លង ដំណាក់សុខាភិបាលឃុំលីវទូ ទីក្រុងកឹងធើ មិនត្រឹមតែអនុវត្តល្អការងារពិនិត្យព្យាបាលជំងឺជូនប្រជាជនប៉ុណ្ណោះទេ ថែមទាំងអនុវត្តមានប្រសិទ្ធភាពនូវកម្មវិធីទិសដៅសុខាភិបាលបង្ការ ទប់ស្កាត់រោគឆ្លងរាលដាលទៀតផង។

កម្មាភិបាលពេទ្យនៃដំណាក់សុខាភិបាលឃុំលីវទូ ទីក្រុងកឹងធើ កំពុងព្យាបាលជំងឺជូនប្រជាជនដោយវិធីចាក់ម្ជុល។

តាមប្រសាសន៍វេជ្ជបណ្ឌិត ឯកទេសកម្រិត II ត្រឹងស្វឹងយេវ នាយកដំណាក់សុខាភិបាលឃុំលីវទូ ដំណាក់សុខាភិបាលគឺជាប្រព័ន្ធសុខាភិបាលមូលដ្ឋាននៅជិតប្រជាជនបំផុត ជាជួរមុខក្នុងការថែទាំសុខភាពសហគមន៍។ ប្រសិនបើអនុវត្តល្អនឹងជួយបន្ថយការហួសចំណុះឱ្យមន្ទីរពេទ្យថ្នាក់លើ ពិសេសគឺបន្ថយលើការចំណាយនិងសំចៃពេលវេលារបស់ប្រជាជន ពេលទៅពិនិត្យព្យាបាលជំងឺ។ ហេតុនេះ ថ្នាក់ដឹកនាំដំណាក់សុខាភិបាលតែងចាត់ការងារច្បាស់លាស់ដល់បុគ្គលិកម្នាក់ៗ ឱ្យតាមដានច្បាមភូមិភាគ ដើម្បីមានវិធានការជាក់ស្តែងនិងសមស្របក្នុងការថែទាំសុខភាពប្រជាជនលើភូមិឋាន។ ទន្ទឹមនឹងនោះ លើកកម្ពស់ស្មារតីទទួលខុសត្រូវ អស់ពីចិត្តជាមួយប្រជាជន ចំពោះករណីជំងឺសាមញ្ញទូទៅ តែងបានធ្វើរោគវិនិច្ឆ័យ និងដោះស្រាយឆាប់រហ័សនៅនឹងដំណាក់។ ចំពោះករណីជំងឺដែលហួសពីសមត្ថភាព ដំណាក់សុខាភិបាលនឹងបញ្ជូនទៅពេទ្យថ្នាក់លើទាន់ពេល មិនទុកឱ្យកើតមានហេតុការណ៍ដែលមិនគួរកើតមាន។ អាស្រ័យអនុវត្តល្អការងារពិនិត្យព្យាបាលជំងឺ អនុវត្តល្អក្រមសីលធម៌គ្រូពេទ្យទាំង ១២ ប្រការ ទើបការងារពិនិត្យព្យាបាលជំងឺរបស់ដំណាក់សម្រេចបានលទ្ធផលវិជ្ជាមានជាច្រើន។ ក្នុង៣ខែដើមឆ្នាំ ២០២៦ ដំណាក់សុខាភិបាលបានចាត់តាំងពិនិត្យព្យាបាលជំងឺជូនប្រជាជនប្រមាណ ៨៤៦ លើកនាក់។ អ្នកមីងត្រេវធីជិញ ប្រជាជននៅភូមិភាគ ឱ្យដឹង៖ ”ពេលមកពិនិត្យសុខភាពនៅដំណាក់ម្តងៗ យើងខ្ញុំតែងបានក្រុមគ្រូពេទ្យ វេជ្ជបណ្ឌិត រួសរាយរាក់ទាក់ ពិនិត្យជំងឺ ពិគ្រោះយោបល់ណែនាំពីរបៀបលេបថ្នាំនិងថែទាំសុខភាពដោយអស់ពីចិត្ត”។

ទន្ទឹមនឹងការលើកកម្ពស់គុណភាពនៃការពិនិត្យ ព្យាបាលជំងឺ កម្មវិធីទិសដៅសុខាភិបាលជាតិ ក៏បានដំណាក់ធ្វើការផ្សព្វផ្សាយព្រមៗគ្នា សម្រេចភាគកម្រិតដាក់ចេញ។ ក្នុងនោះ ការងារបង្ការទប់ស្កាត់រោគរាលដាលក៏បានដំណាក់ជំរុញខ្លាំងក្លាដោយវិធានការជាច្រើន មានដូច៖ បង្កើនការត្រួត ពិនិត្យ ឃ្លាំមើល ប្រទះឃើញ កម្ចាត់សំបុកជំងឺទាន់ពេល សហការជាមួយគណៈ ផ្នែកនានា ក្នុងឃុំចាត់តាំងផ្សព្វផ្សាយចល័ត ចែកចាយខិត្តប័ណ្ណ ព្រមទាំងចូលរួមរាល់សកម្មភាពបង្ការទប់ស្កាត់រោគ ឆ្លងរាលដាលជាមួយប្រជាជន ចូលរួមបោសសម្អាត កាប់ឆ្ការគុម្ពោតព្រៃ កម្ចាត់ដង្កូវទឹកនៅតាមភូមិលើភូមិឋានជាប្រចាំ។ល។ អាស្រ័យហេតុនោះ លើភូមិឋានឃុំគ្មានសំបុករោគធំៗកើតឡើងមួយករណីណាឡើយ។

វេជ្ជបណ្ឌិត ឯកទេសកម្រិត II ត្រឹងស្វឹងយេវ នាយកដំណាក់សុខាភិបាលឃុំលីវទូ ផ្តល់ព័ត៌មានបន្ថែម៖ ”ដើម្បីរក្សាលទ្ធផលដែលសម្រេចបាននិងអនុវត្តកាន់តែល្អប្រសើរ ដំណាក់នឹងបន្តការជំរុញរាល់សកម្មភាពការងារផ្សព្វផ្សាយ កៀរគរប្រជាជន ខ្នះខ្នែងចូលរួមចលនារក្សាអនាម័យបង្ការជំងឺឆ្លង។ ទន្ទឹមនឹងនោះ លើកកម្ពស់ស្មារតីក្រមសីលធម៌គ្រូពេទ្យ ខិតខំប្រឹងប្រឹងបង្កើនកម្រិតជំនាញវិជ្ជាជីវៈ ឆ្លើយតបទៅនឹងតម្រូវការថែទាំសុខភាពប្រជាជនបានល្អ ជាជំហានៗក្លាយជាអាសយដ្ឋានដ៏ទំនុកចិត្តរបស់ប្រជាជនក្នុងការងារពិនិត្យព្យាលបាលជំងឺ”៕

ថាញវ៉ាង-មុនី

ចែករំលែកអត្ថបទ

ពាក្យគន្លឹះ