នៅមជ្ឈមណ្ឌលវប្បធម៌និងសន្និបាតសង្កាត់ភូឡើយ គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានចាត់តាំងពិធីជួបជុំអំណរបុណ្យចូលឆ្នាំថ្មីប្រពៃណីរបស់ជនរួមជាតិ ខ្មែរឆ្នាំ២០២៦។
អ្នកតំណាងថតរូបអនុស្សាវរីយ៍ក្នុងពិធីជួបជុំអំណរបុណ្យចូលឆ្នាំថ្មី ឆ្នាំ ២០២៦។
ចូលរួមមានសមមិត្ត៖ ស៊ើងភឿកហ្វាង អតីតអនុរដ្ឋមន្រ្តី អនុប្រធានគណៈកម្មាធិការជនជាតិ (បច្ចុប្បន្នជាក្រសួងជនជាតិនិងសាសនា); លោកស្រី ហូធីកឹមដាវ អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ; លោក ស្រីម៉ាធីទឺយ សមាជិកគណៈអចិន្រ្តៃយ៍នៃគណៈកម្មាធិការបក្សទីក្រុង អនុប្រធានប្រចាំការក្រុមប្រឹក្សាប្រជាជនទីក្រុងកឹងធើ; លោកលីរដ្ឋា សមាជិកគណៈកម្មាធិការបក្សទីក្រុង អនុប្រធានក្រុមប្រឹក្សាប្រជាជនទីក្រុងកឹងធើ; លោកង្វៀងវ៉ាំងខើយ សមាជិកគណៈកម្មាធិការបក្សទីក្រុង អនុប្រធានគណៈកម្មាធិការប្រជាជនទីក្រុងកឹងធើ; ព្រះឧបជ្ឈាយ៍តាំងណោ ព្រះសុធម្មាធិបតីរងក្រុមប្រឹក្សាវិន័យធរនៃសមាគមពុទ្ធសាសនាវៀតណាម ប្រធានសមាគមព្រះសង្ឃសាមគ្គី ស្នេហាជាតិទីក្រុងកឹងធើ; ព្រះឧបជ្ឈាយ៍ដាវញ៉ឺ អនុប្រធានក្រុមប្រឹក្សាអភិបាលសមាគមពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមទីក្រុងកឹងធើ ប្រធានវិទ្យាស្ថានពុទ្ធសាសនាទក្ខិណនិកាយខ្មែរទីក្រុងកឹងធើ ព្រមទាំងអ្នកតំណាង ជាង ៥០០ រូប ជាប្រចាំការនៃគណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុង; បណ្តាមន្ទីរ ផ្នែក; អតីតថ្នាក់ដឹកនាំទីក្រុង បណ្តាមន្ទីរ គណៈ ផ្នែក; បណ្តាអ្នកមុខអ្នកការសាសនា; កម្មាភិបាល យុទ្ធជន កម្មាភិបាលចូលនិវត្តន៍ គ្រួសារគោលនយោបាយ អ្នកមានប្រិយភាពនិងជនរួមជាតិខ្មែរ។
ទិដ្ឋភាពនៃពិធីជួបជុំ។
ស្ថិតក្នុងបរិយាកាសសប្បាយរីករាយ និងកក់ក្តៅនៃពិធីជួបជុំ អ្នកតំណាងទាំងឡាយបានស្តាប់ សមមិត្តថាច់ធីកេរិន្ទ នាយិការងមន្ទីរជនជាតិនិងសាសនាអានលិខិតប្រសិទ្ធពរបុណ្យចូលឆ្នាំថ្មីប្រពៃណីឆ្នាំ២០២៦ របស់គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ សូមគោរពប្រគេនផ្ញើជូនចំពោះព្រះឧបជ្ឈាយ៍ ព្រះតេជព្រះគុណ ព្រះសង្ឃគ្រប់ព្រះអង្គ កម្មាភិបាល យុទ្ធជន និងទូទាំងជនរួមជាតិខ្មែរក្នុងទីក្រុង នូវវាចាសួរសុខទុក្ខយ៉ាងកក់ក្តៅ ស្និទ្ធស្នាល និងសព្ទសារធុការពរដ៏ប្រសើរបំផុត។ ទន្ទឹមនឹងនោះ អ្នកតំណាងគ្រប់រូបនឹងបានទស្សនាបទ យកការណ៍អំពីលទ្ធផលអនុវត្តនូវកម្មវិធី គម្រោង អភិវឌ្ឍសេដ្ឋកិច្ច - សង្គមតំបន់ជនជាតិភាគតិច ពិសេសកម្មវិធីទិសដៅជាតិ គម្រោងអភិវឌ្ឍសេដ្ឋកិច្ច - សង្គមតំបន់ជនជាតិភាគតិច; ក៏ដូចជាសមិទ្ធផលដ៏ត្រចះត្រចង់របស់ទីក្រុងដែលសម្រេចបានក្នុងឆ្នាំកន្លង។
ក្នុងពិធីជួបជុំ អ្នកតំណាងគ្រប់រូបក៏បានសម្តែង នូវការត្រេកអរខណៈបានការយកចិត្តទុកដាក់របស់គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានចាត់តាំងពិធីជួបជុំ សួរសុខទុក្ខ លើកទឹកចិត្តជូនពរនិងក្តាប់ពីបំណងប្រាថ្នារបស់ជនរួមជាតិខ្មែរ។ នេះគឺជាកម្លាំងចលករដើម្បីជនរួមជាតិខ្មែរបន្តពង្រីកស្មារតី សាមគ្គី ចូលរួមរាល់ចលនាប្រឡងប្រណាំងស្នេហាជាតិនិងព្រួតដៃកសាងទីក្រុងពីមួយថ្ងៃទៅមួយថ្ងៃ កាន់តែស៊ីវិល័យ ទំនើបនិងអភិវឌ្ឍចីរភាព។
ថ្លែងក្នុងពិធីជួបជុំ សមមិត្តហូធីកឹមដាវ អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានផ្ញើនូវបិយវាចាប្រសិទ្ធពរទូទាំងជនរួមជាតិ បណ្តាសមមិត្តថ្នាក់ដឹកនាំ អតីតថ្នាក់ដឹកនាំ ព្រះឧបជ្ឈាយ៍ ព្រះតេជព្រះគុណ ព្រះសង្ឃគ្រប់ព្រះអង្គ គ្រួសារគោលនយោបាយ កម្មាភិបាល យុទ្ធជនជាជនរួមជាតិខ្មែរ ទទួលអំណរបុណ្យចូលឆ្នាំថ្មីប្រពៃណីឆ្នាំ ២០២៦ ប្រកបដោយភាពកក់ក្តៅ សប្បាយរីករាយ សុភមង្គលនិងប្រកបដោយពុទ្ធពរ ៤ ប្រការ គឺ “អាយុ វណ្ណៈ សុខៈ ពលៈ”។ ទន្ទឹមនឹងនោះ សមមិត្តហូធីកឹមដាវ សង្កត់ធ្ងន់៖ បុណ្យចូលឆ្នាំថ្មី គឺជាលក្ខណៈវប្បធម៌ប្រពៃណីដ៏ពិសេសរបស់ជន រួមជាតិខ្មែរ; ជាឱកាសដើម្បីគ្រួសារនីមួយៗជួបជុំគ្នា រំលឹកគុណបុព្វការីជន ឆ្នាំថ្មីមានសេចក្តីសុខ - ចម្រើន សុខដុមរមនា សុភមង្គល។ នេះក៏ជាឱកាស ដើម្បីយើងទាំងអស់គ្នាពិនិត្យឡើងវិញនូវលទ្ធផលដែលសម្រេចបាន ជឿជាក់បន្ថែម ប្តេជ្ញាចិត្តបន្ថែម រួមដំណើរកសាងភូមិស្រុកកឹងធើអភិវឌ្ឍពីមួយថ្ងៃទៅមួយថ្ងៃ។
