ព្រឹត្តិការណ៍ - នយោបាយ ព្រឹត្តិការណ៍

16/03/2026 - 22:32

ដឹកនាំអនុវត្តមានប្រសិទ្ធភាពបណ្តាផ្នែកការងារនៅមណ្ឌលអាសយជន

សាខាបក្សភូមិសដួលើង ឃុំថាញ់ស្វឹង តែងពង្រីកតួនាទីស្នូលក្នុងការដឹកនាំ ចង្អុលការអនុវត្តមានប្រសិទ្ធភាពបណ្តាភារកិច្ចនយោបាយ ចលនាបណ្តាផ្នែកការងាររបស់ភូមិ។ រាល់ឆ្នាំ សាខាបក្សបានគណៈកម្មាធិការថ្នាក់លើ វាយតម្លៃសម្រេចល្អភារកិច្ចឡើងទៅ។

ដងផ្លូវខាងឆ្វេងភ្ជាប់ព្រែកសដួលើង ទើបបានលើកកម្ពស់បើកទូលាយចុងឆ្នាំ២០២៥។

ការងារមានប្រសិទ្ធភាពរបស់សាខាបក្សភូមិសដួលើង គឺអនុវត្តការងារកសាងបក្ស។ តាមលោកស្រីឡេង៉ុកឌីប លេខាសាខាបក្ស ប្រធានគណៈប្រជាជនភូមិ សាខាបក្សមានបក្ខជន៣០រូប រក្សាការប្រជុំនៅថ្ងៃទី៣រាល់ខែ។ រាល់លើកនៃការប្រជុំសាខាបក្ស តែងលើកកម្ពស់ស្មារតីទិតៀន ស្វ័យទិតៀន បក្ខជនគ្រប់រូប “ឆ្លុះបញ្ចាំងដោយខ្លួនឯង” “កែប្រែដោយខ្លួនឯង”ទាន់ពេលវេលាចំពោះការអន់ថយនិងវិបត្តិនានា។

រួមជាមួយនោះ សាខាបក្សតែងយកចិត្តទុកដាក់ដល់ការគ្រប់គ្រង ត្រួតពិនិត្យ ឃ្លាំមើលបក្ខជន ទើបគ្មានករណីបំពាន។ ការងារអភិវឌ្ឍន៍បក្ខជនបានអនុវត្តល្អ រាល់ឆ្នាំសាខាបក្សបញ្ចូលបក្ខជន១រូបសម្រេចភាគកម្រិតដែលប្រគល់។

ក្នុងការអភិវឌ្ឍសេដ្ឋកិច្ច សាខាបក្សភូមិសដួលើង ចង្អុលការកម្មាភិបាល បក្ខជន ឃោសនាចលនាប្រជាជន បង្វែររចនាសម្ព័ន្ធពូជឈើដំណាំ កែប្រែចម្ការគ្មានប្រសិទ្ធភាព ផ្លាស់មកដាំរុក្ខជាតិហូបផ្លែមានតម្លៃសេដ្ឋកិច្ចខ្ពស់។ មកដល់សព្វថ្ងៃ ផ្ទៃដីចម្ការជិត ២០០ ហិកតារបស់ភូមិ គ្របដណ្តប់ដោយរុក្ខជាតិហូបផ្លែ ដូចជា៖ ខ្នុរថៃ ខ្នុរសាច់ក្រហម ទុរេនជាដើម ក្នុងនោះមានជាង ៨០% បានប្រមូលផល។ សាខាបក្ស ចង្អុលការបណ្តាសាខាសមាគមឧបត្ថម្ភប្រជាជនបុលទុនជាង៨ពាន់លានដុងពីធនាគារគោលនយោបាយសង្គម ដើម្បីអភិវឌ្ឍការផលិត ចិញ្ចឹមសត្វនិងលក់ដូរតូច។

