សុខភាព - អប់រំ សុខភាព

26/02/2026 - 07:19

វេជ្ជបណ្ឌិតគំរូថែទាំសុខភាពដំបូងជូនប្រជាជន

ជាច្រើនឆ្នាំផ្សារភ្ជាប់ជាមួយដំណាក់សុខាភិបាល លោកឡឹមផល្លា នាយករងដំណាក់សុខាភិបាលឃុំតាយវ៉ាំង ទីក្រុងកឹងធើ តែងយកចិត្តទុកដាក់ថែទាំសុខភាពជូនប្រជាជន រួមចំណែកលើកកម្ពស់គុណភាពការងារសុខាភិបាលមូលដ្ឋាននៅភូមិភាគ។

លោកឡឹមផល្លា នាយករងដំណាក់សុខាភិបាលឃុំតាយវុាំង ទីក្រុងកឹងធើ
តែងយកចិត្តទុកដាក់ថែទាំសុខភាពប្រជាជន។

ចាប់ផ្តើមបម្រើការងារផ្នែកសុខាភិបាលនៅឆ្នាំ ២០០៦ អស់រយៈពេលជិត ២០ ឆ្នាំផ្សារភ្ជាប់នឹងអាជីព លោកឡឹមផល្លា តែងរក្សាក្រមសីលធម៌វិជ្ជាជីវៈ ស្មារតីទទួលខុសត្រូវនិងអស់ពីចិត្តជាមួយប្រជាជន ពិសេសគឺជនរួមជាតិខ្មែរលើភូមិឋាន។

នៅឆ្នាំ ២០២១ លោកឡឹមផល្លា បានទទួលតំណែងជាប្រធានដំណាក់សុខាភិបាលឃុំវៀងអាង។ ក្នុងតួនាទីនេះ គាត់និងបុគ្គលិកដំណាក់សុខាភិបាលតែងខិតខំប្រឹងប្រែងពង្រឹងអង្គភាព លើកកម្ពស់គុណភាពពិនិត្យព្យាបាលជំងឺដំបូង ជំរុញការងារថែទាំសុខភាពបម្រុង បង្ការ ទបស្កាត់ជំងឺ ឃោសនាផ្សព្វផ្សាយអប់រំសុខភាពក្នុងសហគមន៍។ ដំណាក់សុខាភិបាលឃុំវៀងអាង បំពេញតម្រូវការថែទាំសុខភាពជូនប្រជាជនបានល្អ ទោះបីស្ថិតក្នុងលក្ខណៈធនធានមនុស្សមូលដ្ឋាន សម្ភារៈនៅលំបាក ខ្វះខាត់ច្រើនក៏ដោយ។

បន្ទាប់ពីការអនុវត្តរួមបញ្ចូលអង្គភាពរដ្ឋបាល លោកផល្លា បានចាត់ឱ្យទទួលតំណែងជា នាយករងដំណាក់សុខាភិបាលឃុំតាយវុាំង។ ក្នុងតួនាទីថ្មី គាត់រួមជាមួយសមូហភាពនៃអង្គភាព ប្រញឹកក្នុងការៀបចំចាត់ចែង ផ្សព្វផ្សាយអនុវត្តមានប្រសិទ្ធភាពនូវភារកិច្ចមុខជំនាញ ធ្វើសេនាធិការ អនុវត្តក្រមលក្ខឋានជាតិអំពីដំណាក់សុខាភិបាលឃុំ ក្នុងដំណាក់កាលដល់ឆ្នាំ ២០៣០។

ទន្ទឹមនឹងការងារមុខជំនាញ លោកផល្លា តែងយកចិត្តទុកដាក់ពិសេសចំពោះការឃោសនាផ្សព្វផ្សាយអប់រំសុខភាព។ គាត់តែងសហការជាមួយសុខាភិបាលភូមិ សហការី ព្រះសង្ឃ អ្នកមានប្រិយភាពក្នុងសហគមន៍ជនរួមជាតិខ្មែរ ដើម្បីផ្សព្វផ្សាយផ្ដល់ព័ត៌មានដោយរូបភាពងាយយល់សមស្របនឹងលក្ខណៈជាក់ស្តែង រួមចំណែកលើកកម្ពស់ការយល់ដឹងអំពីការថែទាំសុខភាពរបស់ប្រជាជន។

ពូថាច់វីន ប្រជាជននៅភូមិដាវវៀងឃុំតាយវុាំង ចែករំលែក៖ “វេជ្ជបណ្ឌិត ឡឹមផល្លា រួសរាយរាក់ទាក់និងអស់ពីចិត្តចំពោះមាមីងខ្មែរ។ នៅពេលដែលប្រជាជនមកដំណាក់សុខាភិបាល លោកបានផ្សព្វផ្សាយអំពីការបង្ការជំងឺ និងណែនាំពន្យល់យ៉ាងច្បាស់និងងាយយល់ ដូច្នេះ ប្រជាជនមានទំនុកចិត្តយ៉ាងខ្លាំង ពេលមកពិនិត្យព្យាបាលជំងឺនៅទីនេះ”។

លោកង្វៀងវុាំងយ៉ែ អនុប្រធានគណៈកម្មាធិការប្រជាជនឃុំតាយវុាំង មានប្រសាសន៍៖ “សមមិត្ត ឡឹមផល្លា គឺជាកម្មាភិបាលដំណាក់សុខាភិបាល មានចរិយាសម្បត្តិនិងសីលធម៌ល្អ មានជំនាញវិជ្ជាជីវៈរឹងមាំ ហើយផ្សារភ្ជាប់យូរអង្វែងជាមួយដំណាក់សុខាភិបាលនៅមូលដ្ឋាន។ លោកបានរួមចំណែកយ៉ាងសកម្មក្នុងការអនុវត្ត ក្រមលក្ខឋានជាតិអំពីដំណាក់សុខាភិបាលឃុំ ឆ្នាំ ២០២៥ ភូមិភាគមានកិត្តិយសទទួលបានប័ណ្ណសរសើរជាច្រើនពីថ្នាក់ស្រុក (ចាស់) និងទីក្រុង”៕

ហុងទើ-ត្រឺងរ៉ូន

ចែករំលែកអត្ថបទ

ពាក្យគន្លឹះ