សមមិត្តហូធីកឹមដាវ ក៏បានរបាយការណ៍ ឆ្នាំ ២០២៥ គឺជាឆ្នាំដែលមានអត្ថន័យសំខាន់ពិសេស ជាឆ្នាំចុងក្រោយអនុវត្តផែនការអភិវឌ្ឍសេដ្ឋកិច្ច - សង្គមដំណាក់កាល ២០២១ - ២០២៥ ជាឆ្នាំដែលផ្សព្វផ្សាយខ្លាំងក្លាកិច្ចការបដិវត្តន៍រៀបចំកែទម្រង់រដ្ឋបាល។ ក្រោយការដឹកនាំ កិច្ចចង្អុលការយ៉ាងដិតដល់របស់បក្សនិងរដ្ឋ; ការចូលរួមរបស់ទូទាំងប្រព័ន្ធនយោបាយ; ព្រមទាំងការយល់ស្របនិងចូលរួមយ៉ាងសកម្មរបស់ប្រជាជនទីក្រុងកឹងធើ សម្រេចបានលទ្ធផលជាវិជ្ជមានលើគ្រប់វិស័យ។
តាមរយៈនោះ ទីក្រុងកឹងធើសម្រេចជាស្ថាពរនូវសម្ទុះល្បឿននៃកម្មវិធីបំបាត់ផ្ទះទ្រុឌទ្រោម ផ្ទះបណ្តោះអាសន្ន ចំនួន ១១.៤៦២ ខ្នង សរុបថវិកា សាងសង់ជាង ៣១២ ពាន់លានដុង។ ដោយឡែកបុណ្យចូលឆ្នាំវៀតណាមឆ្នាំ ២០២៦ ទីក្រុង បានផ្សព្វផ្សាយការងារគិតគូរ ជូនអំណោយអ្នកមានសគុណបានជាង ៥៥.០០០ នាក់ ធានារ៉ាប់រងសង្គមដល់មុខសញ្ញាជាង ១៧២.០០០ នាក់ ពលករក្រីក្រ និងក្បែរក្របានជាង ៣០.០០០ គិតជាតម្លៃទឹកប្រាក់សរុបជាង ១៣៤ ពាន់លានដុង។ បណ្តាគោលការណ៍របស់បក្សនិងគោលនយោបាយរបស់រដ្ឋ ចំពោះការងារនៅតំបន់ជនរួមជាតិខ្មែរលើភូមិឋានទីក្រុងបានផ្សព្វផ្សាយព្រមៗគ្នា ប្តូរផ្តាច់ ពិសេសគឺអនុវត្តមានប្រសិទ្ធភាពកម្មវិធីទិសដៅជាតិចំនួន ៣ (បន្ថយភាពក្រីក្រដោយចីរភាព កសាងជនបទថ្មី និងអភិវឌ្ឍសេដ្ឋកិច្ច - សង្គមតំបន់ជនជាតិភាគតិច) ផ្គួបបញ្ចូលរាល់ប្រភពទុនកសាងផ្សព្វផ្សាយគម្រោង និងគ្រោងការសមាសភាព។
ដំណាក់កាល ២០២១ - ២០២៥ ទីក្រុងបានផ្តុំកម្លាំងកៀរគរ គួបផ្សំរាល់ប្រភពកម្លាំងវិនិយោគ ផ្សព្វផ្សាយហេដ្ឋារចនាសម្ព័ន្ធសំខាន់ៗចាំបាច់បានចំនួន ២១៨ សំណង់ ជាមួយថវិកាសរុបបានមកពីកម្មវិធី គម្រោងផ្សេងៗរាប់ពាន់ពាន់លានដុង រួមចំណែកជាជំហានធ្វើឱ្យសុក្រឹតប្រព័ន្ធហេដ្ឋារចនាសម្ព័ន្ធតំបន់ជនជាតិភាគតិច កែលម្អច្បាស់លាស់ លក្ខណៈប្រជុំជីវភាពនិងការផលិតរបស់ប្រជាជន; អត្តសញ្ញាណវប្បធម៌ ប្រពៃណីផូរផង់របស់ជនជាតិ ភាគតិចបានអភិរក្សនិងពង្រីកជានិច្ច; ស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមបានរក្សារឹងមាំ។ ការងារកសាងបក្ស កសាងប្រព័ន្ធនយោបាយសម្រេចបានលទ្ធផលវិជ្ជមានជាច្រើន។ល។