រយៈពេល៥ឆ្នាំកន្លង សាខាបក្សបានចង្អុលការកៀរគរបណ្តាប្រភពធនធានឧបត្ថម្ភប្រជាជនសង់ផ្ទះមហាសាមគ្គី៥ខ្នង ជូនអំណោយប្រជាជនពី១៥០-២០០ចំណែកក្នុងឱកាសបុណ្យតេតរៀងរាល់ឆ្នាំ។ មីងត្រឹងធីគីមហុង ប្រជាជនក្នុងភូមិរីករាយនិយាយ៖ “ខ្ញុំធ្វើកម្មករ ប្តីធ្វើជាងកំបោរ។ ប្រាក់ចំណូលពីរនាក់ប្តីប្រពន្ធគ្រប់តែគិតអានជីវភាពនិងចិញ្ចឹមកូនរៀនសូត្រ។ ចុងឆ្នាំ២០២៥ គ្រួសារខ្ញុំបានភូមិភាគឧបត្ថម្ភ ៦០ លានដុងនិងសងផ្ទះមហាសាមគ្គី។ ឥឡូវមានផ្ទះមាំទាំ ជីវភាពគ្រួសារខ្ញុំក៏ស្ថិរភាពជាង”។ អាស្រ័យដោយអនុវត្តនូវវិធានការជាច្រើនក្នុងការឧបត្ថម្ភ រួមជាមួយនឹងការខិតខំប្រឹងប្រែងឈានឡើងរបស់គ្រួសារនីមួយៗ ទើបភូមិសដួលើងគ្មានគ្រួសារក្រ នៅតែ៣គ្រួសារក្បែរក្រប៉ុណ្ណោះ។

តាមលោកស្រីឡេង៉ុកឌីប រយៈពេល៥ឆ្នាំកន្លង សាខាបក្សភូមិដាក់ចេញនូវវិធានការជាច្រើន កសាងបណ្តាសំណង់សុខុមាលភាពសង្គម។ ក្នុងនោះ ចង្អុលការឃោសនាចលនាប្រជាជនរុះរើសំណង់ ដើមឈើ ដំណាំបរិច្ចាគដីជាង២.០០០ម៉ែត្រក្រឡា បើកទូលាយនិងក្រាលបេតុងដងផ្លូវសដួលើង ទទឹង ៣,៥ម៉ែត្រ បណ្តោយ ១.៥០០ម៉ែត្រ ចលនាប្រជាជនបរិច្ចាគដី ៤.០០០ម៉ែត្រក្រឡា ដើម្បីបើកទូលាយនិងក្រាលបេតុងដងផ្លូវ (ទទឹង ៥,៥ម៉ែត្រ បណ្តោយ១.០០០ ម៉ែត្រ) ចូលមណ្ឌលកេរដំណែលរណសិរ្សមាតុភូមិលើភូមិឋានភូមិ ចលនាប្រជាជននិងសប្បុរសធម៌រួមវិភាគទាន ៣០០លានដុង កសាងស្ពាននិងដាក់អំពូលភ្លើងបំភ្លឺតាមដងផ្លូវ។

លោកង្វៀងវ៉ាំងហុង ប្រជាជនក្នុងភូមិចែករំលែក៖ “សាខាបក្ស គណៈប្រជាជនភូមិនិងគណៈការងាររណសិរ្សភូមិ យកចិត្តទុកដាក់កៀរគរបណ្តាប្រភពធនធានកសាងជួសជុលផ្លូវ មាមីងនរណាក៏គាំទ្របរិច្ចាគដី ចូលរួមជាថវិកា កម្លាំងពលកម្មដើម្បីអនុវត្ត។ ឥឡូវស្ពាន ផ្លូវ បានកសាងបើកទូលាយ មានភ្លើងបើកបំភ្លឺ ការធ្វើដំណើរបានងាយស្រួលនិងសុវត្ថិភាព។ ឃើញភូមិស្រុកផ្លាស់ថ្មី អភិវឌ្ឍយើងខ្ញុំសប្បាយចិត្តណាស់។ យើងខ្ញុំវាយតម្លៃខ្ពស់ចំពោះការដឹកនាំ ចង្អុលការរបស់សាខាបក្សភូមិក្នុងរាល់ផ្នែកការងារ”៕

អាញ់យុង- ចន្ថា

ចែករំលែកអត្ថបទ

ពាក្យគន្លឹះ