មហាសាមគ្គីជនជាតិ ភូមិស្រុកផ្លាស់ថ្មី

22/04/2026 - 06:55

ចលនាកសិករផលិត ធ្វើអាជីវកម្មពូកែផ្ដើមពីទម្រង់មានប្រសិទ្ធភាព

ប៉ុន្មានឆ្នាំជិតៗនេះ ចលនាកសិករប្រឡងប្រណាំងផលិត ធ្វើអាជីវកម្មពូកែ បានរីកដុះដាល ទូលំទូលាយនៅភូមិភាគនានា ដែលមានជនជាតិភាគតិចរស់នៅកុះករនៃតំបន់ វាលរាបទន្លេគឺវឡុង ក្លាយជាកម្លាំងជំរុញដ៏សំខាន់សម្រាប់បង្វែររចនាសម្ព័ន្ធសេដ្ឋកិច្ច កសិកម្មតាមទិសដៅប្រសិទ្ធភាពនិងនិរន្តរភាព។

នៅភូមិហ្វាហឹង ឃុំចូវថាញ់ ខេត្តអាងយ៉ាង លោកយ័ញផាន ជាកសិករខ្មែរឆ្នើម មានស្មារតីជម្នះលំបាក ហ៊ានគិត ហ៊ានធ្វើ។ ផ្សារភ្ជាប់នឹងមុខរបរកសិកម្មតាំងពីតូច គាត់យល់ច្បាស់អំពីការលំបាកនៃការផលិតប្រពៃណី។ គិតដូច្នេះ គាត់បានសម្រេចចិត្តវិនិយោគពង្រីកទ្រង់ទ្រាយនៃការផលិត គួបផ្សំនឹងការធ្វើពិពិធកម្មដំណាំដាំដុះ និងសត្វចិញ្ចឹម ដើម្បីលើកកម្ពស់ប្រសិទ្ធភាពសេដ្ឋកិច្ច និងលំនឹងប្រាក់ចំណូល។

ទម្រង់ចម្ការ -ស្រះ-ទ្រុងរបស់លោកយឿងហ្វាងលីម (ឈរកណ្តាល)។

បច្ចុប្បន្ន គាត់កំពុងធ្វើស្រែចំនួន ៨ ហិកតា ជាមួយផ្ទៃដីធំនេះ គាត់បានកំណត់ថា មានតែប្រើប្រាស់គ្រឿងយន្តទេ ទើបធានាបានការផលិត។ ដូច្នេះ គាត់បានវិនិយោគគ្រឿងយន្តទំនើបៗ មានគោយន្ត ម៉ាស៊ីនព្រោះ ម៉ាស៊ីនបាញ់ថ្នាំ និងដ្រូនកសិកម្មជាដើម។ អាស្រ័យអនុវត្តយន្តូបនីយកម្មព្រមៗគ្នា គាត់បានបន្ថយថ្លៃកម្មករជាច្រើន ហើយម្ចាស់ការបានរដូវកាលនីមួយៗនិងបង្កើនបានទិន្នផល។

លើផ្ទៃដីនេះ លោកយ័ញផាន បានជ្រើសរើសពូជស្រូវដាយធើមដើម្បីផលិត។ បច្ចុប្បន្ន តម្លៃស្រូវពី ៦.៣០០-៧.២០០ ដុងក្នុងមួយគីឡូក្រាម។ អាស្រ័យការអនុវត្តបច្ចេកទេស កសិកម្មទំនើប និងការគ្រប់គ្រងមើលថែបានហ្មត់ចត់ ទើបទិន្នផលបានលំនឹងតាមរដូវកាលនាំមកនូវប្រាក់ចំណេញជាង ២០០ លានដុង ក្នុងមួយរដូវ។ ក្រៅពីនេះ គាត់ក៏បានផ្ទេរផ្ទៃដីជិត ២ កុងមកដាំដំណាំ មានដូច ជីរក្រសាំងទំហំភ្លៅកង្កែបនិងម្អម ដោយមានបទពិសោធន៍ជាង ១០ ឆ្នាំ គាត់មានបទពិសោធន៍អំពីបច្ចេកទេសដាំដុះថែទាំមានប្រសិទ្ធភាព ធានាបាននូវផលិតផលស្រស់ស្អាត និងមានគុណភាពខ្ពស់។ តម្លៃលក់ចាប់ពី ៧.០០០ - ៨.០០០ ដុងក្នុងមួយគីឡូក្រាម រកបានប្រាក់ចំណូល ១៥ លានដុងក្នុងមួយខែ រួមចំណែកបង្កបានប្រភពចំណូលស្ថិរភាពនិងឆ្លាស់គ្នារវាងការដាំដំណាំនិងធ្វើស្រូវ។

