ព្រឹត្តិការណ៍ - នយោបាយ ព្រឹត្តិការណ៍

12/02/2026 - 20:32

គណៈប្រតិភូតំណាងរដ្ឋសភាទីក្រុងកឹងធើ សួរសុខទុក្ខនិងប្រសិទ្ធពរបុណ្យចូលឆ្នាំថ្មី ដល់កាសែតនិងវិទ្យុទូរទស្សន៍កឹងធើ

- ថ្នាក់ដឹកនាំគណៈប្រតិភូតំណាងរដ្ឋសភាទីក្រុងកឹងធើ រំពឹងថា កាសែតនិងវិទ្យុទូរទស្សន៍កឹងធើ បន្តសហការយ៉ាងជិតស្និទ្ធជាមួយអង្គភាពពាក់ព័ន្ធ ក្នុងការផ្តល់ព័ត៌មាននិងផ្សព្វផ្សាយ ពិសេសអំពីការបោះឆ្នោតជ្រើសតាំងតំណាងរដ្ឋសភា នីតិកាលទី១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២៦ - ២០៣១។

ក្នុងឱកាសបុណ្យចូលឆ្នាំថ្មីប៊ិញ ង៉ ឆ្នាំ២០២៦ នៅថ្ងៃទី១២ ខែកុម្ភៈ គណៈប្រតិភូតំណាងរដ្ឋសភាទីក្រុងកឹងធើ បានអញ្ជើញមកសួរសុខទុក្ខនិងប្រសិទ្ធពរបុណ្យចូលឆ្នាំថ្មី ដល់សមូហភាពកម្មាភិបាល បុគ្គលិកនិងពលករនៃកាសែតនិងវិទ្យុទូរទស្សន៍កឹងធើ។

ថ្នាក់ដឹកនាំគណៈប្រតិភូតំណាងរដ្ឋសភាទីក្រុងកឹងធើ សួរសុខទុក្ខនិងប្រសិទ្ធពរបុណ្យចូលឆ្នាំថ្មី ដល់កម្មាភិបាល បុគ្គលិក និងពលករនៃកាសែតនិងវិទ្យុទូរទស្សន៍កឹងធើ។

ជំនួសមុខគណៈប្រតិភូតំណាងរដ្ឋសភាទីក្រុងកឹងធើ លោកស្រី ឡេធីថាញ់ឡាម អនុប្រធានក្រុមជំនាញការនៃគណៈប្រតិភូតំណាងរដ្ឋសភាទីក្រុង បានប្រសិទ្ធពរបុណ្យចូលឆ្នាំថ្មី ដល់សមូហភាពកម្មាភិបាល បុគ្គលិកនិងពលករនៃកាសែតនិងវិទ្យុទូរទស្សន៍កឹងធើ។ ទន្ទឹមនឹងនេះ លោកស្រី បានវាយតម្លៃខ្ពស់ចំពោះការរួមចំណែកដ៏សំខាន់របស់កាសែតនិងវិទ្យុទូរទស្សន៍កឹងធើ ក្នុងការផ្សព្វផ្សាយនូវគោលការណ៍របស់បក្ស និងគោលនយោបាយ ច្បាប់របស់រដ្ឋនិយាយរួម និងសកម្មភាពរបស់គណៈប្រតិភូតំណាងរដ្ឋសភាទីក្រុង និយាយដោយឡែក ក្នុងពេលកន្លងមក។ ថ្នាក់ដឹកនាំគណៈប្រតិភូតំណាងរដ្ឋសភាទីក្រុង រំពឹងថា កាសែតនិងវិទ្យុទូរទស្សន៍កឹងធើ បន្តសហការយ៉ាងជិតស្និទ្ធជាមួយគណៈប្រតិភូតំណាងរដ្ឋសភាទីក្រុង ក្នុងការផ្តល់ព័ត៌មាននិងផ្សព្វផ្សាយ ជាពិសេសអំពីការបោះឆ្នោតជ្រើសតាំងតំណាងរដ្ឋសភា នីតិកាលទី១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២៦-២០៣១។

មានប្រសាសន៍តបវិញ លោកហ្វិញហ្វាងម៉េន នាយកកាសែត និងវិទ្យុ ទូរទស្សន៍កឹងធើ បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់ លើកទឹកចិត្ត និងចំពោះមនោសញ្ចេតនាដ៏ថ្លៃថ្លារបស់គណៈប្រតិភូតំណាងរដ្ឋសភាទីក្រុង។ នេះជាការលើកទឹកចិត្តដ៏ធំធេងសម្រាប់កងជួរអ្នកសារព័ត៌មានរបស់អង្គភាព បន្តខិតខំប្រឹងប្រែង រក្សារឹងមាំជំហរនយោបាយ លើកកម្ពស់គុណភាពខ្លឹមសារផ្សព្វផ្សាយ; បន្តរួមដំណើរជាមួយទីក្រុង ក្នុងការផ្សព្វផ្សាយនិងឆ្លុះបញ្ចាំងទាន់ពេលអំពីជីវភាពសេដ្ឋកិច្ច - សង្គម រួមចំណែកធ្វើឱ្យសាយភាយជំនឿទុកចិត្ត គោលបំណងអភិវឌ្ឍ និងកសាងទីក្រុងកឹងធើកាន់តែស៊ីវិល័យ និងទំនើប៕

ប្រភពៈ baocantho.com.vn - ពេជ្រសឿន

ចែករំលែកអត្ថបទ

ពាក្យគន្លឹះ