គោលនយោបាយ -ការរស់នៅ គោលនយោបាយ

24/03/2026 - 09:08

ប្រភពទុនគោលនយោបាយជួយជនរួមជាតិខ្មែរលើកកម្ពស់ជីវភាព

ប៉ុន្មានឆ្នាំជិតៗនេះ ប្រភពទុនអនុគ្រោះពីធនាគារគោលនយោបាយសង្គម បានក្លាយជាទី “បង្អែក” ជួយដល់គ្រួសារប្រជាជនជាច្រើន ពិសេសគឺជនរួមជាតិខ្មែរនៅទីក្រុងកឹងធើ មានលក្ខណៈអភិវឌ្ឍការផលិតនិងបង្កើនប្រាក់ចំណូល។ គុណភាពជីវភាពបានលើកកម្ពស់ជាលំដាប់ មាមីងទទួលអំណរបុណ្យចូលឆ្នាំថ្មីប្រពៃណីកាន់តែសុខដុមរមនា សម្បូរសប្បាយ។

បងស្រីលីធីហុងហ្វេ នៅភូមិហាបូ ឃុំតាយវុាំងមានជីវភាពធូរធារ អាស្រ័យប្រភពទុនពីធនាគារគោលនយោបាយសង្គម។

អាស្រ័យបានបុលទុន៧០លានដុង ពីកម្មវិធីដោះស្រាយការងារធ្វើនៃការិយាល័យប្រតិបត្តិការធនាគារគោលនយោបាយសង្គម បងស្រីលីធីហុងហ្វេ នៅភូមិហាបូ ឃុំតាយវុាំង មានលក្ខណៈវិនិយោគអភិវឌ្ឍសេដ្ឋកិច្ច។ ពីមុន គ្រួសារមានជីវភាពលំបាក រស់នៅដោយពឹងផ្អែកលើដីស្រែពីរបីកុងដែលឪពុកម្តាយចែកឱ្យ។ ពេលមានដើមទុន បងស្រីបានវិនិយោគលើការលក់ដូរគ្រឿងទេស និងទិញសម្ភារៈ កសិកម្មដើម្បីបម្រើដល់ការផលិត។ អាស្រ័យ ទឹកចិត្តស៊ូទ្រាំលំបាកក្នុងការងារបង្កបង្កើនផលនិងការចាយវាយប្រិតសំចៃ បងស្រីសន្សំបានដើមទុនខ្លះដើម្បីទិញដីស្រែបន្ថែម។ “ជាមួយចំណូលប្រហែល ៦ លានដុងក្នុងមួយខែពីការលក់ ដូរបូករួមនឹងប្រាក់ចំណេញប្រហែល ៤០ លាន ដុងពីការធ្វើស្រែ ១០ កុង ផលិតបាន ២ រដូវក្នុង មួយឆ្នាំ បានជួយឱ្យគ្រួសារបងស្រីមានជីវភាពកាន់តែប្រសើរឡើង” បងស្រីហ្វេ បានឱ្យដឹង ដូច្នេះ។

គ្រួសារបងស្រីសើុងធីសុភាព នៅភូមិឡាវវេន ឃុំលីវទូ ជីវភាពគ្រួសារជួបការលំបាកនិងខ្វះទុនសម្រាប់ផលិត។ ក្រោយពីបានបុលទុនពីធនាគារគោលនយោបាយសង្គម បងស្រីបានវិនិយោគ ទិញពូជដំណាំនិងសម្ភារៈកសិកម្មដើម្បីអភិវឌ្ឍការផលិត។ ដោយប្រើប្រាស់ទុនមានប្រសិទ្ធភាព សេដ្ឋកិច្ចគ្រួសាររបស់បងស្រីបានកែលម្អ។ បងស្រីភាពបានឱ្យដឹង៖ “ពីមុន ដោយសារមានទុនតិចតួច គ្រួសារខ្ញុំតែងខ្វះមុខខ្វះក្រោយ។ ឆ្នាំ ២០២២ ពេលបានបុលទុនចំនួន ៥០ លានដុង ពីធនាគារគោលនយោបាយសង្គម ខ្ញុំបានវិនិយោគលើការដាំដំណាំ។ លើផ្ទៃដី ១.៥០០ ម៉ែត្រការ៉េ ដោយដាំឆ្លាស់គ្នា ដូច៖ ត្រសក់ ម្រះ ខ្ទឹមស្លឹក ម្ទេសជាដើម ដាំបាន ៤ រដូវក្នុងមួយឆ្នាំ ផ្តល់ប្រាក់ចំណេញប្រហែល ១២០ លានដុង អាស្រ័យហេតុនេះ ទើបជីវភាពគ្រួសារខ្ញុំបានកែលម្អ”។

តាមសមមិត្តឌាំងតឹងយ៉ាង អនុប្រធានសមាគមកសិករទីក្រុងកឹងធើ បានឱ្យដឹង តាមរយៈប្រភពទុនបុលពីធនាគារគោលនយោបាយសង្គម បានជួយគ្រួសារក្រីក្រ ក្បែរក្រនិងគ្រួសារជនជាតិ ភាគតិចរាប់ពាន់គ្រួសារលើភូមិឋានទីក្រុងកឹងធើ បានកែលម្អជីវភាព។ ដើម្បីពង្រីកប្រសិទ្ធភាពបន្ថែមទៀត នាពេលខាងមុខ សមាគមនឹងបន្តពង្រឹងការងារឃ្លាំមើល ធានាឱ្យប្រភពទុនទៅដល់ដៃអ្នកដែលត្រូវការនិងប្រើប្រាស់ចំគោលដៅ ក្លាយជាបង្អែកដ៏រឹងមាំជួយដល់ប្រជាជន ជាពិសេស គឺមាមីងជនរួមជាតិខ្មែរ មានប្រភពធនធានសម្រាប់អភិវឌ្ឍសេដ្ឋកិច្ច ឈានឡើងលំនឹងជីវភាពនិងទទួលអំណរបុណ្យចូលឆ្នាំថ្មីប្រពៃណី កាន់តែសុខដុមរមនានិងសម្បូរសប្បាយ៕

ថាញវ៉ាង-ដាលីន

ចែករំលែកអត្ថបទ

ពាក្យគន្លឹះ