ព្រឹត្តិការណ៍ - នយោបាយ ព្រឹត្តិការណ៍

23/03/2026 - 15:49

នាយករដ្ឋមន្ត្រី ផាមមិញជិញ៖ បន្តដោះស្រាយបញ្ហាដែលជំពាក់ជំពិន នៅសេសសល់ រំដោះប្រភពធនធាន ជំរុញកំណើនសេដ្ឋកិច្ចពី ១០% ឡើងទៅ

នៅទីស្នាក់ការរដ្ឋាភិបាល នាយករដ្ឋមន្ត្រី ផាមមិញជិញ បានដឹកនាំកិច្ចប្រជុំនៃគណៈប្រចាំការរដ្ឋាភិបាល ដើម្បីផ្តល់មតិលើខ្លឹមសារសំខាន់ៗមួយចំនួន សំដៅបន្តដោះស្រាយការលំបាក បញ្ហាដែលជំពាក់ជំពិន នៅសេសសល់ និងអូសបន្លាយនៃបណ្តាគម្រោងនានា។ គោលបំណងគឺដើម្បីបើកច្រករំដោះ និងកៀរគរ ព្រមទាំងប្រើប្រាស់ប្រកបដោយប្រសិទ្ធភាពនូវរាល់ប្រភពធនធាន ជំរុញកម្លាំងចលករសម្រាប់ការអភិវឌ្ឍ រួមចំណែកអភិវឌ្ឍឆាប់រហ័ស និងប្រកបដោយចីរភាព អនុវត្តទិសដៅកំណើនសេដ្ឋកិច្ចចាប់ពី ១០% ឡើងទៅ រក្សានិរន្តរភាពម៉ាក្រូសេដ្ឋកិច្ច គ្រប់គ្រងអតិផរណា និងធានាតុល្យភាពធំៗនៃខឿនសេដ្ឋកិច្ច ក្នុងបរិការណ៍ដែលស្ថានភាពមានការលំបាក និងបញ្ហាប្រឈមជាច្រើន។

នាយករដ្ឋមន្ត្រី ផាមមិញជិញ អញ្ជើញជាអធិបតីក្នុងកិច្ចប្រជុំនៃគណៈប្រចាំការរដ្ឋាភិបាល ដើម្បីផ្តល់មតិយោបល់លើខ្លឹមសារសំខាន់ៗមួយចំនួន ក្នុងគោលបំណងបន្តដោះស្រាយរាល់ការលំបាក បញ្ហាជំពាក់ជំពិនបញ្ហានានា និងគម្រោងដែលនៅសេសសល់អូសបន្លាយពេលយូរ។ (រូបថត៖ VGP/ញឹកបាក់)

អញ្ជើញចូលរួមក្នុងកិច្ចប្រជុំនេះ មានបណ្តាឧបនាយករដ្ឋមន្ត្រី ថ្នាក់ដឹកនាំក្រសួង ស្ថាប័ននានា ចំណុះរដ្ឋាភិបាល។

គណៈប្រចាំការរដ្ឋាភិបាលបានផ្តល់មតិលើស្ថានភាព និងលទ្ធផលអនុវត្តការដោះស្រាយគម្រោង និងអាជីវកម្មដែលយឺតយ៉ាវល្បឿននិងមិនសូវមានប្រសិទ្ធភាពផ្នែកឧស្សាហ- ពាណិជ្ជកម្ម ដើម្បីត្រៀមរបាយការណ៍ជូនថ្នាក់មានសមត្ថកិច្ច។ កសាង និងបង្ហើយសេចក្តីព្រាងគម្រោងស្រាវជ្រាវ វាយតម្លៃជារួមលើបញ្ហាជំរុញការអភិវឌ្ឍសេដ្ឋកិច្ច-សង្គម នៅតាមតំបន់សេដ្ឋកិច្ចពិសេសដើម្បីត្រៀមរបាយការណ៍ជូនថ្នាក់មានសមត្ថកិច្ច។ ក្រៅពីនេះ ក៏មានការត្រៀមគម្រោងឧបត្ថម្ភហេដ្ឋារចនាសម្ព័ន្ធ និងបច្ចេកទេសសម្រាប់ស្រូវគុណភាពខ្ពស់ និងការបញ្ចេញឧស្ម័នទាបនៅតំបន់វាលរាបទន្លេគឺវឡុង ដោយប្រើប្រាស់ប្រភពទុនកម្ចី IBRD របស់ធនាគារពិភពលោក សេចក្តីព្រាងអនុក្រឹត្យស្តីពីការដោះស្រាយបញ្ហាជំពាក់ជំពិនសម្រាប់គម្រោង BOT ចរាចរណ៍; ដោះស្រាយឱ្យដាច់ស្រឡះនូវរាល់ការចំណាយលើការពិនិត្យ និងព្យាបាលជំងឺតាមរយៈធានារ៉ាប់រងសុខាភិបាលដែលនៅសេសសល់តាំងពីមុនឆ្នាំ ២០២៥; ត្រួតពិនិត្យស្ថានភាពនៃការចេញឯកសារណែនាំលម្អិតការអនុវត្តច្បាប់ និងសេចក្តីសម្រេចចិត្តដែលបានចូលជាធរមាន ព្រមទាំងខ្លឹមសារសំខាន់ៗមួយចំនួនទៀត។