សមមិត្ត ហូធីកឹមដាវ បានអះអាង៖ សមិទ្ធផលរួមទាំងនោះ មានការរួមចំណែកយ៉ាងសំខាន់របស់ជនរួមជាតិខ្មែរ អ្នកមុខអ្នកការសាសនា ព្រះសង្ឃ កម្មាភិបាល យុទ្ធជនជាជនរួមជាតិខ្មែរផងដែរ។ សមមិត្ត បានកត់សម្គាល់និងស្ងើចសរសើរការខិតខំដោយ ឥតឈប់ឈររបស់បណ្តាសមមិត្តកម្មាភិបាល បក្ខជន យុទ្ធជន ពិសេសព្រះសង្ឃគ្រប់ព្រះអង្គនិងប្រ ជាជនគ្រប់ជាន់ថ្នាក់ក្នុងជនរួមជាតិខ្មែរដែលខិតខំប្រឹងប្រែងរួមចំណែកយ៉ាងសកម្មក្នុងការអភិវឌ្ឍន៍ របស់ទីក្រុងរយៈពេលកន្លង។ ទន្ទឹមនឹងនោះ សង្ឃឹមថា ព្រះឧបជ្ឈាយ៍ ព្រះតេជព្រះគុណ ព្រះសង្ឃគ្រប់ព្រះអង្គ ជនរួមជាតិ កម្មាភិបាល បក្ខជន យុទ្ធជនជាជនជាតិខ្មែរបន្តពង្រីកប្រពៃណីមហាសាមគ្គីជនជាតិ អនុវត្តល្អគោលការណ៍របស់បក្ស គោលនយោបាយ ច្បាប់របស់រដ្ឋ; លើកកម្ពស់ស្មារតីខ្លួនទីពឹងខ្លួន ប្តេជ្ញាចិត្តឆ្លងកាត់ការលំបាក សកម្មចូលរួមរាល់ចលនា ប្រឡងប្រណាំងស្នេហាជាតិ កសាងជនបទថ្មី។ល។ ទន្ទឹមនឹងនោះ បន្តអភិរក្សនិងពង្រីកអត្តសញ្ញាណ វប្បធម៌ជនជាតិ; លើកកម្ពស់ស្មារតីប្រុងប្រយ័ត្នបដិវត្តន៍ តស៊ូច្រានចោលរាល់បទអត្ថាធិប្បាយមួលបង្កាច់ រាល់សកម្មភាពប្រឆាំងបក្ស រដ្ឋរបស់បច្ចាមិត្ត សំដៅបំបែកបំបាក់ផែនមហាសាមគ្គីជនជាតិ រួមចំណែករក្សារឹងមាំសន្តិសុខនយោបាយ សណ្តាប់ធ្នាប់ សុវត្ថិភាពសង្គម។
ស្របក្នុងឱកាសនេះ គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានប្រគេនអំណោយព្រះឧបជ្ឈាយ៍ ព្រះតេជព្រះគុណ។
ក្នុងថ្ងៃនេះដែរ គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ ក៏បានចាត់តាំងពិធីជួបជុំ ជូនអំណោយនិងប្រសិទ្ធពរបុណ្យចូលឆ្នាំថ្មីឆ្នាំ ២០២៦ ដល់កម្មាភិបាលអតីត ថ្នាក់ដឹកនាំ គ្រួសារគោលនយោបាយគំរូលើភូមិឋាន ទីក្រុងកឹងធើផងដែរ៕
យ្វីអាញ - លីសៀ
ពាក្យគន្លឹះ
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