ទន្ទឹមនឹងនោះ ទម្រង់ចិញ្ចឹមជ្រូកក៏បានរក្សាដោយជ្រូកមេ ២ ក្បាលនិងជ្រូកសាច់ជិត ១០ ក្បាល។ ហ្វូងកន្លងហើយ ជាមធ្យមមានទម្ងន់ ១០០ គីឡូក្រាម/ក្បាល លក់បានតម្លៃជិត ៦ លានដុង។ លោកផាន ឱ្យដឹង “អាស្រ័យគួបផ្សំរវាងការធ្វើស្រែ ដាំដំណាំ និងចិញ្ចឹមសត្វ បានជួយឱ្យគ្រួសារគាត់មានប្រាក់ចំណូលជាប្រចាំ កាត់បន្ថយហានិភ័យនៅពេលដែលតម្លៃកសិកម្មប្រែប្រួល និងលំនឹងសេដ្ឋកិច្ចគ្រួសារ”។

ជាមួយការខិតខំប្រឹងប្រែងឥតឈប់ឈរ លោកយ័ញផាន បានសម្រេចកិត្តិនាមជាកសិករផលិត ធ្វើអាជីវកម្មពូកែថ្នាក់ខេត្ត ៥ ឆ្នាំបន្តបន្ទាប់។ លោកយ័ញផាន មិនត្រឹមតែធ្វើមានអោយគ្រួសារប៉ុណ្ណោះទេ គាត់ក៏សកម្មចែករំលែកបទពិសោធន៍ ជួយដល់មាមីងអនុវត្តយន្តូបនីយកម្មដើម្បីបង្កើនប្រសិទ្ធភាពក្នុងការផលិត។