ការផ្តល់មតិដើម្បីបន្តបង្ហើយគម្រោងស្រាវជ្រាវ និងវាយតម្លៃជារួមលើការជំរុញអភិវឌ្ឍសេដ្ឋកិច្ច-សង្គម នៅតំបន់សេដ្ឋកិច្ចពិសេសវឹងដោង វឹងផុងនិងភូក្វឹក ដើម្បីត្រៀមរបាយការណ៍ជូនថ្នាក់មានសមត្ថកិច្ច នាយករដ្ឋមន្ត្រី ផាមមិញជិញ បានសំណូមពរឱ្យប្រកាន់ខ្ជាប់នូវរាល់សេចក្តីសន្និដ្ឋាន និងកិច្ចចង្អុលរបស់ការិយាល័យនយោបាយ បណ្តាក្រសួង ស្ថាប័ន តាមមុខងារ ភារកិច្ច និងសិទ្ធិអំណាច ស្នើដាក់ឱ្យអនុវត្តសាកល្បងនូវយន្តការ និងគោលនយោបាយពិសេសៗ លោតផ្លោះ មានលក្ខណៈជាដងសន្ទូចទីបង្អែក ធានាមានចំណុចស្នូល និងលក្ខណៈសំខាន់ៗ រួមមានទាំងគោលនយោបាយរួម និងគោលនយោបាយដោយឡែកឱ្យស្របតាមតំបន់សេដ្ឋកិច្ចពិសេសនីមួយៗ ដើម្បីឱ្យតំបន់ទាំងនេះពង្រីកខ្ពស់បំផុតនូវសក្តានុភាពដាច់ដោយឡែក ឱកាសលេចធ្លោ និងប្រៀបខ្លាំងប្រកួតប្រជែង ក្លាយជាកម្លាំងអភិវឌ្ឍរបស់ភូមិភាគ តំបន់ និងទូទាំងប្រទេស។

ពាក់ព័ន្ធនឹងស្ថានភាព លទ្ធផលផ្សព្វផ្សាយដោះស្រាយបណ្តាគម្រោង និងអាជីវកម្មដែលយឺតយ៉ាវល្បឿន មិនសូវមានប្រសិទ្ធភាពផ្នែកឧស្សាហ-ពាណិជ្ជកម្ម នាយករដ្ឋមន្ត្រីបានចង្អុលការដាក់ចេញនូវភារកិច្ចដំណោះស្រាយ និងកាលកំណត់បង្ហើយជាក់លាក់សម្រាប់ក្រសួង ស្ថាប័ន និងអាជីវកម្មនីមួយៗដែលពាក់ព័ន្ធទៅតាមមុខងារភារកិច្ច សិទ្ធិអំណាច។ លោកនាយករដ្ឋមន្រ្តីបានសំណូមពរបញ្ចប់ការដោះស្រាយឱ្យដាច់ស្រឡះនូវរាល់គម្រោងដែលនៅសេសសល់ ដោយផ្អែកលើឧបករណ៍ និងយន្តការដែលថ្នាក់មានសមត្ថកិច្ចបានអនុញ្ញាត។ ប្រសិនបើមានបញ្ហាកើតឡើង ត្រូវបន្តរាយការណ៍ និងស្នើដំណោះស្រាយ ដោយផ្អែកលើស្មារតី ហ៊ានគិត ហ៊ានធ្វើ ហ៊ានទទួលខុសត្រូវ ដើម្បីផលប្រយោជន៍រួម ជាពិសេសគឺចំពោះថ្នាក់ដឹកនាំអង្គភាព៕

ហាវ៉ាំង - សុផន

ចែករំលែកអត្ថបទ

ពាក្យគន្លឹះ