ព្រឹត្តិការណ៍ - នយោបាយ ព្រឹត្តិការណ៍

03/04/2026 - 08:20

ប្រធានក្រុមប្រឹក្សាជនជាតិនៃរដ្ឋសភា អញ្ជើញទៅសួរសុខទុក្ខ និងជូនពរបុណ្យចូលឆ្នាំថ្មីនៅខេត្តកាម៉ាវ

នៅរសៀលថ្ងៃទី ២ ខែមេសា គណៈប្រតិភូក្រុមប្រឹក្សាជនជាតិនៃរដ្ឋសភា ដឹកនាំដោយសមមិត្ត ឡឹមវុាំងម៉ឹង សមាជិកគណៈប្រតិបត្តិការមជ្ឈិមបក្ស សមាជិកគណៈអចិន្ត្រៃយ៍នៃរដ្ឋសភា និងជាប្រធានក្រុមប្រឹក្សាជនជាតិនៃរដ្ឋសភា បានអញ្ជើញទៅសួរសុខទុក្ខ និងជូនពរបុណ្យចូលឆ្នាំថ្មីឆ្នាំ២០២៦ នៅខេត្តកាម៉ាវ។

សមមិត្ត ឡឹមវុាំងម៉ឹង សមាជិកគណៈប្រតិបត្តិការមជ្ឈិមបក្ស សមាជិកគណៈអចិន្ត្រៃយ៍នៃរដ្ឋសភា និងជាប្រធានក្រុមប្រឹក្សាជនជាតិនៃរដ្ឋសភា ប្រគេនទេយ្យទានដល់ព្រះឧបជ្ឈាយ៍ហ៊ឺវហ៊ិញ ប្រធានសមាគមព្រះសង្ឃសាមគ្គីស្នេហាជាតិខេត្តកាម៉ាវ ព្រះចៅអធិការវត្តឃោសិតារាម។

ចូលរួមជាមួយគណៈប្រតិភូរួមមាន អនុប្រធានក្រុមប្រឹក្សាជនជាតិនៃរដ្ឋសភា លោកស្រី ត្រឹងធីហ្វារី ព្រមទាំងបណ្តាសមាជិកក្រុមប្រឹក្សាជនជាតិនៃរដ្ឋសភា; ចំណែកខាងខេត្តកាម៉ាវ មានប្រធានគណៈឃោសនាអប់រំ និងប្រជាចលនានៃគណៈកម្មាធិការបក្សខេត្ត លោក ហោទ្រុងវៀត ព្រមទាំងអ្នកតំណាងបណ្តាមន្ទីរ ផ្នែកពាក់ព័ន្ធ។

នេះគឺជាសកម្មភាពបង្ហាញពីការយកចិត្តទុកដាក់របស់បក្ស និងរដ្ឋចំពោះជនរួមជាតិខ្មែរ ទន្ទឹមនឹងនោះ រួមចំណែកដល់ការពង្រឹងក្តីជំនឿ និងបង្កើនធ្លុងមហាសាមគ្គីជនជាតិ អភិរក្សនិងពង្រីកតម្លៃវប្បធម៌ប្រពៃណីដ៏ល្អរបស់ជនជាតិវៀតណាម។

គណៈប្រតិភូថតរូបអនុស្សាវរីយ៍នៅវត្តឃោសិតារាម។

គណៈប្រតិភូបានអញ្ជើញមកសួរសុខទុក្ខ និងជូនពរឆ្នាំថ្មីដល់សមាគមព្រះសង្ឃសាមគ្គីស្នេហាជាតិខេត្ត; វត្តមុនីវង្សាបុប្ផារាម សង្កាត់អាងស្វៀង វត្តឃោសិតារាម ឃុំហ៊ឹងហោយ និងសាលាវិទ្យាល័យជនជាតិអន្តេវាសិកបាកលីវ ខេត្តកាម៉ាវ។

សមមិត្ត ឡឹមវុាំងម៉ឹង សមាជិកគណៈប្រត្តិការមជ្ឈិមបក្ស សមាជិកគណៈអចិន្ត្រៃយនៃរដ្ឋសភា និងជាប្រធានក្រុមប្រឹក្សាជនជាតិនៃរដ្ឋសភា ជូនអំណោយដល់គណៈចាងហ្វាងសាលាវិទ្យាល័យជនជាតិអន្តេវាសិកបាកលីវ ខេត្តកាម៉ាវ។

នៅទីដែលអញ្ជើញទៅដល់ សមមិត្ត ឡឹមវុាំងម៉ឹង ព្រមទាំងសមាជិកក្នុងក្រុម បានសួរសុខទុក្ខយ៉ាងកក់ក្តៅអំពីការរស់នៅ ការប្រជុំជីវភាពរបស់ជនរួមជាតិ; និងផ្ញើរនូវបិយវាចាជូនពរឆ្នាំថ្មីដល់ព្រះសង្ឃ គណៈកម្មការវត្ត កម្មាភិបាល គ្រូបង្រៀននិងសិស្សានុសិស្ស ជនរួមជាតិខ្មែរនៅភូមិភាគ។ សមមិត្ត ប្រធានក្រុមប្រឹក្សាជនជាតិនៃរដ្ឋសភា បានកត់សម្គាល់នូវការរួមចំណែកដ៏សកម្មរបស់ព្រះសង្ឃ គណៈកម្មការវត្ត និងជនរួមជាតិខ្មែរក្នុងការរក្សាអត្តសញ្ញាណវប្បធម៌ជនជាតិ ពង្រីកស្មារតីសាមគ្គី និងអនុវត្តល្អគោលការណ៍របស់បក្ស គោលនយោបាយ និងច្បាប់របស់រដ្ឋ រួមចំណែកអភិវឌ្ឍសេដ្ឋកិច្ច - សង្គមនិងរក្សាខ្ជាប់សន្តិសុខ សណ្ដាប់ធ្នាប់នៅភូមិភាគ។

សមមិត្ត ឡឹមវុាំងម៉ឹង សមាជិកគណៈប្រតិបត្តិការមជ្ឈិមបក្ស សមាជិកគណៈអចិន្ត្រៃយ៍នៃរដ្ឋសភា និងជាប្រធានក្រុមប្រឹក្សាជនជាតិនៃរដ្ឋសភា ជូនអំណោយដល់សិស្សានុសិស្ស។

ទន្ទឹមនឹងនោះ សង្ឃឹមថា ព្រះសង្ឃ គណៈកម្មការវត្ត និងជនរួមជាតិខ្មែរ បន្តពង្រីកប្រពៃណីដ៏ល្អ បង្កើនធ្លុងមហាសាមគ្គីទូទាំងជាជាតិ សកម្មចូលរួមចលនាប្រឡងប្រណាំងស្នេហាជាតិ កសាងភូមិស្រុកកាន់តែអភិវឌ្ឍពីមួយថ្ងៃទៅមួយថ្ងៃ។

ក្នុងឱកាសបុណ្យចូលឆ្នាំថ្មី គណៈប្រតិភូបានប្រគេននិងជូនទេយ្យទានដល់ព្រះសង្ឃ គណៈកម្មការវត្ត; គ្រួសារជនរួមជាតិខ្មែរគំរូ ប្អូនៗសិស្សានុសិស្សគំរូ ជាជនជាតិខ្មែរចំនួន ១០ នាក់ ៕

លីធាន-លីមេង

ចែករំលែកអត្ថបទ

ពាក្យគន្លឹះ