ព្រឹត្តិការណ៍ - នយោបាយ ព្រឹត្តិការណ៍

16/03/2026 - 15:25

ថ្នាក់ដឹកនាំទីក្រុងទទួលជួបនិងធ្វើការជាមួយឯកអគ្គរដ្ឋទូតពេញសិទ្ធអូស្ត្រាលីប្រចាំនៅវៀតណាម

លោក ត្រឿងកាញត្វៀង ប្រធានគណៈកម្មាធិការប្រជាជនក្រុងកឹងធើ រួមជាមួយថ្នាក់ដឹកនាំ មន្ទីរ ផ្នែក បានទទួលជួបនិងធ្វើការជាមួយលោកស្រី Gillian Bird ឯកអគ្គរដ្ឋទូតពេញសិទ្ធអូស្ត្រាលី ប្រចាំនៅវៀតណាម និងលោកស្រី Sarah Hooper អគ្គកុងស៊ុលអូស្ត្រាលី ប្រចាំនៅទីក្រុងហូជីមិញ រួមជាមួយនឹងសមាជិកប្រតិភូឯទៀត។

លោក ត្រឿងកាញត្វៀង ប្រធានគណៈកម្មាធិការប្រជាជនក្រុងកឹងធើ ជូនវត្ថុអនុស្សាវរីយ៍ដល់លោកស្រី Gillian Bird។

ក្នុងកិច្ចជំនួបនេះ លោក ត្រឿងកាញត្វៀង បានសង្កត់ធ្ងន់ថា ដំណើរទស្សនកិច្ចនិងធ្វើការរបស់ លោកស្រីឯកអគ្គរដ្ឋទូត និងលោកស្រីអគ្គកុងស៊ុល លើកនេះ គឺជាសក្ខីភាពដ៏រស់រវើកនៃទំនាក់ទំនង សហប្រតិបត្តិការមិត្តភាព មួយថ្ងៃកាន់តែជិតស្និទ្ធ រវាងប្រទេសទាំងពីរ ពិសេសគឺរវាងក្រុងកឹងធើជាមួយនឹងស្ថានទូត និងអគ្គកុងស៊ុលអូស្ត្រាលី។ លោកបានមានប្រសាសន៍ថា សក្តានុភាពនៃកិច្ច សហប្រតិបត្តិការ និងបើកទូលាយពាណិជ្ជកម្ម រវាងភាគីទាំងពីរនៅមានទំហំធំធេងណាស់ ហើយអាចបន្តជំរុញឱ្យកាន់តែខ្លាំងក្លាជាងទៀតនាពេលខាងមុខ។ ដោយមានបំណងបន្តកិច្ចសហប្រតិបត្តិការជាមួយដៃគូអូស្ត្រាលីលើវិស័យសេដ្ឋកិច្ច ពាណិជ្ជកម្ម អប់រំ និងបណ្តុះបណ្តាលធនធាន មនុស្សប្រកបដោយគុណភាពខ្ពស់ ប្រធានគណៈកម្មាធិការប្រជាជនក្រុងកឹងធើសង្ឃឹមថា លោកស្រីឯកអគ្គរដ្ឋទូតនិងលោកស្រីអគ្គកុងស៊ុល នឹងធ្វើជាស្ពានតភ្ជាប់ដើម្បីទំនាក់ទំនងសហប្រតិបត្តិ ការឱ្យកាន់តែរឹងមាំថែមទៀត រវាងវៀតណាមនិងអូស្ត្រាលីនិយាយរួម រវាងក្រុងកឹងធើជាមួយដៃគូ អូស្ត្រាលីនិយាយដោយឡែក។ ក្រុងកឹងធើសន្យានឹងរួមដំណើរ ឧបត្ថម្ភទាន់ពេលវេលា និងបង្កបរិយាកាសវិនិយោគប្រកបដោយតម្លាភាព និងស្ថិរភាព ដើម្បីបង្កលក្ខណៈងាយស្រួលដល់ដៃគូដែលមកសហការ និងវិនិយោគនៅទីក្រុង។

ថ្នាក់ដឹកនាំក្រុងកឹងធើ ក្នុងជំនួបទទួលបដិសណ្ឋារកិច្ចប្រតិភូ។

ថ្លែងអំណរគុណចំពោះការទទួលបដិសណ្ឋារកិច្ចយ៉ាងកក់ក្តៅពីសំណាក់ថ្នាក់ដឹកនាំទីក្រុង លោក ស្រី Gillian Bird បានសម្តែងការចាប់អារម្មណ៍យ៉ាងខ្លាំងចំពោះការអភិវឌ្ឍរបស់ទីក្រុងក្នុងដំណើរទស្សនកិច្ចនិងធ្វើការលើកដំបូងនេះ ពិសេសគឺថ្នាក់ដឹកនាំទីក្រុងតែងយកចិត្តទុកដាក់យ៉ាងសំខាន់ ចំពោះការទាក់ទាញទុន (FDI) ធ្វើជាកម្លាំងចលករ ដើម្បីអភិវឌ្ឍសេដ្ឋកិច្ចភូមិភាគ។ លោកស្រីឯកអគ្គរដ្ឋទូតបានឱ្យដឹងរដ្ឋាភិបាលអូស្ត្រាលីវាយតម្លៃខ្ពស់ចំពោះតួនាទីដ៏សំខាន់របស់តំបន់វាលរាបទន្លេគឺវឡុងនិយាយរួម និងក្រុងកឹងធើនិយាយដោយឡែក ក្នុងយុទ្ធសាស្ត្រជំរុញកិច្ចសហប្រតិបត្តិការនៅវៀតណាម ម៉្លោះហើយក្នុងអាណត្តិរបស់ខ្លួន លោកស្រីនឹងខិតខំប្រឹងប្រែងគាំទ្រ ជំរុញ និងបើកទូលាយទំនាក់ទំនងសហប្រតិបត្តិការ៕

ណាមហឿង

ចែករំលែកអត្ថបទ

ពាក្យគន្លឹះ