លោកយ័ញផាន កំពុងថែទាំចម្ការដំណាំ។

នៅមណ្ឌល២ សង្កាត់មីស្វៀង ទីក្រុងកឹងធើ លោកយឿងហ្វាងលីម ប្រធានសាខាសមាគមកសិករមណ្ឌល ២ ជាកសិករមួយរូបក្នុងចំណោមកសិករឆ្នើមដែលមានទម្រង់ផលិតចម្រុះ សម្រេចប្រសិទ្ធភាពសេដ្ឋកិច្ចខ្ពស់។ ក្រៅពីដីផលិតវ ៧ ហិតតា លោកបានប្រើប្រាស់ដីចម្ការជិត ២ ហិតតា ជាជំហានៗបង្វែរទម្រង់ផលិតតាមទិសដៅយន្តូបនីយកម្ម គួបផ្សំរវាងដាំដុះនិងចិញ្ចឹមសត្វ។ ដោយបានបុលទុន៥០លានដុងពីមូលនិធិឧបត្ថម្ភកសិករ លោកបានវិនិយោគបង្កើតទម្រង់ចម្ការ ស្រះ ទ្រុងបិទជិត រួមចំណែកលើកកម្ពស់ប្រសិទ្ធភាពសេដ្ឋកិច្ច។ នៅលើផ្ទៃដីចម្ការ លោកបានដាំដើមដូងម៉ាឡេស៊ីជាង ៧០០ ដើម ឆ្លាស់ជាមួយដើមក្រូចឆ្មារ ឥតគ្រាប់ជាង ១.០០០ ដើម។ នេះជាដំណាំពីរប្រភេទដែលមានតម្លៃសេដ្ឋកិច្ចខ្ពស់សម្រាប់ផ្គត់ផ្គង់ទីផ្សារនាំចេញនិងមានច្រកនាំចេញស្ថិរភាព។ ក្នុងមួយខែៗ គាត់ប្រមូលផលដូងបានប្រហែល ៩.០០០ ផ្លែ រកបានចំណូលជាង ៤០ លានដុង។ ដូងដែលមានទម្ងន់ ១,៣ គីឡូក្រាមឡើងទៅ បានចាត់ជាកម្រិតទី ១ មានតម្លៃ ៥០.០០០ ដុងក្នុង១ឡូ។ ដោយបានចុះកិច្ចសន្យាជាមួយដៃគូធានាទិញ ការនាំចេញផលិតផលមានចីរភាព កាត់បន្ថយហានិភ័យទីផ្សារ។ ចំណាយថ្លៃថែទាំអស់ប្រហែល ៥ លានដុងក្នុងមួយខែ ម្ល៉ោះហើយរកបានប្រាក់ចំណេញ ខ្ពស់បង្គួរ។ ចំពោះក្រូចឆ្មារឥតគ្រាប់ លោកប្រមូលផលបីលើកក្នុងមួយខែ ផ្តល់ទិន្នផលជិត១០ តោនក្នុងមួយឆ្នាំ ដោយតម្លៃលក់ពី ២៥.០០០ ដល់ ២៧.០០០ ដុងក្នុងមួយគីឡូក្រាម។ ដោយប្រើប្រាស់ផ្ទែដីដាំក្រោមដើមដូង សំចៃបានថ្លៃចំណាយ និងបង្កើនប្រសិទ្ធភាពនៃការប្រើប្រាស់ដី។ នៅទីតាំងស្រះចិញ្ចឹមត្រី គាត់បានចិញ្ចឹមត្រីក្រាញ ត្រីប្រា និងត្រីផ្សេងៗទៀត បានលែងត្រីពូជចិញ្ចឹមជិត ២០០ គីឡូក្រាមក្នុងមួយរដូវ។ ទន្ទឹមនឹងនោះ បងបានវិនិយោគចិញ្ចឹមអន្ទង់ចំនួន ២៤.០០០ក្បាល បច្ចុប្បន្ន លក់ក្នុងតម្លៃប្រហែល ៩៨.០០០ ដុងក្នុងមួយគីឡូក្រាម។ អាស្រ័យ ទម្រង់ចិញ្ចឹមត្រី និងអន្ទង់មានប្រសិទ្ធភាពក្នុងមួយឆ្នាំគ្រួសាររបស់បងរកបានប្រាក់ចំណូលជាង ១០០លានដុង។ និយាយអំពីចំណុចសំខាន់ៗនៃទម្រង់នេះ លោកលីម ចែករំលែក៖ “ទម្រង់នេះ គឺជាការគួបផ្សំយ៉ាងម៉ត់ចត់បណ្តាសង្វាក់នៃការផលិត។ ទឹកស្រះចិញ្ចឹមត្រីបានយកប្រើសម្រាប់ស្រោចស្រពដំណាំ។ ចំណែកចំណីសល់ពីការចិញ្ចឹមអន្ទង់បានប្រើប្រាស់សម្រាប់ត្រី បង្កបានការបង្វិលជុំ បន្ថយបានប្រាក់ចំណាយនិងជិតស្និទ្ធបរិស្ថាន”។ លោកលីម មិនត្រឹមតែជាអ្នកធ្វើសេដ្ឋកិច្ចពូកែប៉ុណ្ណោះទេ លោកនៅទាំងមាន ឆន្ទៈចែករំលែកបទពិសោធន៍ និងជួយមាមីងរួមគ្នាអភិវឌ្ឍន៍។ អាស្រ័យការខិតខំប្រឹងប្រែងជាច្រើនឆ្នាំមកនេះ គាត់បានទទួលកិត្តិនាមជាកសិករផលិត ធ្វើអាជីវកម្មពូកែថ្នាក់ទីក្រុង។ ជាពិសេស នៅឆ្នាំ ២០២៦ លោកបានឧទ្ទេសនាមឈរឆ្នោតតំណាងរដ្ឋសភា នីតិកាលទី១៦។

លោកង្វៀងថាញយ៉ាង អនុប្រធានសមាគមកសិករទីក្រុងកឹងធើ សង្កត់ធ្ងន់៖ “ជាច្រើនឆ្នាំ កន្លង ចលនាកសិករប្រឡងប្រណាំងផលិត ធ្វើអាជីវកម្មពូកែ តែងបានសមាគមកសិករគ្រប់លំដាប់ថ្នាក់យកចិត្តទុកដាក់យ៉ាងសំខាន់ ដើម្បីលើកកម្ពស់គុណភាព និងប្រសិទ្ធភាពនៃចលនានេះ។ ផ្តើមពីនោះ បានលេចចេញគ្រួសារជាច្រើនមានការផលិតទ្រង់ទ្រាយធំ ហើយមានដើមទុនអាជីវកម្មរាប់សិបពាន់លានដុងនិងមានប្រាក់ចំណូលជាមធ្យមចាប់ពី ៤០០ លានដុង ដល់រាប់ពាន់លានដុងក្នុងមួយឆ្នាំ”។ “តាមរយៈចលនានេះ បានរួមចំណែកលើកកម្ពស់ជីវភាពរបស់កសិករ បង្កបានការងារធ្វើឱ្យពលករនៅជនបទលំនឹងសេដ្ឋកិច្ចគ្រួសារ ពង្រឹងទំនុកចិត្តរបស់ប្រជាជនលើការដឹកនាំរបស់បក្ស រដ្ឋ និងសមាគមកសិករនៅភូមិភាគ”៕

ហុងទើ-ត្រឹងរ៉ូន

ចែករំលែកអត្ថបទ

ពាក្យគន្លឹះ